Yakubu 1:22 - Kibaku NT

²² Ta gǝr ta ndzai ndzǝr ngati labarǝr Hyal ɗiɗi ba ani gǝri ada zǝla kǝr gǝri. Ka gǝr 'ya sǝ nam tǝ labar ni nkǝrɛ.

Yakubu 1:22 Iomraidhean Croise

Mata 12:50

Akuya kǝlara ndǝ nam ada 'ya sǝ nam tǝ Babarna nam atahyal yiɗɛ, dzǝ ani zǝr mana, aka nkwar mana ba mamarna.”

Mata 28:20

ba ka gǝri hyipɛ ala dar ka dar ngandǝrǝr kǝlara sǝ nam tǝ Yi tsau ala gǝri. Ba dzǝri Yi kaka gǝri tatang, har kurǝr zaman.”

Luka 11:28

Ama Yɛsu ka sǝnau, “Barka nam hang ma dzá ala ndzǝ nam ada ngati ndǝrǝr Hyal ka kǝlǝngkǝr akǝri!”

Yawhana 13:17

Kulini nam tǝ gǝr zǝndi ǝni, ma gǝri ada 'yati, gǝr ndzǝ nam aka barka.”

Ndzǝr Rauma 2:13

Akuya adi ndzǝ nam tara ngati mabari ani ndzǝ nam kal-kal akǝma Hyal wɛ, ama ndzǝ nam ada ɓǝlati mabari ani ndzǝ nam tǝ Hyal ata nkǝrɛ apǝri dar kal-kal.

1 Ndzǝr Kwaranti 15:33

Ta ndǝ ta zǝlanta tǝ gǝri: “Pazǝ kulɗa ada sǝwati hal nam ɗa.”

1 Ndzǝr Kwaranti 3:18

Ta gǝr ta zǝla kǝr gǝri. Ma kǝlara duku akwa ntsa gǝri ɗǝnga apǝri dzǝ bǝrkawa akwa ndzaiyir zaman ǝni, ngyar ka dzǝ mǝrti kǝrni “dlang” ani ka dzǝ siya ndzai bǝrkawa.

1 Ndzǝr Kwaranti 6:9

Gǝr ta zǝndi apǝri ndǝ kǝmangar adi ata ɓui kuhyikur Hyal wɛ? Ta ndǝ ta zǝlanta tǝ gǝri: Kwa ndzǝr 'ya badawikur wala ndzǝr vǝkǝr sǝlai ala mǝlǝm yarɛ wala ndzǝr bara mwalar ndɛ yarɛ wala sǝli zawar wala salǝr pi aka sal ba mwalar pi aka mwala

Ndzǝr Galatiya 6:3

Dzǝrkurari ani ma kǝlara ndǝ nam tara ɗǝnga apǝri dzǝ sǝ laka, ama dzǝ adi sǝ laka wɛ, dzǝ zǝlanta kǝrni.

Ndzǝr Galatiya 6:7

Ta ndǝ ta zǝlanta tǝ gǝri, ndɛ adi ata mǝrti Hyal dlang wɛ. Akuya kǝlara sǝ nam tǝ ndǝ thlǝka, antǝ dzǝ ata dli.

Ndzǝr Filibi 4:8

Ata dǝnta, madar mama, kǝlara sǝ nam dzǝri, kǝlara sǝ nam ɗaku, kǝlara sǝ nam kal-kal, kǝlara sǝ nam kǝtsǝkǝtsi, kǝlara sǝ nam tǝ ndǝ yiɗɛ, kǝlara sǝ nam tara mǝzi hǝmɛ—ma kǝlara sǝ nam ɗawurwur wala nam tara mǝzi hǝmɛ—ɗǝngamɛ ata kǝra sǝ yarni.

Ndzǝr Kwalausi 3:17

Ba kǝlara sǝ tǝ gǝri ata 'ya, wala ndǝrɛ wala kǝthlǝr, ka gǝri 'ya sanga su akwa thlǝma Thlaku Yɛsu, tǝ gǝri ada gwaditsǝni ala Hyal Tada ni atarni.

