Yakubu 1:25 - Kibaku NT

²⁵ Ama ndɛ nam ada vǝdzǝ hankal ka wul sǝ nam akwa mabari ni nam ada si aka ɓui kǝr, ba dzǝ lǝkǝma aka 'ya tǝni, kura dzǝ ada fwanta sǝ nam tǝ dzǝ ngati, ama dzǝ ada 'ya tǝni—dzǝ ata ɓui barka akwa sǝ nam tǝ dzǝ ada 'ya.

Yakubu 1:25 Iomraidhean Croise

Luka 11:28

Ama Yɛsu ka sǝnau, “Barka nam hang ma dzá ala ndzǝ nam ada ngati ndǝrǝr Hyal ka kǝlǝngkǝr akǝri!”

Yawhana 13:17

Kulini nam tǝ gǝr zǝndi ǝni, ma gǝri ada 'yati, gǝr ndzǝ nam aka barka.”

Yawhana 8:36

Kadǝbar ǝni, ma Zǝr ni pǝli tǝ gǝri, gǝri ata ndzai kambɛ nam dzǝri.

'Ya Su 13:43

Sakatǝ ndǝ salamtsǝni ndzi, ndzǝr Yahudi hang ba ndzǝ kura Yahudi nam ada hyivǝr Hyal ka nu Bulusu aka Barnabas, nam tara ndǝrɛ ala dar ba galatsǝni tǝ dar ka dar lǝkǝma akwa ɗakur Hyal.

'Ya Su 2:42

Sanga ndzǝ nam aka mbǝrsa kǝltsǝni kǝra dar tǝ dar ada lǝkǝma akwa hyipǝr ndzǝr hya yarɛ, mwardzi atakǝmaduku, ndǝghǝ sǝr sǝmǝr yiɗǝdzi, ba aduwa.

'Ya Su 26:22

Ama Yi ɓui mbanar Hyal ka la vǝr asǝna, ba ani Yi hyati akwani ada gha ala ndzǝ nam nkyǝnkyiɗu ba ndzǝ nam ngga-ngga. Yi adi ada gha mima abǝla kǝma sǝ nam tǝ nabi yarɛ ba Musa gha apǝri ata 'ya wɛ—

Ndzǝr Rauma 11:22

Ɗǝngati dza hankalkur ba dzaukur nǝr Hyal: dzaukur ala ndzǝ nam tara dla, ama hankalkur ala gɛ, ma apǝri gǝ lǝkǝma akwa hankalkurni. Ma adi ahani wɛ, gǝ yɛ Hyal ata dǝlnta tǝngɛ.

Ndzǝr Rauma 2:13

Akuya adi ndzǝ nam tara ngati mabari ani ndzǝ nam kal-kal akǝma Hyal wɛ, ama ndzǝ nam ada ɓǝlati mabari ani ndzǝ nam tǝ Hyal ata nkǝrɛ apǝri dar kal-kal.

Ndzǝr Rauma 7:12

Ani dzá, Hyal dza ani tara hamnta mabari ba tsau ni kal-kal ba ɗaku.

Ndzǝr Rauma 8:15

Akuya gǝr ta dlu mambǝl nam ata mǝrti tǝ gǝri fali kadamwa ala hyivǝr wɛ, ama gǝri dlutsi Mambǝlɛ nǝr zǝrkur. Ba atarni muri ada tuwa, “Abba, Bana.”

Ndzǝr Rauma 8:2

kadǝbar atar Kǝrsti Yɛsu mabariyir mambǝl nǝr mpikǝ ni kǝ mpǝlba tǝra akwi mabariyir biku ba nti.

1 Ndzǝr Kwaranti 15:58

Kadǝbar ǝni, madar mana yarɛ, nam tǝ Yi yiɗɛ, hyatamɛ ɓaɓal. Ta mima ta mbǝyar tǝ gǝri. Kǝlara saka ka gǝri hamnta kǝr gǝri sang-sang ala kǝthlǝrǝr Thlaku, kadǝbar gǝr zǝndi apǝri kǝthlǝrǝr gǝri akwa Thlaku adi ɓǝrtu wɛ.

