Yakubu 3:1 - Kibaku NT

¹ Madar mana kaka nkwaiyir mana yarɛ, ta hang akwa ntsa gǝri ta ndzai ndzǝr hyipɛ, kadǝbar gǝri zǝndi apǝri yar nam ada hyipǝ ni ndǝ ata siya 'ya ala yar haka nam dzau ta ndzǝ damwa yarɛ.

Yakubu 3:1 Iomraidhean Croise

Mata 10:24

“Zǝr makǝranta adi ata ngǝmba malǝmǝr ni wɛ, wala zǝr kǝi ka dzǝ ngǝmba thlakǝr kǝiyirni wɛ.

Mata 23:13

“Bwasam ala gǝri, malǝmǝr mabari yarni ba ndzǝr Farisi yarɛ, gǝri nam kǝlikatsaɗǝm yarɛ! Gǝri harti nyavǝr kuhyikur nam atahyal ala ndzi. Gǝri tǝ kǝr gǝri ta lǝkwa wɛ, wala gǝri ta ngyar ndzǝ nam ada bara ka dar lǝkwa wɛ. [

Mata 23:14

Bwasam ala gǝri, gǝri malǝmǝr mabari yarɛ ba ndzǝr Farisi, gǝri nam kǝlikatsaɗǝm yarɛ! Gǝri ada mbugǝli kǝiyir kuɗǝghum yarɛ ba gǝri ada 'ya aduwa yarɛ dzǝgam-dzǝgam ka ndzi wula. Kadǝbar ǝni gǝri ata ɗar bwanai nam dzau ta sang.]

Mata 9:11

Sakatǝ ndzǝr Farisi tara wula ǝni, dar ka yu ndzǝr nuwurni apǝri, “Kami tǝ malǝmǝr gǝri ada sǝmɛ atakǝmaduku kaka ndzǝr dlu tsimɛ ba ndzǝr biku?”

Luka 16:2

Ani dzǝ ka kǝga tǝni ka yuwɛ tǝni, ‘Sǝr mi tǝ Yi ada ngati ata kǝra gǝ ni? Azǝrɛ ka gǝ tsǝba alai sǝ yarɛ nam tǝ gǝ 'ya aka kari, kadǝbar gǝ tsu adi ata ndzai nggar ndǝr kǝthlǝrǝrna kǝra wɛ.’

Luka 6:37

“Ta gǝri ta 'ya haka ala ndɛ, ani Hyal adi ata 'ya haka ala gǝri wɛ; ta gǝri ta vǝkǝr sǝ kulɗa ala ndǝ, ani Hyal adi ata vǝkǝr sǝ kulɗa ala gǝri tsuwɛ; ka gǝri kyifǝnta ala kǝma gǝri, ani Hyal ata kyifǝnta ala gǝr yɛ.

Yawhana 3:10

Yɛsu sǝnau alari, “Gǝ malǝmǝr Izǝraila gǝ ta zǝndǝba sǝ yarni wɛ?

'Ya Su 13:1

Akwa ikǝlizǝya nam akwa Antakiya nabi yarɛ ba malǝm yarɛ adai: Barnabas, Simiyaun (nam tǝ ndɛ ada ka tǝni tǝ ndǝ Mǝngǝl), Lukiyusu ndǝr Kairani, ba Manayin (nam tǝ dar kǝl vwam kaka kuhyi Hirudus), ba Sawulu.

1 Ndzǝr Kwaranti 12:28

Ba akwa ikǝlizǝyar Hyal dzǝ vi tangkǝma ndzǝr hya yarɛ, sǝɗǝkur nabi yarɛ, makǝrkur malǝm yarɛ, antǝ ndzǝr kǝthlǝr sǝr ndati yarɛ, tsuwɛ ndzǝ nam aka sǝgar mbǝti ndǝ yarɛ, ndzǝ nam ada mǝzi ka mbana ndzǝ damwa yarɛ, ndzǝ nam aka sǝga yarɛ nǝr kǝthlǝr pwar ndzi, ba ndzǝ nam ada ndǝrɛ akwa nya yarɛ pam-pam.

2 Ndzǝr Kwaranti 5:10

Akuya kǝ ndzai ntsakǝr ka mur tsaɓtsǝnidzi akǝma tsakurakǝr hakar Kǝrsti nam tǝ kǝlara ndɛ ata dlutsi wadzǝɓarni akuya ka sǝ yarɛ nam tǝ dzǝ 'ya sakatǝ dzǝ akwa dzɛ ǝni, wala ɗa wala kulɗa.

Ndzǝr Afisa 4:11

Dzǝ ani tara la ndzǝ laka ka dar ndzai ndzǝr hya yarɛ, ndzǝ laka nabi yarɛ, ndzǝ laka ndzǝr nkǝr ndǝrǝr Hyal nam sǝɗa, ba ndzǝ laka pastau yarɛ ba malǝm yarɛ,

1 Timathlawus 1:7

Dar ada bara ka dar ndzai malǝmǝr mabari yarni, ama dar ta ngaba sǝ nam tǝ dar ada ndǝrɛ ata kǝr wɛ wala sǝ nam tǝ dar awa nkǝrɛ apǝri dar ngaba sǝ ata kǝri.

1 Timathlawus 2:7

Ba akuya ka sǝ ǝni tǝ Hyal tara vi tǝra ndǝr nkǝr ndǝrǝr Hyal nam sǝɗa ba ndǝr hyar Hyal, Yi ada nkǝr dzǝri, Yi adi ada hawi wɛ, ba Yi malǝm nǝr hamnta dzǝri nam dzǝri ala ndzǝ nam kura ndǝr Yahudi.

2 Timathlawus 1:11

Ba akuya ndǝrǝr Hyal nam sǝɗa ni Hyal mǝrti tǝra tǝ Yi ndzai ndǝr nkǝr ndǝrǝr Hyal, ba ndǝr hyar Kǝrsti ba ndǝr hyipɛ.

Ndzǝr Ibrahim 13:17

Ka gǝr ngati ndǝrǝr ndzǝr pwar tǝ gǝri ka gǝri kǝlǝngkǝr ala wadar dar. Dar ada wul tǝ gǝri apa ndzǝ nam ata siya hamnta ndǝrɛ ala Hyal ata kǝra gǝri. Ngamɛ ndǝrǝr dar ani ka kǝthlǝr dar ndzai sǝr kutsari, mai adi kǝl wɛ, akuya ǝnda adi ata ndzai sǝr paida ala gǝri wɛ.

Yakubu 1:16

Ta ndǝ ta zǝlanta tǝ gǝri, madar mama kaka nkwaiyir mama yarɛ nam tǝ Yi yiɗɛ.

Yakubu 1:19

Madar mama kaka nkwaiyir mama yarɛ nam tǝ Yi yiɗɛ, ka gǝri zǝndi ǝni: Ka kǝlara ndɛ 'ya parau akwa ngati su, ama ta dzǝ ta ngwatiya ndǝrɛ ba ta ɗǝfari ta ngwatiya sǝwa,

Yakubu 3:10

Tsu akwa nya duku ni antǝ hǝmɛ ba ngǝlɛ ada sǝba. Madar mana ba nkwaiyir mana yarɛ, adi kal-kal ka su ǝni 'ya apani wɛ.

1 Bitrusu 5:3

ta gǝr ta tsan dǝna ata kǝra ndzǝ nam tǝ ndǝ vi akwi gǝri, ama ka gǝri ndzai sǝr tsǝlɛ nam ɗaku ala tǝma.