Yakubu 2:14 - Kibaku NT

¹⁴ Mi dza ani paidari, madar mana kaka nkwaiyir mana yarɛ, ma ndɛ gha apǝri dzǝ aka hamnta dzǝri ama dzǝ adi ada tsanti tǝ 'ya kǝthlǝr wɛ? dzǝli hamnta dzǝri ǝni ata mǝzi ka mbati tǝni ya?

Yakubu 2:14 Iomraidhean Croise

Mata 5:20

Yi ada gha ala gǝri apǝri tar ma kalkalkur gǝri kwatsǝni nǝr Farisi yarɛ ba nǝr malǝmǝr mabari yarni, dzǝri gǝri adi ata lǝkwa kuhyikur nam atahyal wɛ.

Luka 3:11

Yawhana sǝnau ka nkǝrɛ ala dar apǝri, “Kǝlara ndǝ nam aka lǝkutu sǝɗɛ, ka dar ndǝghǝi aka ndǝ nam kura akǝri, ba ndǝ nam aka sǝr sǝm ma ka dzǝ 'ya tsu apani.”

Luka 6:49

Ama kǝlara ndɛ tara ngati ndǝrǝrna, ama dzǝ ta kǝlǝngkǝr akǝri wɛ, dzǝ ndzai apa ndǝ nam tara lati kǝiyirni kura aka piyartsǝni. Sakatǝ afafa tara si ka fa kǝi ǝnda dzǝ ka dla tǝkǝma, antǝ dlar kǝi ǝnda kǝ 'ya kulɗa tǝm-tǝm.”

'Ya Su 15:9

Dzǝ ta tsanti pampamkur akwa ɓwanga muri kaka dar wɛ, akuya dzǝ kǝtsǝnta ɗǝfa dar atar hamnta dzǝrǝr dar.

'Ya Su 8:13

Antǝ Simaun tǝ kǝrni mbǝrsa ndǝ ka 'ya alari bamtizǝma. Dzǝ baditsǝni nu Filibusu akwa kǝlara vui nam tǝ dzǝ mwari, ba dzǝ ada ndatǝdzi aka sǝr ndati nam ngga-ngga tǝ Filibus tara 'yati.

'Ya Su 8:21

Gɛ adi aka palai wala nǝbwa akwa kǝthlǝr Hyal ni wɛ, kadǝbar ɗǝfa gɛ adi kal-kal akǝma Hyal wɛ.

Ndzǝr Rauma 2:25

Thlakatsa aka paida ma apǝri gǝri ada ɓǝlati mabari, ama ma gǝri ɓǝlnta mabari gǝri kǝ ndzai apa ndǝ kura ndǝ ta thlakatsa alari.

1 Ndzǝr Kwaranti 15:2

Atar ndǝrǝr Hyal nam sǝɗa ǝni ani tǝ ndǝ mbati tǝ gǝri, ma gǝri ngǝzi ɓaɓal labar nam tǝ Yi nkǝrɛ ala gǝri ni. Ma adi ahani wɛ, mbǝrsar gǝri ɓǝrtu.

1 Ndzǝr Kwaranti 16:22

Ma kǝlara ndǝ nam kura ada yiɗɛ Thlaku—ka Hyal kǝlnta barkarni. Si, ya Thlaku!

Ndzǝr Galatiya 5:13

Madar mama, gǝr wula ndǝ kǝga tǝ gǝri kadǝbar ɓui kǝr. Ama akwa ɓui kǝr gǝrni ta gǝri ta ɗǝnga apǝri kulini gǝri ata 'ya kǝlara sǝ nam kulɗa tǝ dzɛ ada bara. Ata vuiya ǝni, ka gǝr kǝthlǝr aka ɓui kǝr gǝrni ka gǝri mbana kǝma gǝri akwa yiɗǝdzi.

Ndzǝr Galatiya 5:6

Ma mur nu Kǝrsti Yɛsu, thlakatsa wala zumbulǝm dar adi ata nya mima wɛ. Ama Sǝ nam ɗa ta sang ani hamnta dzǝri akwa Kǝrsti nam tara mǝrti tǝngɛ tǝ gǝ yiɗǝ ndɛ.

