Yakubu 1:19 - Kibaku NT

¹⁹ Madar mama kaka nkwaiyir mama yarɛ nam tǝ Yi yiɗɛ, ka gǝri zǝndi ǝni: Ka kǝlara ndɛ 'ya parau akwa ngati su, ama ta dzǝ ta ngwatiya ndǝrɛ ba ta ɗǝfari ta ngwatiya sǝwa,

Yakubu 1:19 Iomraidhean Croise

Mata 5:22

Ama Yi ada gha ala gǝri apǝri kǝlara ndǝ nam tǝ ɗǝfari sǝwa ala zǝrangǝri ndǝ ata 'ya alari haka. Kadamwa, kǝlara ndǝ nam tara nkǝrɛ ala zǝrangǝri, ‘Dlang,’ ndǝ ata mwari aka dza akwa vui hakar ndzǝr Yahudi. Ama kǝlara ndǝ nam tara nkǝrɛ, ‘Gǝ dlang!’ dzǝ ata lǝkwa u'u kura kuri.

Markusu 12:37

Dauda tǝ kǝrni ma kǝga tǝni ‘Thlaku.’ Ama awa 'ya kara 'ya tǝ ndɛ awa nkǝrɛ apǝri Kǝrsti dzǝ zǝrǝrni?” Dlamiyir ndzi hang ngati tǝni aka kutsari.

Markusu 2:2

Ndzǝ hang si antǝ fǝr tara mbi adi wɛ, wala anyavǝr ma. Yɛsu nkǝr labar ala dar.

Luka 15:1

Ndzǝr dlu tsǝmɛ kaka ndzǝr biku nam dzau-dzau dar tsaɓtsǝnidzi adzǝ Yɛsu tǝ dar ada nga tǝni.

Luka 19:48

Ama dar ta ɓui whal nam tǝ dar awa 'ya wɛ, kadǝbar tǝ sanga ndzi ada bara ka dar ngati ndǝrǝrni.

'Ya Su 1:15

Akwa vǝr yarɛ ǝnda, Bitrusu ka hyati akwa ntsa ndzǝ nam tara mbǝrsa (ndzǝ kudzǝghɛ adzǝ kumthlani aka sǝɗǝthlani) dzǝ ka nkǝrɛ,

'Ya Su 10:33

Ani kura aka santa saka Yi ka hya ndɛ ala gɛ, kǝ 'ya kal-kal tǝ gǝ si, kulini muri sang muri akǝma Hyal ka sǝthlǝmɛ ala kǝlara sǝ nam tǝ Thlaku tara tsau ala gɛ ka yar ngati.”

'Ya Su 13:48

Sakatǝ ndzǝ kura Yahudi tara ngati apani, dar nga sǝɗa ba hǝmnti labar Thlaku ni; ba sanga ndzǝ nam tsartsari akuya mpikǝ nam kura kurkuri ka ndzai ndzǝ nam tara mbǝrsa.

'Ya Su 17:11

Kulini ndzǝr Bǝriya aka hankal nam ɗaku ta ndzǝr Tasalaunika, akuya dar kurtaka dlutsi ndǝrǝr Hyal aka ufti ba dar ada ghyǝngaba Labar Hyal tatang vǝri ka dar wula tar Bulusu aka Silas ada hyipɛ sǝ nam dzǝri.

'Ya Su 2:42

Sanga ndzǝ nam aka mbǝrsa kǝltsǝni kǝra dar tǝ dar ada lǝkǝma akwa hyipǝr ndzǝr hya yarɛ, mwardzi atakǝmaduku, ndǝghǝ sǝr sǝmǝr yiɗǝdzi, ba aduwa.

Ndzǝr Afisa 4:26

Ma ɗǝfa gǝr sǝwa ta gǝr ta 'ya biku, ta gǝr ta ndzai aka ɗǝfu sǝwa-sǝwa har ka tsǝbti ɗǝyir tsǝtsi,

Ndzǝr Afisa 4:31

Ka gǝr ndǝghǝi aka nya ɗǝwatukur, ghǝrdi ba kǝl ɗǝfu, tsǝdzǝ nya ba gha ndɛ, kaka kǝlara dzǝli bara kulɗakur ata kǝma ngɛ.

