Yakubu 2:5 - Kibaku NT

⁵ Siyamɛ thlǝma gǝri, madar mana ba nkwaiyir mana yarɛ nam tǝ Yi yiɗɛ: Hyal ta tsarba ndzǝ nam ngudi akwa ntsa ndzǝr dunya ni ka mǝrti tǝ dar bǝrba akwa hamnta dzǝri ba ka dar sǝm warta nǝr kuhyikur nam tǝ dzǝ 'ya alkawalari ala dzǝ nam ada yiɗɛ tǝni wɛ?

Yakubu 2:5 Iomraidhean Croise

Mata 11:5

ndzǝ nam ghyang ada wula, ndzǝ nam ngurngudi ada mwari, ndzǝ nam aka dǝlima ada kǝtsǝntadzi, ndzǝ nam kulang ada ngati, ndzǝ ntǝnti ada hyati, ba ndǝ ada nkǝrnta ndǝrǝr Hyal nam sǝɗa ala ndzǝ nam ngudi.

Mata 25:34

“Antǝ Kuhyi ni ata nkǝrɛ ala ndzǝ nam ata bwar tsisǝmari ni, ‘Azǝramɛ, gǝri nam tǝ babarna vǝkǝr ala gǝri barka; ka gǝri dlutsi wartar gǝri, kuhyikur ni nam tǝ ndǝ ɗǝmhǝi ka gǝri tǝng tǝ ndǝ hǝnti dunya ni.

Mata 5:3

“Kutsari aka ndzǝ nam tara zǝndi kǝtikǝtikur dar akwa mambǝlɛ, akuya kuhyikur Hyal nǝdar.

Markusu 7:14

Yɛsu dzakti kǝga dlamiyir ndzi adzǝni ka nkǝrɛ, “Siyamɛ thlǝmɛ alai, kǝlara ndɛ, ka ngaba ǝni.

Luka 12:21

“Əni ani apani ata ndzai aka kǝlara ndǝ nam tara tsaɓtsǝni gabaka ala kǝrni ama dzǝ adi aka gabaka adzǝ Hyal wɛ.”

Luka 12:32

“Ta gǝr ta hyivǝr mai, gǝri albwar ndzǝr nu tǝra nkyiɗu laka ni, gǝri apa bǝri tǝma, akuya Tada gǝri ada nga sǝɗar la gǝri kuhyikur ni.

Luka 16:22

“Saka si ka 'ya tǝ ndǝr kǝgyǝ ni ka nti ba ndzǝr hyantǝr Hyal ka kǝtǝ tǝni ka mwari aka dza ata ngwama Ibrahim. Ndǝ nam bǝrba ni yɛ ka nti ndǝ ka harnta tǝni.

Luka 16:25

“Ama Ibrahim ka kalaktsǝni alari, ‘Zǝrana, ka gǝ ɗǝngati apǝri akwa ndzaiyir ngɛ akwa dunya gǝ aka sǝ nam ɗaku, Laizǝru tsuwɛ, dzǝ sa bwanai, Ama kulini dzǝ ada nga sǝɗa ba gǝ akwa bwanai.

Luka 22:29

Apa tǝ Bana tara lai dǝnar kuhyikur ani Yi ma tǝ Yi la gǝri,

Luka 6:20

Tǝ Yɛsu ata kǝra wul ndzǝr nuwurni yarɛ, dzǝ ka nkǝrɛ, “Gǝri aka kutsari, gǝri nam ngudi, akuya kuhyikur Hyal nǝgǝri.

Yawhana 7:48

Ndɛ adi akwa ntsa ndzǝ nam ngga-ngga wala akwa ndzǝr Farisi nam tara mbǝrsa akwa dza ya?

'Ya Su 7:2

Dzǝ ka sǝnau, “Madar mama ba Tada yarɛ, siyamɛ thlǝmɛ alai! Hyal nam aka nggakur tsantǝdzi ala kakár muri Ibrahim akwa Misapautamiya, kabutu dzǝ ata ndzai akwa Haran.

Ndzǝr Rauma 8:17

Kulini ma apǝri muri madarni, antǝ mur ndzǝr sǝm warta—ndzǝr sǝm wartar Hyal ba ndzǝr sǝm warta atakǝmaduku kaka Kǝrsti, ma apǝri dzǝri muri ada ndǝghǝ bwaniyirni, akuya ka mur ndǝghǝi nggakurni yɛ.

1 Ndzǝr Kwaranti 2:9

Ama apa rǝbwa-rǝbwa, “Sǝ nam kura ntsɛ ta wula, thlǝmɛ adai ta ngati wɛ, Ɗǝfu adai tara kwamtsǝni wɛ, Sǝ nam tǝ Hyal tara ɗǝmhǝi akuya ka ndzǝ nam tara yiɗǝ tǝni”—

2 Ndzǝr Kwaranti 4:15

Sang ǝnǝni akuya ka paida ala gǝri, ani ka ɗakur Hyal nam tǝ ndzǝ hang ada dzagǝi ɓui dar ata gwaditsǝni ala Hyal ba Hyal ata ɓui hǝmɛ hang.

2 Ndzǝr Kwaranti 6:10

Yar ada sǝngǝlɛ, ama yar ada kutsari kǝlara saka; yar ngudi, ama yar ada mǝrti ndzǝ hang bǝrba; yar adi aka mima wɛ, ama yar aka sanga su.

