Yakubu 1:18 - Kibaku NT

¹⁸ Dzǝ yiɗɛ ka la muri yabadzi bǝlin atar labarǝr dzǝrkur ni, ani ka muri ndzai apa munya nǝr tangkǝma nǝr sanga sǝ nam tǝ dzǝ mǝrti.

Yakubu 1:18 Iomraidhean Croise

Yawhana 1:13

Dar ta ndzai madar Hyal atar kum aka masi wɛ, wala atar ɗǝngar ndɛ ba ngukur dzɛ wɛ, ama Hyal tǝ kǝrni ani tara mǝrti tǝ dar madarni.

Ndzǝr Rauma 4:17

Apa rǝbwa-rǝbwa: “Yi mǝrti tǝngɛ atǝgǝra di yarɛ hang.” Dzǝ dza ani tada muri akǝma Hyal, dzǝ mbǝrsa akwa dza—Hyal ni nam ada la mpikɛ ala ndǝ ntǝnti ba dzǝ ada mǝrti sǝ yarɛ bǝlin kura aka mima.

1 Ndzǝr Kwaranti 4:15

Akuya tǝ gǝri aka ndzǝr wul tǝ gǝri kumthlani kumɛ akwa Kǝrsti, gǝr adi aka tada yarɛ hang wɛ, akuya akwa Kǝrsti Yɛsu Yi dza ndzai tada gǝri atar ndǝrǝr Hyal nam sǝɗa.

2 Ndzǝr Kwaranti 6:7

Yar ada nkǝr su dzǝri ba akwa dǝnar Hyal; aka kari mpa yarɛ nǝr kalkalkur akwa tsisǝmɛ ba akwa tsi aghya.

Ndzǝr Afisa 1:12

Ani ka apǝri, muri nam tangkǝma aka tǝmá akwa Kǝrsti, ka mur si aka hǝmɛ ba nggakur ala Hyal.

Ndzǝr Afisa 1:13

Ba gǝri tsuwɛ nam tara ɓui ka lǝkwa Kǝrsti sakatǝ gǝri tara ngati ndǝrǝr dzǝrkur ni, ndǝrǝr Hyal nam sǝɗa nǝr mbatǝdzǝr gǝri. Aghǝla tǝ gǝri mbǝrsa, Hyal vǝti ntarni ata gǝri apǝri gǝri nǝni. Əni ani Mambǝl Kartǝ ni nam tǝ dzǝ tara 'ya alkawalari tsu din.

2 Timathlawus 2:15

Ka gǝ 'ya kwakwaliyir ngɛ nam ɓwaltasang tǝ Hyal awa dlutsi tǝngɛ, ndǝr kǝthlǝr nam kura awa lǝkwa sǝlai ba ndǝ nam ada nkǝrba labarǝr dzǝrkur ni kal-kal.

Ndzǝr Ibrahim 12:23

ala ikǝlizǝyar yarkǝma ni nam tǝ thlǝma dar yarɛ rǝbwa-rǝbwa atahyal. Gǝri si adzǝ Hyal, ndǝr 'ya haka ala sanga ndzi, ala mambǝl yarɛ nǝr ndzǝ nam kal-kal nam tǝ Hyal ghǝiyaba tǝ dar,

Yakubu 1:15

Antǝ, aghǝla tǝ sǝ nam tǝ miyir ndɛ kari ni kǝtǝ hur, dzǝ yai biku; ba biku, sakatǝ dzǝ kǝlaba kǝli, dzǝ yai nti.

Yakubu 1:21

Kadǝbar ǝni, ka gɛ ngyar sanga ghyǝmburkur ba kǝmangarkur tara 'ya hang ni ba ka gǝr dluwɛ aka tǝrghǝlkǝr labar ni nam ndǝ tara thlǝkati akwa gǝri ni, nam ani ata mǝzi ka mbati tǝ gǝri.

Yakubu 3:14

Ama ma gǝri hau akwa ɗǝfa gǝri sǝlku nam kulɗa ba yiɗǝ kǝrkur, ta gǝri ta agula akǝr ba thla hawi ata kǝra dzǝri.

1 Bitrusu 1:23

Akuya gǝri yabadzi kadamwa, atar ndǝrǝr Hyal nam ada la ndǝ mpikɛ kura ada kuri. Labar ǝni apa munya nam kura awa 'yantadzi.

1 Bitrusu 1:3

Hǝmɛ ka dzǝ ndzai ala Hyal, dzǝ nam Tada ala Thlakǝr muri Yɛsu Kǝrsti! Kadǝbar kǝtǝrdzǝrni nam hang, muri yabadzi kadamwa, ndǝ ka la muri tǝmá nam aka mpikɛ, atar tǝ Hyal hyanti Yɛsu Kǝrsti akwa ntǝnti.

1 Yawhana 3:9

Ndɛ adi nam tara ɓui yabadzi nǝr Hyal ada lǝkǝma aka 'ya biku wɛ, kadǝbar munyar Hyal ada ndzai akwa dza; dzǝ adi awa lǝkǝma aka 'ya biku wɛ, kadǝbar dzǝ ɓui yabadzi nǝr Hyal.

Wulsu 14:4

Əni yarni ani sǝli nam kura ta sǝwati kǝr dar aka mwahyi, akuya dar ngǝngǝuti kǝr dar kura diɗɛ. Dar nu Zǝr Agam ni akwa kǝlara vui tǝ dzǝ lǝkwa. Ndǝ ɗǝlba tǝ dar akwa ntsa ndzi ndǝ ka hamnta tǝ dar apa munya nam tangkǝma ala Hyal ba ala Zǝr Agam ni.