Yakubu 3:6 - Kibaku NT

⁶ Kanyar ni yɛ dzǝ u'u, dzǝ ani dǝna nǝr 'ya kulɗakur akwa ntsa palai yarɛ nǝr dzá ndɛ. Dzǝ ada sǝwati sanga sǝ tǝ ndɛ ada 'ya, dzǝ ada vǝti sangkur ndzaiyir ndǝ laka ata u'u, ba kanyar ni dzǝ ada mba aka u'u nam tara si akwa u'u kura kuri tǝ kǝrni.

Yakubu 3:6 Iomraidhean Croise

Mata 12:24

Ama sakatǝ ndzǝr Farisi tara ngati sǝ ǝni, dar ka nkǝrɛ, “Aka dǝnar Bɛlzǝbul ɗiɗi, zǝr kuhyir mambǝl nam kulɗa yarɛ, ani tǝ ndǝ ni ada kǝdlǝba mambǝl nam kulɗa yarɛ ni.”

Mata 5:22

Ama Yi ada gha ala gǝri apǝri kǝlara ndǝ nam tǝ ɗǝfari sǝwa ala zǝrangǝri ndǝ ata 'ya alari haka. Kadamwa, kǝlara ndǝ nam tara nkǝrɛ ala zǝrangǝri, ‘Dlang,’ ndǝ ata mwari aka dza akwa vui hakar ndzǝr Yahudi. Ama kǝlara ndǝ nam tara nkǝrɛ, ‘Gǝ dlang!’ dzǝ ata lǝkwa u'u kura kuri.

Markusu 7:15

Sǝ adai nam ada hyati abǝla ka lǝkwa dzá ndǝ nam ada mǝrti tǝni ‘kura kǝtsǝkǝtsi’ wɛ, tar sǝ nam ada sǝba akwa kuta ndɛ ani ada mǝrti tǝni kura kǝtsǝkǝtsi. [

Luka 16:24

Ani dzǝ ka kǝga tǝni, ‘Ba Ibrahim 'ya kǝtǝrdzi alai, ka gǝ hyanti Laizǝru ka dzǝ ntsu gulandari akwa yimi, ka dzǝ ntathlani alai kanyarawai, kadǝbar Yi ada ɗar bwanai akwa u'u ni.’

'Ya Su 20:30

Wala akwa ntsa gǝri sǝli ata sǝba ka mbalnta dzǝrkur ni akuya ka ndǝrnta ndzǝr nuwɛ atǝra ka kǝr dar.

'Ya Su 5:3

Antǝ Bitrusu nkǝrɛ, “Hananiya, mǝmi tǝ Satan tara ghǝiyati ɗǝfa gɛ nam tǝ gǝ hawi ala Mambǝl Kartǝ, ba kwapa nam tǝ gǝ ɓui akwa fwakari, gǝ ɗǝwar lakari ala kǝrngɛ?

'Ya Su 6:13

Antǝ dar si aka ndzǝr sakǝidar hawi nam tara nkǝrɛ, “Ndǝ ni tatang dzǝ ada labar ata kǝra fǝr Hyal ba ata kǝra mabari.

Taitus 1:11

Kǝ ndzai ntsakǝr ka ndǝ harti nya dar, kadǝbar dar ada kikilnta sanga yalǝr kuta kǝi atar hyipǝ sǝ yarɛ nam kura kal-kal ka dar hyipɛ, ba dar ada 'ya ǝnda akuya ka sǝm ndɛ.

Yakubu 2:7

Adi dar ani ndzǝ nam ada nkǝr sǝ kulɗa ata kǝra thlǝma Yɛsu Kǝrsti ni nam ɗaku tǝ ndɛ ada kǝga tǝ gǝri akǝri ni wɛ?

Yakubu 3:7

Akuya kǝlara dzǝli mawi yarɛ, ika, ba sǝ yarɛ nam ada mwari tǝ kuta, ba sǝ yarɛ nam ada ndzai akwa yimi ndɛ ada mǝzi ka kǝtsǝni, ba ndɛ kǝtsǝni tǝ dar,

2 Bitrusu 3:3

Tangkǝma, kǝ ndzai ntsakǝr ka gǝr zǝndi apǝri akwa vǝri yarɛ nǝr dǝnta, ndzǝr kǝli ata sǝba, tǝ dar ata 'ya kǝli ba dar ada nu sǝ kulɗa nam tǝ ɗǝfa dar ada bara.

3 Yawhana 1:10

Ani ma apǝri Yi si Yi ata tsanti ala gǝri sǝ nam tǝ dzǝ ada 'ya dzǝ ada nkǝr sǝ kulɗa ata kǝra yar, tsuwɛ apǝri ǝni ta mǝzi tǝni wɛ, dzǝ ngǝla dlutsi madar mama, ba ka kanti ala ndzǝ nam ada bara ka kǝdlǝba tǝ dar abǝla akwa ikǝlizǝya.

Wulsu 12:9

Ndǝ ka ɗalghǝl nggar pwapu kulɗa nam ngga ni—pwapu nam watsi tǝ ndǝ ada ka tǝ Satan, nam tara zǝlanta dunya sang. Ndǝ ɗalghǝl tǝni ata dai, ba ndzǝr hyantǝr Hyal ni yarɛ kaka dza.

Wulsu 13:14

Kadǝbar ka sǝr ndati yarɛ nam tǝ ndǝ lar dǝna tǝ dzǝ ada 'yati ata vuiya mawi kulɗa nam tangkǝma ni, dzǝ zǝlanta ndzǝ nam ada ndzai ata dai. Dzǝ hau tǝ dar ka mǝrti su tara par mawi kulɗa nam tangkǝma ni ka vǝkǝr sǝlai ala mawi kulɗa nam tara ɓui mbǝlkǝr katsakar ba tsu dzǝ aka mpikɛ.

Wulsu 18:23

Parakǝr pitǝla tsu awa dzakti mbǝli akwa gǝ kǝra wɛ. Kuɗaha sala kǝduwa aka kǝduwa ndǝ tsu awa dzakti ngati akwa gǝ kǝra wɛ. Ndzǝr fǝliyir ngɛ dar dza ngganggar dunya. Atar 'ya su mutǝmutǝkur ngɛ gǝ zǝlanta sanga ndzǝr dunya ni.

Wulsu 19:20

Ama ndǝ ngǝti mawi kulɗa ni, ndǝ ka ɓui nabiyir hawi nam ada 'ya parsu nǝr ndatǝdzi ata vuiyari. Aka sǝr ndati yarni dzǝ zǝlanta dzǝ nam tara dlutsi ntar mawi ni ba vǝkǝr sǝlai ala parni ni. Gyapa dar ndǝ pu tǝ dar ata mulɛ akwa mandar u'u nam ada mba aka kagǝlar barudu.