Yakubu 4:12 - Kibaku NT

¹² Hyal ɗiɗi ani tara hamnta mabari ba dzǝ ani ndǝr haka, dzǝ ani ada mǝzi ka mbati mpikɛ wala santa mpikɛ. Ama gɛ—gǝ wa tǝ gǝ awa 'ya haka ala ntǝwhulǝr ngɛ?

Yakubu 4:12 Iomraidhean Croise

Mata 10:28

Ta gǝri ta hyivǝr ndzǝ nam ata tsai dzǝ ni, ama dar adi ata mǝzi ka tsai sangura wɛ; ama ka gǝri hyivǝr Hyal dzǝ nam ata mǝzi ka santa dzɛ gyapu aka sangura akwa u'u kura kuri.

Luka 12:5

Ama Yi ata tsanti ala gǝr ndǝ nam tǝ gǝri ata hyivǝr tǝni: Ka gǝr hyivǝr ndǝ nam, aghǝla ma dzǝ tsai dzǝ ni, dzǝ aka wada nam tǝ dzǝ ata ɗalu tǝni akwa u'u kura kuri. Dzǝri, Yi ada nkǝrɛ ala gǝri, ka gǝri hyivǝr tǝni!

Ndzǝr Rauma 14:13

Kadǝbar ǝni ka mur ngyar thla haka ata kǝra kǝma muri. Ata vuiya ǝni ɗǝmhamɛ hankala gǝri kura gǝri awa vi sǝr mbuthlǝlɛ wala sǝ nam tǝ ndɛ ata ɗǝti ati akwa whalǝr zǝr mama gǝri.

Ndzǝr Rauma 14:4

Gǝ wa tǝ gɛ awa gha apǝri Hyal ata hakatsǝni zǝr kǝiyir ndǝ damwa? Ɗiɗi thlakǝrni ata mǝzi thlanta ma dzǝ ada 'ya su kal-kal wala adi kal-kal wɛ, ba dzǝ ata 'ya su kal-kal, akuya Thlaku ni ata mǝzi ka mǝrti tǝni ka dzǝ sǝmkǝr.

Ndzǝr Rauma 2:1

Gɛ, tsu adi aka sǝr vǝti nya wɛ, gǝ nam ada 'ya haka ala ndǝ laka damwa, akuya ata kǝra sǝ nam tǝ gǝ haka ndǝ damwa, gǝ ada 'ya haka ala kǝrngɛ, kadǝbar gǝ nam ada 'ya haka gǝ yɛ gɛ ada 'ya dzǝli sǝ yar ndari.

Ndzǝr Rauma 9:20

Ama Gǝ wa, ndɛ kal, tǝ gɛ awa kalaktsǝni labar ala Hyal? “Sǝ nam tǝ ndǝ mǝrti awa nkǝrɛ ala ndǝ nam tara mǝrti tǝni, ‘Kami tǝ gǝ mǝrti tǝra apani ya?’ ”

Ndzǝr Ibrahim 7:25

Kadǝbar ǝni dzǝ ada mǝzi ka mbatǝ ndzǝ nam tara si adzǝ Hyal atarni kadukurau kǝlara saka, kadǝbar kǝlara saka dzǝ ada ndǝrɛ ala Hyal ata nyar dar.

Yakubu 5:9

Madar mama kaka nkwaiyir mama yarɛ, ta gǝri ta huhuni ata kǝra kǝma gǝri, adi ahani wɛ ndǝ ata 'ya ala gǝri haka. Ndǝr 'ya haka ni dzǝ ada hyati abǝla nyavǝr!