Ndzǝr Kwalausi 3:15

Ngyar ka ndzai lapiyakur nǝr Kǝrsti 'ya kuhyikur akwa ɗǝfa gǝri sang, tǝng tǝ gǝri ndzǝ duku nǝr dzɛ Hyal ká tǝ gǝri ka ndzai lapiya. Ba ka gǝri gwaditsǝni.

Ndzǝr Kwalausi 3:8

Ama kulini kǝ ndzai ntsakǝr ka gǝri ngyar 'ya sanga sǝ yarni: ka gǝr ngyar kǝl ɗǝfu, duguntsǝni ndɛ, sǝwa thlǝma ndɛ, gha ndɛ, ba ta nya kulɗakur ta sǝba akwa nya gǝri.

1 Ndzǝr Tasalaunika 2:13

Ba yar tsuwɛ yar ada gwaditsǝni ala Hyal kura ngyar-ngyar, kadǝbar sakatǝ gǝri dlutsi ndǝrǝr Hyal, nam tǝ gǝri ngati aka yar, gǝr yiɗɛ tǝni adi apa ndǝrǝr ndzǝ wɛ ama apa tǝ dzǝ dzǝri ani ndǝrǝr Hyal, nam ada kǝthlǝr akwa gǝr ndzǝ nam tara mbǝrsa.

Yakubu 1:16

Ta ndǝ ta zǝlanta tǝ gǝri, madar mama kaka nkwaiyir mama yarɛ nam tǝ Yi yiɗɛ.

Yakubu 1:2

Kǝtamɛ apǝri dzǝ sǝr kutsari, madar mama kaka nkwaiyir mama yarɛ, kǝlara sakatǝ bwanai ɓui tǝ gǝri,

Yakubu 1:26

Ma kǝlara ndɛ nam tara kǝtǝ kǝrni apǝri dzǝ aka adini ba dzǝ adi ada ɓǝlati kanyarari wɛ, dzǝ ada zǝla kǝrni ba adiniyirni yɛ ɓǝrtu.

Yakubu 2:1

Madar mana kaka nkwaiyir mana yarɛ, gǝri nam aka mbǝrsa akwa Thlakǝr muri nam ngga Yɛsu Kǝrsti, ta gǝri tsan pampamkur.

Yakubu 2:5

Siyamɛ thlǝma gǝri, madar mana ba nkwaiyir mana yarɛ nam tǝ Yi yiɗɛ: Hyal ta tsarba ndzǝ nam ngudi akwa ntsa ndzǝr dunya ni ka mǝrti tǝ dar bǝrba akwa hamnta dzǝri ba ka dar sǝm warta nǝr kuhyikur nam tǝ dzǝ 'ya alkawalari ala dzǝ nam ada yiɗɛ tǝni wɛ?

Yakubu 3:10

Tsu akwa nya duku ni antǝ hǝmɛ ba ngǝlɛ ada sǝba. Madar mana ba nkwaiyir mana yarɛ, adi kal-kal ka su ǝni 'ya apani wɛ.

Yakubu 4:11

Madar mama kaka nkwaiyir mama yarɛ, ta gǝri ta gha su kulɗa ata kǝma gǝri mai. Ndɛ nam ada gha su kulɗakur ata kǝra zǝrangǝri wala 'ya haka alari, dzǝ ada gha su kulɗa ba 'ya haka ala Mabari ni. Sakatǝ gɛ ada 'ya haka ala mabari ni, gɛ adai ada ɓǝla Mabari wɛ, ama gɛ ada ndzai ka 'ya haka alari.

Yakubu 5:12

Ama sǝ nam tara kwatsǝni sang su, madar mama kaka nkwaiyir mama yarɛ, ta gǝri ta mbǝrɛ mai—wala aka vui nam atahyal, wala aka dunya, wala aka kǝlara su damwa. Ngyar ka “Ar gǝri” ndzai a, ba “A'ár gǝri” ndzai a'a, ma adi ahani wɛ gǝri ata lǝkwa hakar Hyal.

Yakubu 5:19

Madar mana kaka nkwaiyir mana yarɛ, ma duku akwa ntsa gǝri kǝ pǝranta ka ngyar whalǝr dzǝrkur, ba ma ndǝ laka ɓakta si aka dza,

1 Yawhana 2:21

Yi ta rǝbwa ala gǝri kadǝbar kura gǝri ta zǝndi dzǝri wɛ, ama kadǝbar gǝri zǝndi tǝni kadǝbar hawi adi ada si atar dzǝrkur wɛ.