Yakubu 4:8 - Kibaku NT

⁸ Ka gǝri si kudzǝghɛ adzǝ Hyal ba dzǝ ata si kudzǝghɛ adzǝ gǝri. Kǝtsǝnta mɛ tsiya gǝri, gǝri ndzǝr biku, ba ka gǝri kǝtsǝnta ɗǝfa gǝri, gǝri nam aka hal sǝsǝɗɛ.

Yakubu 4:8 Iomraidhean Croise

Mata 12:33

“Mǝrti fwɛ ka dzǝ 'ya ɗaku ba madarni ata 'ya ɗaku, wala mǝrti fwɛ ka dzǝ 'ya kulɗa ba madarni ata 'ya kulɗa, akuya ndǝ ata zǝndi fwɛ atar madarni.

Mata 15:2

“Kami tǝ ndzǝr nuwur ngɛ ada ɓǝlnta sǝr hyipɛ nǝr ndzǝ ngga-ngga? Dar adi ada kǝtsǝnta tsiya dar kama dar sǝm su wɛ!”

Mata 27:24

Sakatǝ Pǝlatus tara wula apǝri sǝ tǝ dzǝ tsu awa 'yati kǝra adi wɛ, ama tar mpa ani ata hyati, dzǝ ka kǝtsi yimi ka kǝtsǝnta tsiyari akǝma dlamiyir ndzi ni. Dzǝ ka nkǝrɛ, “Yi adi aka aibaiyir masǝr ndǝ ǝni wɛ. Kǝ mbi nǝgǝri!”

'Ya Su 15:9

Dzǝ ta tsanti pampamkur akwa ɓwanga muri kaka dar wɛ, akuya dzǝ kǝtsǝnta ɗǝfa dar atar hamnta dzǝrǝr dar.

2 Ndzǝr Kwaranti 7:1

Tǝng tǝ muri aka alkawal yarɛ ni, pazǝrna yarɛ nam tǝ Yi yiɗɛ, ngyar ka mur kǝtsǝnta kǝr muri ta sanga sǝ yarɛ nam ada ghyigǝrti dzɛ ba mambǝlɛ, ka muri hamnta kǝr muri sang-sang ala ndzaiyir whalǝr Hyal akwa hyivǝr Hyal.

1 Timathlawus 2:8

Yi ada bara sǝli yarɛ nam ada ndzai ka Hyal akwa kǝlara vui ka dar 'ya aduwa tǝ dar ada haɓǝti tsiya dar yarɛ kura aka sǝwa ɗǝfu wala ɓwalnya.

Ndzǝr Ibrahim 10:22

ngyar ka mur si kudzǝghɛ adzǝ Hyal aka ɗǝfu duku akwa mbǝrsa nam kura hyivǝr, aka ɗǝfa muri tǝ ndǝ ɓutsǝba ka kǝtsǝnta tǝ muri ta ndzai aka ɗǝngar ɗǝfu nam aka aibai ba dzá mur kǝtsǝntadzi aka yimi nam lau-lau.

Ndzǝr Ibrahim 7:19

(akuya mabari ni adi ada ghǝiyaba mima wɛ), ba ndǝ ka si aka tǝmatsǝni nam ɗaku atarni tǝ mur sǝngui kudzǝghɛ adzǝ Hyal.

Yakubu 1:8

Dzǝ ndɛ aka hal sǝsǝɗɛ, dzǝ adi ada vi hankalari ata vui duku akwa sanga sǝ nam tǝ dzǝ ada 'ya wɛ.

Yakubu 3:17

Ama bǝrkawakur nam tara hyati atahyal tangkǝma dzǝ kǝtsǝkǝtsi; antǝ yiɗǝ ndzai lapiya, kanadikur, kǝlǝngkǝr, kǝtǝrdzi hang ba munya nam ɗaku, kura aka nkǝru ba aka dzǝrkur.

1 Bitrusu 1:22

Kulini nam tǝ gǝri kǝtsǝnta kǝr gǝri atar ngandǝrǝr dzǝrkur, ani ka gǝr 'ya aka yiɗǝdzi ala madar mama gǝri, ka gǝri yiɗǝ kǝma gǝri aka ɗǝfu duku.

1 Bitrusu 3:21

ba yimi ǝni dludzǝr bamtizǝma nam kulini tara mbatǝ tǝ gǝri yɛ—bamtizǝma ni adi apǝri kǝtsǝnta diɗǝr dzɛ wɛ, ama alkawal nǝr ɗǝngar ɗǝfu nam ɗaku tǝbwar Hyal. Dzǝ mbatǝ tǝ gǝri atar hyatǝr Yɛsu Kǝrsti akwa ntǝnti ni,

1 Yawhana 3:3

Kǝlara ndǝ nam aka tǝmatsǝni ǝni akwa dza ka dzǝ kǝtsǝnta kǝrni, tsu apa tǝ dzǝ kǝtsǝkǝtsi.