Yakubu 3:15 - Kibaku NT

¹⁵ Akuya “bǝrkawakur ǝni” adi ta hyati atahyal wɛ ama nǝr dunya, adi nǝr mambǝl wɛ, ama nǝr Satan.

Yakubu 3:15 Iomraidhean Croise

Yakubu 3:17

Ama bǝrkawakur nam tara hyati atahyal tangkǝma dzǝ kǝtsǝkǝtsi; antǝ yiɗǝ ndzai lapiya, kanadikur, kǝlǝngkǝr, kǝtǝrdzi hang ba munya nam ɗaku, kura aka nkǝru ba aka dzǝrkur.

Yakubu 1:17

Kǝlara sǝga nam ɗaku ba kura aka aibai ada hyati ati, ada sǝgǝl adzǝ Hyal Tada muri ni nam nǝr paraku yarɛ nam atahyal, dzǝ nam kura ada palidzi wala si aka sangurai nǝr palidzi wɛ.

1 Ndzǝr Kwaranti 3:19

Akuya bǝrkawakur nǝr dunya ǝni ani dlangkur akǝma Hyal. Apa rǝbwa-rǝbwa: “Dzǝ ngǝti ndzǝ bǝrkawa akwa dabarikur dar”;

Ndzǝr Filibi 3:19

Dǝntar dar ani santadzi, hyalǝr dar ani kuta dar, ba dar ada agula aka sǝr sǝlai nam tǝ dar 'ya. Ɗǝngar dar ani ata kǝra sǝ yarɛ nǝr dunya.

1 Ndzǝr Kwaranti 2:14

Ndǝ nam kura aka Mambǝl ni dzǝ adi ada dlu sǝ yarɛ nam tǝ Mambǝlǝr Hyal tara si akǝri wɛ, akuya dar sǝr dlangkur alari, ba dzǝ adi awa mǝzi ka ngaba tǝ dar wɛ, kadǝbar ndɛ ada ghyǝnga ka ngaba tǝ dar ɗiɗi aka mbanar Mambǝlǝr Hyal.

2 Ndzǝr Kwaranti 1:12

Kulini ǝni ani agular yar: ɗǝngar ɗǝfa yar ada nkǝrɛ apǝri whal nam tǝ yar ada ndzai akwa dunya ni ba apamá kaka gǝri, aka ɗǝfu duku ba kadǝbar ǝni ani whal nam tǝ Hyal ada bara ka muri ndzai. Yar 'yati apani adi akwa whalǝr bǝrkawakur nǝr dunya wɛ ama akwa whalǝr ɗakur Hyal.

Yakubu 1:5

Ma kǝlara ndɛ akwa ntsa gǝri nam tǝ bǝrkawakur kǝtǝ alari, ka dzǝ kǝgyǝ Hyal, nam ada la su ala sanga ndzi kura aka whunɛ akwa ɗakur, ba dzǝ ata lari.

1 Timathlawus 4:1

Mambǝl ni nkǝrɛ ata babal apǝri akwa saka yarɛ ata si ndzǝ laka ata ɗalnta hamnta dzǝri ni ba dar ata nu mambǝlɛ yarɛ nǝr hawi ba sǝ yarɛ nam tǝ mambǝl nam kulɗa yarɛ ani ada hyipɛ ala ndɛ.

Yahuda 1:19

Ndzǝ ǝni yarɛ ni dar ani ndzǝr ndǝghǝba tǝ gǝri, ndzǝ nam ada nu sǝ nam tǝ dzá dar ada bara ba dar adi aka Mambǝlǝr Hyal wɛ.

1 Ndzǝr Kwaranti 3:3

Gǝri tsu ada 'ya sǝr dunya. Akuya tǝng tǝ sǝlku ba ɓwalnya tsu adai akwa ntsa gǝri, gǝri adi ada 'ya sǝr dunya wɛ? Gǝri adi ada 'ya su apa kum aka masi wɛ?

