Yakubu 2:8 - Kibaku NT

⁸ Ma gǝri ɓǝlati mabariyir kuhyikur ni nam rǝbwa-rǝbwa akwa Labar Hyal, “Yiɗɛ ntǝwhulǝr ngɛ apa kǝrngɛ,” gǝri ada 'ya sǝ nam kal-kal.

Yakubu 2:8 Iomraidhean Croise

Mata 22:39

Ba nǝr sǝɗǝkur ni tsu apani: ‘Ka gǝ yiɗɛ ntǝwhulǝr ngɛ, apa kǝrngɛ.’

Mata 25:21

“Thlakǝrni ka sǝnau, ‘Gǝ 'yati ɗaku, gǝ zǝr kǝi nam ɗaku ba aka dzǝrkur! Gǝ 'ya dzǝrkur aka sǝ nam nkyiɗu; Yi ata vǝkǝr tǝngɛ ata kǝra sǝ nam hangkurari. Azǝrɛ ka gǝ ɓui kutsariyir thlakǝr ngɛ!’

Mata 25:23

“Thlakǝrni ka sǝnau, ‘Gǝ 'yati ɗaku, gǝ zǝr kǝi nam ɗaku ba aka dzǝrkur! Gǝ 'ya dzǝrkur ata kǝra sǝ nam nkyiɗu; Yi ata vǝkǝr tǝngɛ ata kǝra sǝ yarɛ nam hang. Azǝrɛ ka gǝ ɓui kutsariyir thlakǝr ngɛ!’

Mata 7:12

Ani akwa kǝlara su, ka gǝri 'ya ala ndzǝ laka yarɛ sǝ nam tǝ gǝri ada bara ka dar 'ya ala gǝri, akuya ǝni ani sǝ nam tǝ Mabari ba nabi yarɛ tara nkǝrɛ.

Ndzǝr Rauma 13:10

Yiɗǝdzi adi ada 'ya kulɗakur ala ntǝwhul wɛ. Kadǝbar ǝni yiɗǝdzi ani ghǝiyabadzǝr mabari ni.

Ndzǝr Galatiya 5:14

Kadǝbar sanga mabari ghǝiyabadzi aka ndǝr duku, “Ka gǝ yiɗǝ ntǝwhulǝr ngɛ apa kǝrngɛ.”

Ndzǝr Galatiya 6:2

Ka gǝri kǝtǝ bwaniyir kǝma gǝri, ani akwa ǝni gǝri ata kǝlǝngkǝr aka hyipǝr Kǝrsti.

Ndzǝr Filibi 4:14

Wala ahani kǝ 'ya ɗaku tǝ gǝri mbana tǝra saka nam tǝ Yi akwa dzǝli bwanai ni.

1 Ndzǝr Tasalaunika 4:9

Ata kǝra yiɗǝdzǝr madar mama, yar ta bara ka yar rǝbwa ala gǝri wɛ. Kadǝbar gǝr aka kǝr gǝri ma Hyal hyipti ala gǝri ka gǝri yiɗɛ kǝma gǝri.

Yakubu 1:25

Ama ndɛ nam ada vǝdzǝ hankal ka wul sǝ nam akwa mabari ni nam ada si aka ɓui kǝr, ba dzǝ lǝkǝma aka 'ya tǝni, kura dzǝ ada fwanta sǝ nam tǝ dzǝ ngati, ama dzǝ ada 'ya tǝni—dzǝ ata ɓui barka akwa sǝ nam tǝ dzǝ ada 'ya.

Yakubu 2:12

Ka gǝri ndǝrɛ ba 'ya su apa nǝr ndzǝ nam tǝ ndɛ ata 'ya ala dar haka tǝ mabari nam ada si aka ɓui kǝr.

Yakubu 2:19

Gɛ mbǝrsa apǝri Hyal duku ani adai. Ɗaku! Wala mambǝl kulɗa yarɛ ma mbǝrsa apǝri ani ahani—ba dar ada kǝgǝdzi tǝ hyivǝr.

Yakubu 4:11

Madar mama kaka nkwaiyir mama yarɛ, ta gǝri ta gha su kulɗa ata kǝma gǝri mai. Ndɛ nam ada gha su kulɗakur ata kǝra zǝrangǝri wala 'ya haka alari, dzǝ ada gha su kulɗa ba 'ya haka ala Mabari ni. Sakatǝ gɛ ada 'ya haka ala mabari ni, gɛ adai ada ɓǝla Mabari wɛ, ama gɛ ada ndzai ka 'ya haka alari.

1 Bitrusu 2:9

Ama gǝri ndzǝ nam tsartsari, gǝri fǝrist nǝr kǝthlǝr ala Kuhyi, ndzǝr diyir Hyal, gǝri ndzǝ nam tǝ Hyal vi pam ka kǝrni, ani ka gǝr ghaba ala ndzǝ damwa ɗakur Hyal, akuya dzǝ kǝga tǝ gǝri akwa kuthlɛ ka sǝba aka gǝri akwa parakǝrni nǝr sǝr kudǝra.