Yakubu 3:2 - Kibaku NT

² Akuya sanga muri ada sá akwa sǝ hang. Ma kǝlara ndɛ adai nam kura ada sá akwa ndǝrǝrni, dzǝ ani ndǝ nam kura aka aibai, tǝ dzǝ ada mǝzi ka kǝtsǝni sanga dzari.

Yakubu 3:2 Iomraidhean Croise

Mata 12:34

Gǝri nam madar kyikǝhyɛ yarɛ, mǝmi tǝ gǝri nam ndzǝ kulɗa awa nkǝrɛ sǝ nam ɗaku? Akuya nya ada nkǝrba sǝ nam ghǝi-ghǝi akwa ɗǝfu.

Mata 12:37

akuya atar ndǝrǝr ngɛ antǝ gǝ ata siya ndzai aka dzǝrkur akwa haka, ba atar ndǝrǝr ngɛ antǝ haka ata siya nkai tǝngɛ ka gǝ ndzai ndǝ nam kulɗa.”

Ndzǝr Rauma 3:10

Apa rǝbwa-rǝbwa: “Ndǝ duku adi wɛ nam kal-kal, adi wɛ wala duku;

Ndzǝr Rauma 7:21

Ani Yi ɓui mabari ǝni ada kǝthlǝr akwa yɛ: Sakatǝ Yi ada bara 'ya sǝ nam ɗaku, kulɗakur adai akwandari adzǝra.

1 Ndzǝr Kwaranti 9:27

A á, Yi ada tsa dzawai ba Yi ada mǝrti tǝni ka dzǝ 'ya faliyirna ani ka aghǝla tǝ Yi nkǝr ndǝrɛ ala ndzǝ damwa, Yi tǝ kǝrna ta Yi ta ɗi kura Yi awa ɓui wadzǝɓa.

Ndzǝr Galatiya 3:22

Ama Labar Hyal kǝ nkǝrɛ apǝri kǝlara ndɛ akwi dǝnar biku, ani ka alkawal nam tǝ ndǝ 'ya ala ndzǝ tara hamnta dzǝri akwa Yɛsu Kǝrsti ni, ka dzǝ ndzai ala dar.

Ndzǝr Galatiya 5:17

Akuya sǝ nam tǝ dzǝr biku ni ada bara ani sǝ nam kura Mambǝl ni ada bara, tsuwɛ sǝ nam tǝ Mambǝl ni ada bara ani sǝ nam kura dzǝr biku ni ada bara. Dar akwa kampiku aka kǝma dar, ani ka gǝri adi awa 'yati sǝ nam tǝ gǝri ada bara wɛ.

Ndzǝr Kwalausi 1:28

Ani yar ada nkǝr ndǝrɛ ata kǝra Kǝrsti, ba yar ada ndǝr thlǝmɛ ba tsǝl su ala kǝlara ndǝ madǝma, ani ka yar si aka kǝlara ndɛ akǝma Hyal tǝ dzǝ kuraba kǝlǝrni akwa Kǝrsti.

Ndzǝr Kwalausi 4:12

Abafarasu, dzǝ nam pathlu akwa ntsa ndzǝr gǝri ba dzǝ zǝr kǝiyir Kǝrsti Yɛsu, dzǝ ada thlawar tǝ gǝri. Dzǝ ada ha dǝna akwa aduwa akuya ka gǝri kǝlara saka, apǝri ka gǝri hyati ɓaɓal akwa sanga sǝ nam tǝ Hyal ada bara, tǝ gǝri kuraba kǝlí ba kura aka hyivǝr.

Ndzǝr Ibrahim 13:21

ka dzǝ la gǝri dǝnar 'ya kǝlara sǝ nam ɗaku akuya 'ya sǝ nam tǝ dzǝ ada bara, ba ka dzǝ 'ya aka muri sǝ nam tǝ dzǝ ada bara atar Yɛsu Kǝrsti, dzǝ nam ndǝr ɓǝla tǝma nam ngga, nggakur ndzai alari kura kurkuri. Apani.

Yakubu 1:26

Ma kǝlara ndɛ nam tara kǝtǝ kǝrni apǝri dzǝ aka adini ba dzǝ adi ada ɓǝlati kanyarari wɛ, dzǝ ada zǝla kǝrni ba adiniyirni yɛ ɓǝrtu.

Yakubu 1:4

Ngyar ka ɓati sǝr gǝri kuraba kǝthlǝrǝrni ani ka gǝri ndzai aka dǝna ba ghǝi-ghǝi, kura kǝlara su awa kǝtǝ ala gǝri.

Yakubu 2:10

Akuya kǝlara ndɛ nam ada ɓǝlati sanga mabari yarɛ, ma dzǝ ka siya ɓǝlnta pathlu akwa ntsa dar, ani dzá kǝ ndzai ndǝr biku akwa dar sanga.

1 Bitrusu 3:10

Apa rǝbwa-rǝbwa akwa Labar Hyal: “Kǝlara ndǝ nam ada bara ka dzǝ nga sǝɗar ndziyirni ba ka dzǝ sǝkar akwa dunya, kǝ ndzai ntsakǝr ka dzǝ ɗǝwar kanyarari ta gha su kulɗa, ba ka dzǝ ɗǝwar nyari ta labar hawi.

1 Bitrusu 5:10

Aghǝla tǝ gǝr ɗar bwanai nǝr saka nkyiɗu laka, Hyal nam ada la muri sanga ɗakur, nam tara kǝga tǝ gǝri ka gǝri ɓui nggakur kaka Yɛsu nam kura kurkuri, Dza ata ɓǝla dzǝguti tǝ gǝri, mǝrti tǝ gǝri ka gǝri ndzai aka hamnta dzǝri, ɓaɓal, ba ka gǝri ɓati kura gǝri awa dla.