2 Timathlawus 3:13

ama ndzǝ kulɗa ba ndzǝ nam ada kǝtǝ kǝr dar apǝri dar su ama dar adi mima wɛ dar ata lǝkǝma aka 'ya kulɗa ba kulɗa ta sang, dar ada lǝkǝma aka zǝla ndzi ba ndzi ada zǝla tǝ dar.

Taitus 3:3

Kadǝbar yar ma watsi yar ta zǝndi sǝ wɛ yar ndzai kura ngandǝrɛ, ndǝ zǝlanta tǝ yar, ba ndǝ mǝrti tǝ yar fali atar sanga dzǝli mau sǝ kulɗa yarɛ ba sǝr nga sǝɗa yarɛ. Yar ndzai akwa imaikur ba sǝlku, ndǝ ngǝla tǝ yar ba yar ada ngǝla ndzi damwa.

Yakubu 1:26

Ma kǝlara ndɛ nam tara kǝtǝ kǝrni apǝri dzǝ aka adini ba dzǝ adi ada ɓǝlati kanyarari wɛ, dzǝ ada zǝla kǝrni ba adiniyirni yɛ ɓǝrtu.

Yakubu 4:11

Madar mama kaka nkwaiyir mama yarɛ, ta gǝri ta gha su kulɗa ata kǝma gǝri mai. Ndɛ nam ada gha su kulɗakur ata kǝra zǝrangǝri wala 'ya haka alari, dzǝ ada gha su kulɗa ba 'ya haka ala Mabari ni. Sakatǝ gɛ ada 'ya haka ala mabari ni, gɛ adai ada ɓǝla Mabari wɛ, ama gɛ ada ndzai ka 'ya haka alari.

Yakubu 4:17

Kadǝbar ǝni, kǝlara ndɛ nam tara zǝndi sǝ nam kal-kal ka dzǝ 'ya, ama ma dzǝ ta 'ya wɛ, dzǝ 'ya biku.

2 Bitrusu 2:13

Ndɛ ata nkyinta tǝ dar aka kulɗakur akuya ka kulɗakur nam tǝ dar 'ya. Dar kǝtǝ apǝri sǝsa su ba 'ya kalalamkur ata tsǝtsi talangkǝr sǝr nga sǝɗa. Dar ndzai mangivar ba sǝr sǝlai, dar ada nga sǝɗa akwa zǝlantadzǝr dar ata saka nam tǝ dar ada sǝm su kaka gǝri akwa mwardzǝr gǝri.

1 Yawhana 1:8

Ma muri nkǝrɛ apǝri muri adi aka biku wɛ, muri ada zǝla kǝr muri ba dzǝrkur ni adi akwa muri wɛ.

1 Yawhana 2:3

Muri zǝndi apǝri muri kǝ si ka zǝndi tǝni ma muri ngandǝrǝr tsawurni yarɛ.

1 Yawhana 3:7

Madausai yarɛ nam tǝ yiɗɛ, ta gǝri ta ngyar ka kǝlara ndɛ zǝlanta gǝri. Ndǝ nam ada 'ya sǝ nam kal-kal dzǝ ndǝ kal-kal, tsu apa tǝ Kǝrsti kal-kal.

3 Yawhana 1:11

Pazǝrna nam tǝ Yi yiɗɛ, ta gǝ ta tsǝl sǝ nam kulɗa, ama ka gǝ tsǝl sǝ nam ɗaku, kǝlara ndǝ nam ada 'ya ɗaku dzǝ nǝr Hyal; ama kǝlara ndǝ nam ada 'ya sǝ nam kulɗa dar ta zǝndi Hyal wɛ.

Wulsu 12:9

Ndǝ ka ɗalghǝl nggar pwapu kulɗa nam ngga ni—pwapu nam watsi tǝ ndǝ ada ka tǝ Satan, nam tara zǝlanta dunya sang. Ndǝ ɗalghǝl tǝni ata dai, ba ndzǝr hyantǝr Hyal ni yarɛ kaka dza.

Wulsu 22:7

“Wulɛ, Yi ata si kulini-kulini! Kutsari aka ndǝ nam tara ɓǝlati ndǝr yarɛ nǝr nabikur nam akwa kakadu ni.”