2 Ndzǝr Kwaranti 13:5

Ngaltsǝniyamɛ kǝr gǝri ka gǝr wula tar gǝri tsu akwa hamnta dzǝri; dzabamɛ kǝr gǝri. Gǝr ta zǝndi apǝri Kǝrsti Yɛsu tsu akwa gǝri wɛ—tari, ma ahani gǝr ɗi akwa nkǝrti ǝni?

Ndzǝr Galatiya 2:4

Labar ni hyati kadǝbar madar mama nǝr hawi yar laka nam tara lǝkwa ɗǝwa-ɗǝwa, kadǝbar ka dar wulba asǝra mbulbadzǝr muri nam tǝ muri akǝri atar Yɛsu Kǝrsti, akuya vu tǝ muri akwa falikur sǝr 'yar Yahudi.

Ndzǝr Galatiya 5:1

Ani dzǝri Kǝrsti kǝ la muri ɓui kǝr. Ka gǝr ndzai ɓaɓal, ta gǝri ta dzakti ɗu akwa yaku nǝr falikur tsuwɛ.

Ndzǝr Galatiya 6:2

Ka gǝri kǝtǝ bwaniyir kǝma gǝri, ani akwa ǝni gǝri ata kǝlǝngkǝr aka hyipǝr Kǝrsti.

Ndzǝr Kwalausi 1:23

Ama ka gǝri ntsidzi ba ka gǝri ndzai ɓaɓal akwa hamnta dzǝrǝr gǝri ta gǝri ta sǝkur tǝmatsǝni nam tǝ gǝr dlutsi saka nam tǝ gǝri tara ngati ndǝrǝr Hyal nam sǝɗa ni. Ndǝ 'ya ndǝr ni akwa sanga dunya, ba Yi Bulusu tǝ kǝrna Yi ndzai ndǝr kǝthlǝr ndǝrɛ ǝni.

1 Timathlawus 2:15

Ama mwahyi ata ɓui mbatǝdzi atar ya madar—ma dar lǝkǝma akwa hamnta dzǝri, aka yiɗǝdzi, ba aka hamnta kǝr dar ala Hyal ba ngǝngǝuti kǝr.

1 Timathlawus 4:16

Ka gǝ wul sǝ nam tǝ gǝ ada 'ya akwa ndzaiyir ngɛ ba ka gǝ wul sǝ nam tǝ gǝ ada hyipɛ. Ka gǝ hau dǝna akwa dar, kadǝbar ma gɛ 'ya apani gɛ ata mbati kǝrngɛ kaka ndzǝ nam ada nga tǝ gɛ.

Ndzǝr Ibrahim 12:15

Ka gǝr vǝdzǝ hankal ta waima ta nai ta ɓui ɗakur Hyal ba apǝri ta ɗǝwatukur ta kǝlí akwa ntsa gǝri ka si aka bwanai ka sǝwati ndzǝ hang.

Yakubu 2:12

Ka gǝri ndǝrɛ ba 'ya su apa nǝr ndzǝ nam tǝ ndɛ ata 'ya ala dar haka tǝ mabari nam ada si aka ɓui kǝr.

1 Bitrusu 2:16

Ndziyamɛ apa kambɛ, ama ta gǝr ta kǝtǝ kambǝkur gǝri ka mbu su kulɗa akǝri; ndziyamɛ apa madar kǝiyir Hyal.

1 Yawhana 2:24

Sǝ nam tǝ gǝri ngati akwa baditsǝniyari ka dzǝ ndzai akwa ɗǝfa gǝri. Ma kǝ 'ya ahani, gǝri yɛ gǝri ata ndzai akwa paktsǝnidzi kaka Zǝr ni ba Tada ni.

Wulsu 14:13

Antǝ Yi ngati kuɗahu nkǝrɛ atahyal, “Rǝbwai: Kutsari aka ndzǝ nam ntǝnti nam tara nti akwa Thlaku baditsǝni kulini ka lǝkǝma.” Mambǝl ni nkǝrɛ, “A, dar ata ghǝrbadzi akwa kǝthlǝrǝr dar, akuya sǝr 'yar dar ata nu tǝ dar.”

Wulsu 22:14

“Kutsari aka ndzǝ nam tara kǝtsǝnta kariyir dar, ani ka dar ɓui whalǝr lǝka ɗǝmtsi munyar fur mpikɛ ba ka dar mwari alǝkwa mǝlmǝ ni ata nyatǝfu.