Yakubu 1:16 - Kibaku NT

¹⁶ Ta ndǝ ta zǝlanta tǝ gǝri, madar mama kaka nkwaiyir mama yarɛ nam tǝ Yi yiɗɛ.

Yakubu 1:16 Iomraidhean Croise

Mata 22:29

Yɛsu sǝnau, “Gǝri sa kadǝbar gǝri ta zǝndi Labar Hyal ni wɛ wala dǝnar Hyal ni.

Markusu 12:24

Yɛsu ka sǝnau ala dar apǝri, “Gǝri ta 'ya kal-kal wɛ! Kadǝbar gǝri ta zǝndi Labar Hyal wala dǝnar Hyal wɛ.

Markusu 12:27

Dzǝ adi Hyalǝr nti wɛ, ama dzǝ Hyal nam aka mpikɛ. Gǝr sa dzǝr dzǝri!”

'Ya Su 1:15

Akwa vǝr yarɛ ǝnda, Bitrusu ka hyati akwa ntsa ndzǝ nam tara mbǝrsa (ndzǝ kudzǝghɛ adzǝ kumthlani aka sǝɗǝthlani) dzǝ ka nkǝrɛ,

1 Ndzǝr Kwaranti 6:9

Gǝr ta zǝndi apǝri ndǝ kǝmangar adi ata ɓui kuhyikur Hyal wɛ? Ta ndǝ ta zǝlanta tǝ gǝri: Kwa ndzǝr 'ya badawikur wala ndzǝr vǝkǝr sǝlai ala mǝlǝm yarɛ wala ndzǝr bara mwalar ndɛ yarɛ wala sǝli zawar wala salǝr pi aka sal ba mwalar pi aka mwala

Ndzǝr Galatiya 6:7

Ta ndǝ ta zǝlanta tǝ gǝri, ndɛ adi ata mǝrti Hyal dlang wɛ. Akuya kǝlara sǝ nam tǝ ndǝ thlǝka, antǝ dzǝ ata dli.

Ndzǝr Filibi 2:12

Akuya ǝni, gǝri nam pazǝrna yarɛ nam tǝ Yi yiɗɛ, apa tatang tǝ gǝri ada ngandǝrɛ adi ɗiɗi tǝ Yi adai wɛ, ama kulini nam kura Yi adai ka gǝri ngandǝrɛ tǝm-tǝm ka gǝri lǝkǝma aka kǝthlǝr aka hyivǝr ba kǝgǝdzi ka gǝri tsǝbti mbatǝdzǝr gǝri,

Ndzǝr Filibi 4:1

Akuya ǝni, madar mana, gǝri nam tǝ Yi yiɗɛ ba tǝ Yi ada bara ka Yi wula, Yi ada kutsari ba agula aka gǝri, ǝnda ani whal nam tǝ gǝri ata hyati ɓaɓal akwa Thlaku, pazǝrna yarɛ!

Ndzǝr Kwalausi 2:4

Yi ada nkǝrɛ ala gǝri sǝ ǝni, ani ka ta kǝlara ndɛ ta zǝlanta tǝ gǝri aka ɓwalnya yarɛ nam tǝ ndɛ ada wulɛ apa dzǝri.

Ndzǝr Kwalausi 2:8

Ka gǝri vǝdzǝ hankal ta ndɛ ta santa tǝ gǝri atar zǝla ɓǝrtu nǝr bǝrkawakur ndɛ, nam ada hyati atar sǝr kakár ndzi ba atar dǝnar mambǝl yarɛ nam akwa dunya nam kura ta hyati adzǝ Kǝrsti.

2 Timathlawus 2:18

Ndzǝ yarɛ ni dar pǝranta atǝra ka ngyar dzǝrkur ni. Dar ada nkǝrɛ apǝri hyati akwa ntǝnti kurtaka kwatsǝni, ba dar ada whuzanta hamnta dzǝrǝr ndzǝ laka.

Ndzǝr Ibrahim 13:1

Ka gǝri lǝkǝma aka yiɗǝ kǝma gǝri apa madar mama yarɛ.

Yakubu 1:19

Madar mama kaka nkwaiyir mama yarɛ nam tǝ Yi yiɗɛ, ka gǝri zǝndi ǝni: Ka kǝlara ndɛ 'ya parau akwa ngati su, ama ta dzǝ ta ngwatiya ndǝrɛ ba ta ɗǝfari ta ngwatiya sǝwa,

Yakubu 1:2

Kǝtamɛ apǝri dzǝ sǝr kutsari, madar mama kaka nkwaiyir mama yarɛ, kǝlara sakatǝ bwanai ɓui tǝ gǝri,

Yakubu 2:1

Madar mana kaka nkwaiyir mana yarɛ, gǝri nam aka mbǝrsa akwa Thlakǝr muri nam ngga Yɛsu Kǝrsti, ta gǝri tsan pampamkur.

Yakubu 2:14

Mi dza ani paidari, madar mana kaka nkwaiyir mana yarɛ, ma ndɛ gha apǝri dzǝ aka hamnta dzǝri ama dzǝ adi ada tsanti tǝ 'ya kǝthlǝr wɛ? dzǝli hamnta dzǝri ǝni ata mǝzi ka mbati tǝni ya?

Yakubu 2:5

Siyamɛ thlǝma gǝri, madar mana ba nkwaiyir mana yarɛ nam tǝ Yi yiɗɛ: Hyal ta tsarba ndzǝ nam ngudi akwa ntsa ndzǝr dunya ni ka mǝrti tǝ dar bǝrba akwa hamnta dzǝri ba ka dar sǝm warta nǝr kuhyikur nam tǝ dzǝ 'ya alkawalari ala dzǝ nam ada yiɗɛ tǝni wɛ?

Yakubu 3:1

Madar mana kaka nkwaiyir mana yarɛ, ta hang akwa ntsa gǝri ta ndzai ndzǝr hyipɛ, kadǝbar gǝri zǝndi apǝri yar nam ada hyipǝ ni ndǝ ata siya 'ya ala yar haka nam dzau ta ndzǝ damwa yarɛ.

Yakubu 3:10

Tsu akwa nya duku ni antǝ hǝmɛ ba ngǝlɛ ada sǝba. Madar mana ba nkwaiyir mana yarɛ, adi kal-kal ka su ǝni 'ya apani wɛ.

Yakubu 4:11

Madar mama kaka nkwaiyir mama yarɛ, ta gǝri ta gha su kulɗa ata kǝma gǝri mai. Ndɛ nam ada gha su kulɗakur ata kǝra zǝrangǝri wala 'ya haka alari, dzǝ ada gha su kulɗa ba 'ya haka ala Mabari ni. Sakatǝ gɛ ada 'ya haka ala mabari ni, gɛ adai ada ɓǝla Mabari wɛ, ama gɛ ada ndzai ka 'ya haka alari.

Yakubu 5:12

Ama sǝ nam tara kwatsǝni sang su, madar mama kaka nkwaiyir mama yarɛ, ta gǝri ta mbǝrɛ mai—wala aka vui nam atahyal, wala aka dunya, wala aka kǝlara su damwa. Ngyar ka “Ar gǝri” ndzai a, ba “A'ár gǝri” ndzai a'a, ma adi ahani wɛ gǝri ata lǝkwa hakar Hyal.

Yakubu 5:19

Madar mana kaka nkwaiyir mana yarɛ, ma duku akwa ntsa gǝri kǝ pǝranta ka ngyar whalǝr dzǝrkur, ba ma ndǝ laka ɓakta si aka dza,