Yakubu 1:21 - Kibaku NT

²¹ Kadǝbar ǝni, ka gɛ ngyar sanga ghyǝmburkur ba kǝmangarkur tara 'ya hang ni ba ka gǝr dluwɛ aka tǝrghǝlkǝr labar ni nam ndǝ tara thlǝkati akwa gǝri ni, nam ani ata mǝzi ka mbati tǝ gǝri.

Yakubu 1:21 Iomraidhean Croise

Mata 5:5

Kutsari aka ndzǝ nam kǝlam, akuya dar ani ata siya fa wartar dunya.

Yawhana 6:63

Mambǝlǝr Hyal dzǝ ada hamnta mpikɛ. Dǝnar ndɛ adi ada 'ya paidar mima wɛ. Labar nam tǝ Yi tara gha ala gǝri dzǝ ada si aka Mambǝlǝr Hyal nam ada hamnta mpikɛ.

Yawhana 6:68

Simaun Bitrusu ka sǝnau alari, “Thlaku, adzǝ wa tǝ yar ata mwari? Gǝ ani aka labar mpikǝ nam kura kurkuri.

'Ya Su 10:33

Ani kura aka santa saka Yi ka hya ndɛ ala gɛ, kǝ 'ya kal-kal tǝ gǝ si, kulini muri sang muri akǝma Hyal ka sǝthlǝmɛ ala kǝlara sǝ nam tǝ Thlaku tara tsau ala gɛ ka yar ngati.”

'Ya Su 13:26

“Madar mama, madar Ibrahim, ba ndzǝ kura Yahudi nam ada hyivǝr Hyal akwa ntsa gǝri, Muri ani tǝ ndǝ hyanti ala muri labar mbatǝdzi ǝnǝni.

Ndzǝr Rauma 1:16

Yi adi ada nga sǝlai akuya ka ndǝrǝr Hyal nam sǝɗa wɛ, kadǝbar ǝni ani dǝnar Hyal nam tǝ dzǝ ada kǝthlǝr akǝri ka mbatǝ kǝlara ndɛ nam tara mbǝrsa: tangkǝma ala ndzǝr Yahudi, aghǝla ǝni ala ndzǝ kura Yahudi.

Ndzǝr Rauma 11:17

Ma nakuma tsizuwurni yarɛ ndǝ ɓǝgǝlnta, ba gǝri, wala tǝ gǝri fur zaitun nǝr ntaku, ndǝ ntsǝntsǝti tǝ gǝri akwa ntsa tsizu yarɛ damwa ba kulini gǝri ada ndǝghǝi sǝr sǝmǝr kuta fur zaitun ni,

Ndzǝr Rauma 6:17

Ama usɛ ala Hyal nam, wala watsi gǝri fali yarɛ ala biku, gǝri ngandǝrɛ aka sanga ɗǝfa gǝri ala dzǝli hyipɛ nam tǝ ndǝ tara hau akwa tsiya gǝri.

1 Ndzǝr Kwaranti 15:2

Atar ndǝrǝr Hyal nam sǝɗa ǝni ani tǝ ndǝ mbati tǝ gǝri, ma gǝri ngǝzi ɓaɓal labar nam tǝ Yi nkǝrɛ ala gǝri ni. Ma adi ahani wɛ, mbǝrsar gǝri ɓǝrtu.

2 Ndzǝr Kwaranti 7:1

Tǝng tǝ muri aka alkawal yarɛ ni, pazǝrna yarɛ nam tǝ Yi yiɗɛ, ngyar ka mur kǝtsǝnta kǝr muri ta sanga sǝ yarɛ nam ada ghyigǝrti dzɛ ba mambǝlɛ, ka muri hamnta kǝr muri sang-sang ala ndzaiyir whalǝr Hyal akwa hyivǝr Hyal.

Ndzǝr Afisa 1:13

Ba gǝri tsuwɛ nam tara ɓui ka lǝkwa Kǝrsti sakatǝ gǝri tara ngati ndǝrǝr dzǝrkur ni, ndǝrǝr Hyal nam sǝɗa nǝr mbatǝdzǝr gǝri. Aghǝla tǝ gǝri mbǝrsa, Hyal vǝti ntarni ata gǝri apǝri gǝri nǝni. Əni ani Mambǝl Kartǝ ni nam tǝ dzǝ tara 'ya alkawalari tsu din.

Ndzǝr Afisa 4:22

Ndǝ tsǝlɛ ala gǝri, ata kǝra whal ndzaiyir gǝri watsi, apǝri ka gǝri ngunta dzá gǝri nam halhali nǝr biku ni, nam tara sǝwatǝdzi atar sǝr zǝla nam tǝ dzɛ ada bara yarɛ;

Ndzǝr Afisa 4:25

Akuya ka ǝni ka gǝri ngyar hawi, ka waima gha dzǝri ala ntǝwhulǝrni, akuya muri sang mǝdlɛ yarɛ nǝr dzǝ duku.