Yawhana 3:17

Kadǝbar Hyal ta hyanti Zǝrǝrni akwa dunya akuya ka dzǝ hakatsǝni ndǝ wɛ, ama ka ndǝ ɓui mbatǝdzi atarni.

Wulsu 12:9

Ndǝ ka ɗalghǝl nggar pwapu kulɗa nam ngga ni—pwapu nam watsi tǝ ndǝ ada ka tǝ Satan, nam tara zǝlanta dunya sang. Ndǝ ɗalghǝl tǝni ata dai, ba ndzǝr hyantǝr Hyal ni yarɛ kaka dza.

Wulsu 9:11

Dar aka kuhyi ata kǝra dar dzǝ nam ndǝr hyantǝr Hyal nǝr Kau nam Dzǝgam ni, nam tǝ thlǝmari akwa nyar Ibrahim ndɛ ada ka tǝ Abadaun, ba akwa nyar Gǝriku, ndɛ ada ka tǝ Apaliyan.

Wulsu 2:24

Kulini Yi gha ala mambiya gǝri akwa Thliyatira, ala gǝri nam kura ta ngǝzi sǝr tsǝlǝrni ba ndzǝ nam kura ta tsǝli sǝ nam tǝ ndzǝ laka ada kǝga tǝ sǝ ɗǝwaɗǝwar Satan yarɛ (Yi adi ata vǝkǝr kǝlara kǝl damwa ata kǝra gǝri wɛ):

2 Ndzǝr Tasalaunika 2:9

Siyir ndǝ kura nu mabari ni ata 'ya akwa whal kǝthlǝr Satan nam ata tsantǝdzi akwa sanga dzǝli sǝr ndati, parsu ba sǝr kudǝra yarɛ nǝr hawi,

2 Ndzǝr Kwaranti 11:3

Ama Yi ada hyivǝr apǝri tsu apa tǝ ndǝ zǝlanta Awa atar zǝlar pwapu, hankala gǝri atara kǝlntadzi ta nkǝr dzǝrǝr gǝri ba hamnta kǝrǝr gǝri nam ɗulang ala Kǝrsti.

1 Ndzǝr Kwaranti 1:27

Ama Hyal tsarba sǝ yarɛ nam dlang akwa dunya ka dzǝ hau ndzǝ nam bǝrkawa akwa sǝlai; Hyal tsarba sǝ yarɛ nam kura aka dǝna akwa dunya ka dzǝ hau ndǝr dǝna akwa sǝlai.

Ndzǝr Rauma 1:22

Wala ahani dar kǝtǝ apǝri dar bǝrkawa, dar kǝ ndzai dlang yarɛ

'Ya Su 13:10

Antǝ dzǝ nkǝrɛ, “Gǝ zǝr Satan, ghǝi-ghǝi aka sǝr zǝla ba dlǝrpǝkur, ba kǝmangarkur ka sǝ nam ɗaku! Gɛ adi ata ngyar ndǝgalnta whal dzǝrkur nǝr Thlaku ni wɛ?

Yawhana 8:44

Gǝri nǝr tada gǝri, Satan, barar gǝri ka gǝri 'yati sǝ nam tǝ Tada gǝri ada bara. Tǝng akwa baditsǝniyari ma dzǝ ndǝr tsa ndɛ. Dzǝ ta ndzai ata kǝra dzǝrkur wɛ, kadǝbar dzǝ adi aka dzǝrkur akwa dza wɛ. Kǝlara saka nam tǝ dzǝ ada hawi, dzǝ ada gha sǝ nam akwa ɗǝfari, akuya dzǝ ndǝr hawi, ba atǝgǝra hawi.

Luka 16:8

“Thlaku ni ka hǝmnti nggar ndǝr kǝthlǝr nam kura aka dzǝri ni kadǝbar ka bǝrkawakurni. Akuya ndzǝr dunya ǝni dar bǝrkawa akwa mwardzi kaka ndzǝr zamanǝr dar ni aka bǝrkawakur ɓwalta ndzǝr paraku.