Yakubu 5:11 - Kibaku NT

¹¹ Apa tǝ gǝri zǝndi, yar ɗǝngati barkar ndzǝ nam tara ɓati. Gǝri ngati ata kǝra ɓati sǝr Ayuba ba gǝri wula sǝ nam tǝ Thlaku tara siya lari ata dǝnta. Akuya Thlaku ni dzǝ ghǝi-ghǝi aka kalhur ba kǝtǝrdzi.

Yakubu 5:11 Iomraidhean Croise

Mata 10:22

Sanga ndzi ata siya ngǝla tǝ gǝri ata nyarna, ama ndǝ nam tara ɓati ka la dǝnta dzǝ ata ɓui mbatǝdzi.

Luka 1:50

Dzǝ la kǝtǝrdzi ala ndzǝ nam ada hyivǝr tǝni, zaman ka la zaman.

Luka 11:10

Akuya kǝlara ndǝ nam tara kǝgyɛ dzǝ ata dlutsi; ndǝ nam tara bara dzǝ ata ɓui; ba ala kǝlara ndǝ nam tara tsa nyavǝr ndǝ ata mburnta alari.

Luka 6:36

Ka gǝri ndzai ndzǝr kǝtǝrdzi, tsu apa tǝ Tada gǝri ma ndǝr kǝtǝrdzi.

Ndzǝr Rauma 2:4

Kǝna gǝ ada kǝtǝ apa gyali ya, hangkur hankalkur Hyal, ɓatǝsu ba kǝmarǝrni, tǝ gǝ ngǝla wula apǝri hankalkur Hyal ata mwari aka gɛ akwa tubi wɛ?

Ndzǝr Afisa 1:6

akuya ka hǝmɛ nǝr nggakur ɗakurni, nam tǝ dzǝ la muri ɓǝrtu kadǝbar tǝ mur paktsǝnidzi aka Zǝrǝrni nam tǝ dzǝ yiɗɛ.

Ndzǝr Afisa 2:4

Ama kadǝbar yiɗǝdzǝrni nam ngga ala muri, Hyal, nam aka kǝtǝrdzi hang,

Ndzǝr Ibrahim 10:39

Ama mur adi nǝr ndzǝ nam ada lǝghǝl tǝ hǝi ba ada santadzi wɛ, ama mur nǝr ndzǝ nam tara mbǝrsa ba ada ɓui mbatǝdzi.

Ndzǝr Ibrahim 3:14

Yar si akuya ka muri ndǝghǝi akwa Kǝrsti ma mur ngǝzi ɓaɓal har ka la dǝnta mbǝrsa nam tǝ yar akǝri ata baditsǝni.

Ndzǝr Ibrahim 3:6

Ama Kǝrsti dzǝ zǝr nam aka hamnta dzǝri ata kǝra kǝiyir Hyal. Ba mur dza ndzǝr kǝiyirni ma mur ngǝzi dǝnautsǝnidzi ba tǝmatsǝniyir muri nam tǝ muri ada agula akǝri.

Yakubu 1:12

Barka ala ndzǝ nam ada ɓati su akwa sakar sǝr nkǝrti, akuya ma dzǝ ɓati sǝr nkǝrti ni, dzǝ ata siya dlutsi aliyapǝr mpikǝ nam tǝ Hyal tara 'ya alkawalari ala ndzǝ nam tara yiɗǝ tǝni.

Yakubu 1:2

Kǝtamɛ apǝri dzǝ sǝr kutsari, madar mama kaka nkwaiyir mama yarɛ, kǝlara sakatǝ bwanai ɓui tǝ gǝri,

1 Bitrusu 1:13

Kadǝbar ǝni, ka gǝr dzǝkuti ɗǝnga gǝri ka 'ya su; ka gǝri ɓǝlati kǝr gǝri; vǝtamɛ tǝmár gǝri sang-sang ata ɗakur Hyal nam tǝ ndǝ ata la gǝri, sakatǝ Yɛsu Kǝrsti tsantǝdzi.

1 Bitrusu 3:14

Ama wala ma gǝr ɗar bwanai akuya 'ya sǝ nam kal-kal, gǝri ndzǝr barka. “Ta gǝr ta hyivǝr waima, ba ta gǝr ta ɗǝnga.”

2 Bitrusu 2:9

ma apǝri ani ahani, antǝ Thlaku zǝndi whal nam tǝ dzǝ ata mbulba ndzǝ nam ada ndzai nǝr Hyalkur akwa bwanai, ba dzǝ ata ngǝzi ndzǝ nam kura ada 'ya sǝ kal-kal akuya ka vǝr haka, nam ani vǝr nam tǝ dar ata ɓui haka.