Ndzǝr Afisa 5:4

Wala ta gǝri ta hau kǝr gǝri akwa gha sǝr sǝlai, labar dlangdlangkur, wala kǝliyir thlamparkur, akuya adi kal-kal wɛ, ama ata vuiya ǝni ka gǝr usar Hyal.

1 Ndzǝr Tasalaunika 1:5

kadǝbar labar nam ɗaku tara si ala gǝri adi aka nya ɗiɗi wɛ ama tsuwɛ aka dǝna, aka Mambǝl Kartǝ tara la gǝri tǝmatsǝni ghǝi-ghǝi apǝri sǝ nam tǝ yar gha ni dzǝri. Gǝr zǝndi whal nam tǝ yar ndzai akwa ntsa gǝri ata nyar gǝri.

1 Ndzǝr Tasalaunika 2:13

Ba yar tsuwɛ yar ada gwaditsǝni ala Hyal kura ngyar-ngyar, kadǝbar sakatǝ gǝri dlutsi ndǝrǝr Hyal, nam tǝ gǝri ngati aka yar, gǝr yiɗɛ tǝni adi apa ndǝrǝr ndzǝ wɛ ama apa tǝ dzǝ dzǝri ani ndǝrǝr Hyal, nam ada kǝthlǝr akwa gǝr ndzǝ nam tara mbǝrsa.

Taitus 2:11

Akuya ɗakur Hyal nam ada si aka mbatǝdzi kǝ tsantǝdzi ala sanga ndzi.

Ndzǝr Ibrahim 12:1

Kadǝbar ǝni, tǝng tǝ sakǝida yarɛ nǝr dlamiyir ndzi dlǝti tǝ muri, ngyar ka mur punta kǝlara sǝ nam ada ndǝrghǝl tǝ muri ba biku nam ada ngwatiya tapǝrtsi tǝ muri, ba ngyar ka mur whui aka ɓatǝsu akwa kǝ abarabara nam tǝ ndǝ vi akǝma muri ni.

Ndzǝr Ibrahim 2:3

mǝmi tǝ muri awa mbulbadzi ma mur ngǝla dzǝli whal mbatǝdzi nam ngga ni? Mbatǝdzi ni, nam tǝ Thlaku tara nkǝrɛ tangkǝma ni, ndǝ nkǝrba ala muri atar ndzǝ nam tara ngati tǝni.

Ndzǝr Ibrahim 4:2

Akuya yar yɛ yar ɓui tǝ ndǝ 'ya ala yar ndǝr nam sǝɗa tsu apa tǝ dar 'ya; ama ndǝrǝr Hyal nam tǝ dar ngati ta 'ya aka paida ala dar wɛ, kadǝbar ndzǝ nam tara ngati dar ta kǝltsǝni tǝni aka hamnta dzǝri wɛ.

Yakubu 4:8

Ka gǝri si kudzǝghɛ adzǝ Hyal ba dzǝ ata si kudzǝghɛ adzǝ gǝri. Kǝtsǝnta mɛ tsiya gǝri, gǝri ndzǝr biku, ba ka gǝri kǝtsǝnta ɗǝfa gǝri, gǝri nam aka hal sǝsǝɗɛ.

Yakubu 5:20

ka dzǝ zǝndi apǝri: kǝlara ndɛ nam tara kǝlba ndǝr biku ta whalǝr sǝwa sǝ nam tǝ dzǝ akwa dzǝ ata mbati tǝni ta nti ba dzǝ harti biku yarɛ hang.

1 Bitrusu 1:22

Kulini nam tǝ gǝri kǝtsǝnta kǝr gǝri atar ngandǝrǝr dzǝrkur, ani ka gǝr 'ya aka yiɗǝdzi ala madar mama gǝri, ka gǝri yiɗǝ kǝma gǝri aka ɗǝfu duku.

1 Bitrusu 1:9

akuya gǝri ada dlu wadzǝɓar hamnta dzǝri gǝri, ani mbatǝdzǝr sangura gǝri yarɛ.

1 Bitrusu 2:1

Ani ka gǝri ngyar sanga halǝr ɗǝnga 'ya kulɗakur, sanga zǝla ndɛ, kanyar sǝɗǝkur, dǝguntsǝni ndɛ, ba sanga dzǝli gha ndɛ.

1 Bitrusu 2:11

Pazǝrna yarɛ nam tǝ Yi yiɗɛ, Yi ada gala tǝ gǝri, apa tǝ gǝri ndzǝ si-si ba mǝthlǝɓi akwa dunya ni, ta gǝr ta yiɗɛ mau su kulɗa-kulɗa nam ada mpa aka sangura gǝri.