Yakubu 2:18 - Kibaku NT

¹⁸ Ama ndɛ laka ata nkǝrɛ apǝri, “Gɛ aka hamnta dzǝri; Yi aka kǝthlǝrari.” Tsanti alai hamnta dzǝrǝr ngɛ kura aka kǝthlǝr, ba Yi ata tsanti ala gɛ hamnta dzǝrǝrna atar kǝthlǝr nam tǝ Yi 'ya.

Yakubu 2:18 Iomraidhean Croise

Ndzǝr Rauma 14:23

Ama ma ndǝ nam aka dzamɛ su ata kǝra wala ka dzǝ sǝmɛ wala ta dzǝ ta sǝmɛ sǝ laka, dzǝ ada 'ya biku ma dzǝ lǝkǝma ka sǝmɛ sǝni; akuya kǝlara sǝ nam tǝ ndǝ 'ya nam kura akwa hamnta dzǝri dzǝ biku.

Ndzǝr Rauma 3:28

Akuya yar ngǝzi apǝri ndɛ ada ɓui ndzai kalkalkur atar hamnta dzǝri adi atar ɓǝla mabari wɛ.

Ndzǝr Rauma 4:6

Dauda nkǝrɛ su tsu apani sakatǝ tǝ dzǝ ndǝrɛ ata kǝra kutsari nǝr ndǝ nam tǝ Hyal rǝbwai alari kalkalkur kura ka sǝ nam tǝ dzǝ tara 'yati:

Ndzǝr Rauma 8:1

Kadǝbar ǝni, kulini thla haka adi wɛ ata kǝra ndzǝ nam akwa Kǝrsti Yɛsu,

Ndzǝr Rauma 9:19

Gɛ ata nkǝrɛ alai: “Antǝ ka mǝ tǝ Hyal ada ɗǝmnya ala muri? Akuya wa ani awa ngǝla 'ya sǝ nam tǝ dzǝ ada bara?”

1 Ndzǝr Kwaranti 13:2

Ma Yi aka sǝgar nabikur ba Yi ada zǝndi sanga dzǝri ɗǝwa-ɗǝwa ba sanga zǝndi su, ba ma Yi aka hamnta dzǝri nam ada mǝzi ka mbǝyanta paya yarɛ, ama Yi adi aka yiɗǝdzi wɛ, Yi adi mima wɛ.

2 Ndzǝr Kwaranti 5:17

Kadǝbar ǝni, kǝlara ndǝ nam akwa Kǝrsti, dzǝ kǝ 'ya su bǝlin tǝ Hyal tara mǝrti; sǝ nam halhali kǝ tǝra, sǝ nam bǝlin kǝ si!

2 Ndzǝr Kwaranti 7:1

Tǝng tǝ muri aka alkawal yarɛ ni, pazǝrna yarɛ nam tǝ Yi yiɗɛ, ngyar ka mur kǝtsǝnta kǝr muri ta sanga sǝ yarɛ nam ada ghyigǝrti dzɛ ba mambǝlɛ, ka muri hamnta kǝr muri sang-sang ala ndzaiyir whalǝr Hyal akwa hyivǝr Hyal.

Ndzǝr Galatiya 5:6

Ma mur nu Kǝrsti Yɛsu, thlakatsa wala zumbulǝm dar adi ata nya mima wɛ. Ama Sǝ nam ɗa ta sang ani hamnta dzǝri akwa Kǝrsti nam tara mǝrti tǝngɛ tǝ gǝ yiɗǝ ndɛ.

1 Timathlawus 1:5

Sǝ nam tǝ mabari ni ada bara ani yiɗǝdzi, nam ada hyati akwa ɗǝngar ɗǝfu nam ɗaku, ba hamnta dzǝri nam akwa dzǝrkur.

Taitus 2:7

Akwa kǝlara su ka gǝ ndzai sǝr tsǝlɛ ala dar atar 'ya sǝ nam ɗaku. Akwa sǝr hyipǝr ngɛ ka gǝ tsanti dzǝrkur ba ha dǝna

Ndzǝr Ibrahim 11:31

Atar hamnta dzǝri ani tǝ Rahapu zawar ni, kadǝbar dzǝ dlutsi ndzǝr wul asǝr yarni, ndǝ ta tsi tǝni vwam kaka ndzǝ nam tara ngǝla Hyal ni wɛ.

Ndzǝr Ibrahim 11:33

nam atar hamnta dzǝri dar mbugǝli diyir kuhyi yarɛ, dar si ka 'ya sǝ nam kal-kal, ba dar ɓui ɗǝruwur sǝ nam tǝ Hyal 'ya alkawalari; dzǝ nam tara harti nya dzǝngai yarɛ,

Ndzǝr Ibrahim 11:6

Ma kura aka hamnta dzǝri adi awa mǝzi ka 'ya tǝ ndɛ awa panyi ɗǝfa Hyal wɛ, kadǝbar kǝlara ndɛ nam ata si adzǝni kǝ ndzai ntsakǝr ka dzǝ mbǝrsa apǝri dzǝ adai ba dzǝ ada la wadzǝɓa ala ndzǝ nam ada bara tǝni.

Yakubu 2:14

Mi dza ani paidari, madar mana kaka nkwaiyir mana yarɛ, ma ndɛ gha apǝri dzǝ aka hamnta dzǝri ama dzǝ adi ada tsanti tǝ 'ya kǝthlǝr wɛ? dzǝli hamnta dzǝri ǝni ata mǝzi ka mbati tǝni ya?

Yakubu 3:13

Wa ani bǝrkawa ba ada ngaba su akwa ntsa gǝri? Ngyar ka dzǝ tsanti atar ɗakur ndziyirni, atar sǝ nam tǝ dzǝ ada 'ya aka tǝrghǝlkǝr nam tǝ bǝrkawakur si akǝr.