Yakubu 4:4 - Kibaku NT

⁴ Gǝri ndzǝr badawi, gǝri ta zǝndi apǝri pazǝkur aka dunya ni ani ndzai dawa aka Hyal wɛ? Kǝlara ndɛ nam tara tsarba ka ndzai pazǝr dunya ni dzǝ kǝ ndzai dawar Hyal.

Yakubu 4:4 Iomraidhean Croise

Mata 12:39

Dzǝ ka sǝnau, “Ndzǝ nam kǝmangar ba ndzǝr badawi ada bara ka dar wula parsu nǝr ndatǝdzi! Ama wala duku ndǝ adi ata la dar wɛ, tar parsu nam tara ɓui Yunana.

Mata 16:4

Ndzǝ nam kǝmangar ba ndzǝr badawiyir zaman ǝni ani ada bara parsu nǝr ndatǝdzi, ama ndǝ adi ata hamnta wala duku wɛ ɗiɗi parsu nǝr Yunana.” Antǝ Yɛsu ngyar tǝ dar ka tǝra.

Mata 6:24

“Ndɛ adi nam ata mǝzi 'ya kǝthlǝr ala Thlaku sǝɗǝ wɛ. Tar ma dzǝ ngǝla pathlu ka dzǝ yiɗǝ pathlari, wala ka dzǝ tsu pathlu akwa kǝr ba ka dzǝ rutsǝni pathlari. Gǝ adi ata mǝzi kǝthlǝr ala Hyal gyapu aka kwapa wɛ.

Luka 19:27

Ama ndzǝ nam dǝgunmarna nam kura ada bara ka Yi ndzai kuhyi ata kǝra dar—siyamɛ aka dar akwani ka ndǝ kurnta tǝ dar akǝmawai.’ ”

Yawhana 15:19

Ma apǝri gǝr nǝr dunya, dunya ata yiɗǝ tǝ gǝri apa nǝni. Ama gǝri adi nǝr dunya wɛ, Yi kurta tsarba tǝ gǝri akwa dunya, ani sǝ nam ada 'ya tǝ dunya tara ngǝla tǝ gǝri.

Yawhana 17:14

Yi nkǝrɛ ala dar labar ngɛ, dunya ngǝla tǝ dar, kadǝbar dar adi nǝr dunya wɛ, apa tǝ Yi ma Yi adi nǝr dunya wɛ.

Yawhana 7:7

Gǝri, dunya adai ata ngǝla tǝ gǝri wɛ, ama yɛ dunya ata ngǝla tǝra, kadǝbar tǝ Yi sakǝidatsǝni tǝ dar apǝri sǝr 'yar dar kulɗa.

Ndzǝr Rauma 5:10

Akuya ma, sakatǝ muri dawar Hyal, mur ɓui salautsǝnidzi atar ntǝr Zǝrǝrni ni, mǝmi hangkur, aghǝla tǝ muri ɓui salautsǝnidzi, tǝ muri ata ɓui mbatǝdzi atar mpikari!

Ndzǝr Rauma 8:7

Hankalǝr biku ni kǝmangar ala Hyal. Dzǝ adi ada kǝlǝngkǝr ala mabariyir Hyal wɛ, wala tǝ dzǝ awa mǝzi ka mǝrti wɛ.

1 Ndzǝr Kwaranti 1:20

Dzǝ ama ndǝ nam bǝrkawa ni? Dzǝ ama ndǝ nam malǝmǝr mabari? Dzǝ ama ndǝ nam masukur ɓwalnya nǝr zaman ǝni? Hyal ta mǝrti bǝrkawakur dunya ni apǝri dlangkur wɛ?

1 Ndzǝr Kwaranti 1:21

Akuya tǝng akwa bǝrkawakur Hyal dunya ni ta zǝndi tǝni atar bǝrkawakur wɛ, Hyal kǝ tsarba atar dlangkur sǝ nam tǝ ndǝ tara nkǝrnta ata kǝra ndǝrǝr Hyal tǝ dzǝ mbati ndzǝ nam aka mbǝrsa.

Ndzǝr Galatiya 1:10

Yi ada bara ka ndzǝ mbǝrsa aka yɛ kǝna, ka Yi mǝrti ɗǝfa Hyal mwapu? Kǝna Yi ada 'ya kǝi mǝrti ɗǝfa ndzi mwapu? Ma apǝri ndzi tǝ Yi ada mǝrti ɗǝfa dar mwapu, Yi adi ata ndzai faliyir Kǝrsti nam ɗa wɛ.

Yakubu 1:27

Akuya adini nam tǝ Hyal Tada muri ada dluwɛ apǝri kǝtsǝkǝtsi ba kura aka aibai ani ǝni: wulhǝ musǝtɛ yarɛ ba kuɗǝghum yarɛ akwa bwanaiyir dar ba ɓǝlati kǝrngɛ ta ghyǝmbur dunya.