1 Ndzǝr Tasalaunika 1:3

Tatang yar ada ɗǝngati tǝ gǝri akǝma Hyalǝr muri, Tada muri: kǝthlǝr gǝri nam tǝ gǝri 'ya kadǝbar hamnta dzǝri gǝri, ba sǝ nam tǝ gǝri 'ya akuya yiɗǝdzi gǝri, ba ɓatǝsur hau akwa ɗǝfu nam tǝ gǝri kǝri kadǝbar Thlakǝr muri Yɛsu Kǝrsti.

1 Timathlawus 1:5

Sǝ nam tǝ mabari ni ada bara ani yiɗǝdzi, nam ada hyati akwa ɗǝngar ɗǝfu nam ɗaku, ba hamnta dzǝri nam akwa dzǝrkur.

1 Timathlawus 4:8

Akuya tsǝl sǝ nǝr kumǝr dzɛ aka paida, ama ndzaiyir Hyalkur aka paida akuya ka sanga sǝ, dzǝ ada ngǝzi alkawal ka mpikǝ nam kulini ba mpikǝ nam tsu ata si.

Taitus 1:16

Dar ada kǝtǝ apǝri dar zǝndi Hyal, ama sǝr 'yar dar adi ta tsanti wɛ. Dar ndzai sǝr ghyǝmbur, kura ngandǝrkur ba dar ta mǝzi ka 'yati sǝ nam ɗaku wɛ.

Taitus 3:8

Əni ani ndǝrɛ nam tǝ ndɛ ata mbǝrsa akǝri. Ba Yi ada bara ka gǝri gha sǝ yarɛ ni aka dǝna, ani ka ndzǝ nam aka mbǝrsa akwa Hyal ka dar 'ya hankal ka dar hau kǝr dar akwa 'ya sǝ nam ɗaku. Sǝ yarni tsuwɛ dar sǝ nam ɗawurwur, ba sǝr ɗǝru akuya ka kǝlara ndɛ.

Ndzǝr Ibrahim 11:17

Atar hamnta dzǝrǝr Ibrahim, sakatǝ Hyal tara nkǝrti tǝni, dzǝ hamnta Isaku apa kǝdlǝrsu. Dzǝ nam tara dlutsi alkawal yarni dzǝ angwada 'ya kǝdlǝrsu tǝ zǝrǝrni duku ngyalang,

Ndzǝr Ibrahim 13:9

Ta ndǝ ta kǝlnta hankala gǝri atar sanga dzǝli mǝthlǝɓiyir sǝr tsǝl yarɛ. Kǝ ndzai ɗaku ala ɗǝfa muri yarɛ ka dar dǝnautsǝnidzi atar ɗakur Hyal, adi tǝ ɗǝvǝr wudzǝr, nam kura aka paida ala ndzǝr sǝm tǝ dar wɛ.

Yakubu 1:16

Ta ndǝ ta zǝlanta tǝ gǝri, madar mama kaka nkwaiyir mama yarɛ nam tǝ Yi yiɗɛ.

Yakubu 2:16

Ma pathlu akwa ntsa gǝri nkǝrɛ alari apǝri, “Ka gǝ mwari lapiya, ba ka gǝ tǝtǝktǝdzi ka gǝ sǝm sǝr sǝmɛ ka gǝ ghǝi,” ama kura dzǝ ta lari sǝ nam tǝ dzǝ ada bara ni, mi ani paidari?

Yakubu 2:18

Ama ndɛ laka ata nkǝrɛ apǝri, “Gɛ aka hamnta dzǝri; Yi aka kǝthlǝrari.” Tsanti alai hamnta dzǝrǝr ngɛ kura aka kǝthlǝr, ba Yi ata tsanti ala gɛ hamnta dzǝrǝrna atar kǝthlǝr nam tǝ Yi 'ya.

Yakubu 2:26

Antǝ tsu apa tǝ dzɛ nam kura aka mambǝlɛ ani ntǝnti, ani tsu apani hamnta dzǝri kura aka kǝthlǝrari dzǝ ntǝnti.

2 Bitrusu 1:5

Akuya ka sǝ ǝni, hawamɛ sanga dǝna ka gǝr dzakti ɗakur ata kǝra hamnta dzǝri gǝri; ba ata kǝra ɗakurni, zǝndi su ata kǝra Hyal,