Yakubu 4:1 - Kibaku NT

¹ Mi ani ada si aka mpa kaka ɓwalnya yarɛ akwa ntsa gǝri? Adi dar ada si atar mau sǝ yarɛ nam tǝ gǝri ada bara nam tǝ dar ada mpa akwa ɗǝfa gǝri wɛ.

Yakubu 4:1 Iomraidhean Croise

Mata 15:19

Akuya akwa ɗǝfu ani tǝ ɗǝnga nam kulɗa ada sǝba, tsa ndɛ, bara mwalar ndɛ, badawikur, hǝlɛ, kǝl sakǝidar hawi, gha ndɛ ada sǝba.

Yawhana 8:44

Gǝri nǝr tada gǝri, Satan, barar gǝri ka gǝri 'yati sǝ nam tǝ Tada gǝri ada bara. Tǝng akwa baditsǝniyari ma dzǝ ndǝr tsa ndɛ. Dzǝ ta ndzai ata kǝra dzǝrkur wɛ, kadǝbar dzǝ adi aka dzǝrkur akwa dza wɛ. Kǝlara saka nam tǝ dzǝ ada hawi, dzǝ ada gha sǝ nam akwa ɗǝfari, akuya dzǝ ndǝr hawi, ba atǝgǝra hawi.

Ndzǝr Rauma 7:23

ama Yi wula mabari damwa ada 'ya kǝthlǝr akwa palai yarɛ nǝr dzawai, ada dlǝ mpa ata kǝra mabari nam akwa hankalawai ba mǝrti tǝra ndɛ akwa fǝrsǝna nǝr mabariyir biku nam ada 'ya kǝthlǝr akwa ntsa palai yarɛ nǝr dzawai.

Ndzǝr Rauma 7:5

Akuya sakatǝ dzǝri biku ani thlakǝr muri, sǝɗar 'ya biku nam tǝ mabari hyanti ada 'ya kǝthlǝr akwa dza muri yarɛ, ani ka munya yarɛ nam tǝ muri ya mwari aka muri akwa nti.

Ndzǝr Rauma 8:7

Hankalǝr biku ni kǝmangar ala Hyal. Dzǝ adi ada kǝlǝngkǝr ala mabariyir Hyal wɛ, wala tǝ dzǝ awa mǝzi ka mǝrti wɛ.

Ndzǝr Galatiya 5:17

Akuya sǝ nam tǝ dzǝr biku ni ada bara ani sǝ nam kura Mambǝl ni ada bara, tsuwɛ sǝ nam tǝ Mambǝl ni ada bara ani sǝ nam kura dzǝr biku ni ada bara. Dar akwa kampiku aka kǝma dar, ani ka gǝri adi awa 'yati sǝ nam tǝ gǝri ada bara wɛ.

Ndzǝr Kwalausi 3:5

Kadǝbar ǝni, ka gǝr tsai, kǝlara sǝ nam nǝr dunya akwa dzá gǝri: badawikur, ghyǝmburkur, mau su, tǝmá sǝ kulɗa ba lambwakur, dzǝ ani vǝkǝr sǝlai ala mǝlǝm yarɛ.

2 Timathlawus 2:23

Ta gǝ ta lǝkwa kampiku nǝr dlangkur ba bǝlkǝkur, kadǝbar ada si aka ɓwalnya yarɛ.

Taitus 3:3

Kadǝbar yar ma watsi yar ta zǝndi sǝ wɛ yar ndzai kura ngandǝrɛ, ndǝ zǝlanta tǝ yar, ba ndǝ mǝrti tǝ yar fali atar sanga dzǝli mau sǝ kulɗa yarɛ ba sǝr nga sǝɗa yarɛ. Yar ndzai akwa imaikur ba sǝlku, ndǝ ngǝla tǝ yar ba yar ada ngǝla ndzi damwa.

Taitus 3:9

Ama ka gǝ 'ya pǝɗǝm ta lǝkǝdzǝr dlangkur ba tsǝ thlǝma kaká yarɛ ba kampiku aka ɓwalnya yarɛ ata kǝra mabari, kadǝbar sǝ ǝni yarni adi aka ɗǝru wala paida wɛ.

Yakubu 1:14

Ama kǝlara ndɛ ada lǝkwa sǝr nkǝrti saka nam, atar sǝ kulɗa nam tǝ miyirni kari, ani ada ndǝru tǝni ka zǝɓati hankalari.

Yakubu 4:3

Ama sakatǝ gǝri kǝgyɛ, kura gǝri ta ɓui, kadǝbar sǝ nam akwa ɗǝfa gǝri kulɗa; apǝri gǝri ata santa sǝ nam tǝ gǝri ɓui ni akwa nga sǝɗar gǝri ɗiɗi.

1 Bitrusu 1:14

Ka gǝri ndzai apa madar Hyal nam ada hamnta kǝr, ta gǝri ta nu barar gǝri nam kulɗa nam watsi akwa sakatǝ gǝri bǝlku.

1 Bitrusu 2:11

Pazǝrna yarɛ nam tǝ Yi yiɗɛ, Yi ada gala tǝ gǝri, apa tǝ gǝri ndzǝ si-si ba mǝthlǝɓi akwa dunya ni, ta gǝr ta yiɗɛ mau su kulɗa-kulɗa nam ada mpa aka sangura gǝri.

2 Bitrusu 2:18

Akuya dar ada agula ɓǝrtu, ba dar ada ndǝrhǝi hankala ndzi atar mau sǝr dzǝr biku, ndǝ zǝlanta tǝ dar alǝkwa ndzaiyir biku; ndzǝ nam tara hata ɓui mbulbadzi akwa ntsa ndzǝr 'ya biku.

2 Bitrusu 3:3

Tangkǝma, kǝ ndzai ntsakǝr ka gǝr zǝndi apǝri akwa vǝri yarɛ nǝr dǝnta, ndzǝr kǝli ata sǝba, tǝ dar ata 'ya kǝli ba dar ada nu sǝ kulɗa nam tǝ ɗǝfa dar ada bara.