2 Ndzǝr Kwaranti 8:9

Gǝri kurtaka zǝndi hangkur sǝ nam tǝ Thlaku Yɛsu Kǝrsti 'ya akuya ka gǝri nam kura gǝri awa mǝzi ka ɓui, nam wala tǝ dzǝ bǝrba, ata nyar gǝri dzǝ ndzai ngudi, ani ka atar ngudikur ní gǝri ata 'ya bǝrba.

Ndzǝr Afisa 1:18

Yi ada 'ya aduwa tsuwɛ apǝri ka ɗǝfa gǝri ghǝiyatǝdzi aka parakǝ ani gǝri ata zǝndi tǝmatsǝni ni nam tǝ dzǝ tara kǝga tǝ gǝri kari, bǝrbakurni nǝr wartarni nam ngga akwa ndzǝr Hyal,

Ndzǝr Afisa 3:8

Wala Yi dza nkyiɗu ta ndǝ nam nkyiɗu ta sang akwa ntsa ndzǝr Hyal, ɗakur ǝni ndǝ kǝ lai: ka Yi nkǝr ndǝrɛ ala ndzǝ kura Yahudi yarɛ hangkur barkar Kǝrsti ni kura ndǝ awa mǝzi nkǝrti,

1 Ndzǝr Tasalaunika 2:12

Yar ada 'ya kǝlara su ka yar dǝnautsǝni tǝ gǝri ka ndzai akwa whal nam nǝr vǝkǝr sǝlai ala Hyal, ndzǝ nam tara kǝga tǝ gǝri alǝkwa kuhyikurni ba nggakurni.

2 Ndzǝr Tasalaunika 1:5

Sang ǝni ani sǝ nam tara tsanti apǝri hakar Hyal ani kal-kal, ba ata nyar ǝni ndǝ ata tsu tǝ gǝri apǝri gǝri mǝzi ndzai akwa kuhyikur Hyal, nam tǝ gǝri ada sa bwanai akuya kari.

1 Timathlawus 6:18

Tsau ala dar ka dar 'ya sǝ ɗaku, ka dar ndzai bǝrba akwa 'ya sǝ nam ɗaku, ba ka dar ndzai whuya ba dar ada yiɗɛ la sǝ ala ndzi.

2 Timathlawus 4:18

Thlaku ni ata mbuli tǝra akwa sanga su kulɗa nam ata si ka ɓui tǝra, ba Hyal ata mwari akai lapiya akwa kuhyikur ni nam ati. Nggakur kǝ ndzai alari har kura kurkuri. Apani.

2 Timathlawus 4:8

Kulini ada vi alai akwa vui ɗǝwa aliyapǝr ndzai kalkalkur, nam tǝ Thlaku, ndǝr 'ya haka nam kal-kal, tǝ dzǝ ata lai vǝr ǝnda—ba adi alai Yi duku wɛ, ama sanga ndzǝ nam ada sǝkǝ siyirni aka dzala.

Ndzǝr Ibrahim 11:26

Dzǝ wula apǝri kudzǝ ka dzǝ sa bwanai ata nyar Kǝrsti ta tǝ sanga gabakar Masar awa ndzai nǝni, kadǝbar dzǝ vǝti ntsari ata wadzǝɓa nam tsu ata si.

Yakubu 1:12

Barka ala ndzǝ nam ada ɓati su akwa sakar sǝr nkǝrti, akuya ma dzǝ ɓati sǝr nkǝrti ni, dzǝ ata siya dlutsi aliyapǝr mpikǝ nam tǝ Hyal tara 'ya alkawalari ala ndzǝ nam tara yiɗǝ tǝni.

Yakubu 1:16

Ta ndǝ ta zǝlanta tǝ gǝri, madar mama kaka nkwaiyir mama yarɛ nam tǝ Yi yiɗɛ.

Yakubu 1:19

Madar mama kaka nkwaiyir mama yarɛ nam tǝ Yi yiɗɛ, ka gǝri zǝndi ǝni: Ka kǝlara ndɛ 'ya parau akwa ngati su, ama ta dzǝ ta ngwatiya ndǝrɛ ba ta ɗǝfari ta ngwatiya sǝwa,

Yakubu 1:9

Kǝrsan nam ngudi ka dzǝ agula, akuya dzǝ ngga akǝma Hyal.

1 Bitrusu 1:4

Ba muri dlutsi warta nam kura awa santadzi, sǝwa wala mǝmantadzi, tǝ ndǝ ɗǝwar ala gǝri atahyal.

2 Bitrusu 1:11

Ani akwa whal ǝni Hyal ata dlutsi tǝ gǝri alǝkwa kuhyikur nam kura kurkuri nǝr Thlakǝr muri ba Ndǝr Mbati Yɛsu Kǝrsti.

Wulsu 2:9

Yi zǝndi bwaniyir gǝri ba ngudikur gǝri ama tsu gǝri bǝrba! Yi zǝndi hawiyir ndzǝ nam ada gha apǝri dar ndzǝr Yahudi ama dar adi apani wɛ, dar fǝr vǝkǝr sǝlaiyir Satan.

Wulsu 21:7

Ndǝ nam tara sǝmkǝr dzǝ ata fa wartar sanga sǝ yarni, ba Yi ata ndzai Hyalǝrni, ba dzǝ ata ndzai zǝrna.

Wulsu 3:18

Yi galatsǝni tǝngɛ ka gǝ ɗǝlba akai dinar ngi-ngi akwa u'u, ani ka gǝ 'ya bǝrba; ba kari mwapu ka gǝ hadzɛ, ani ka gǝ mbui sǝlaiyir anghyaɗukur ngɛ; ba kuzugu ka gǝ puti ata ntsa gɛ, ani ka gǝ wula su.