Yakubu 1:14 - Kibaku NT

¹⁴ Ama kǝlara ndɛ ada lǝkwa sǝr nkǝrti saka nam, atar sǝ kulɗa nam tǝ miyirni kari, ani ada ndǝru tǝni ka zǝɓati hankalari.

Yakubu 1:14 Iomraidhean Croise

Mata 15:18

Ama sǝ yarɛ nam ada sǝba akwa nya ada hyati akwa ɗǝfu, ba sǝ yarɛ ǝni ada mǝrti ndɛ ‘kura kǝtsǝkǝtsi.’

Mata 15:20

Sǝ yarɛ ǝni ani ada mǝrti ndɛ ‘kura kǝtsǝkǝtsi’; ama sǝm su kura kǝtsǝnta tsai adi ada mǝrti ndɛ ‘kura kǝtsǝkǝtsi’ wɛ.”

Mata 4:1

Antǝ Mambǝl ni ka mwari aka Yɛsu akwa ntaku akuya ka Satan nkǝrti tǝni.

Mata 5:28

Ama Yi ada gha ala gǝri apǝri kǝlara ndǝ nam tara wul mwala tǝ dzǝ mauti dzǝ kurtaka 'ya badawikur aka dza akwa ɗǝfari.

Ndzǝr Rauma 7:11

Akuya biku, tǝ dzǝ ɓui whalɛ nam tǝ tsau ni si akǝri, dzǝ zǝlanta tǝra, ba atar tsau ni vu tǝra akwa nti.

Ndzǝr Rauma 7:13

Sǝ nam ɗaku ni, dza, kǝ ndzai nti alai ya? Adi ata 'ya wɛ! Ama apǝri ka mur zǝndi biku dzǝ biku, dzǝ si aka nti akwa yɛ atar sǝ nam ɗaku, ani ka atar tsau ni biku ata ndzai biku wurwuri.

Ndzǝr Afisa 4:22

Ndǝ tsǝlɛ ala gǝri, ata kǝra whal ndzaiyir gǝri watsi, apǝri ka gǝri ngunta dzá gǝri nam halhali nǝr biku ni, nam tara sǝwatǝdzi atar sǝr zǝla nam tǝ dzɛ ada bara yarɛ;

Ndzǝr Ibrahim 3:13

Ama ka gǝri dǝnautsǝni kǝma gǝri tatang, har ma tsu “Asǝna,” ani ka ta ɗǝfa duku akwa ntsa gǝri ta 'ya ɓaɓal atar zǝlar biku.

Yakubu 1:13

Sakatǝ sǝr nkǝrti ɓui ndɛ, ta dzǝ ta nkǝrɛ apǝri, “Hyal ada hau tǝra akwa sǝr nkǝrti.” Akuya ndɛ adi awa mǝzi zǝgu Hyal akwa 'ya su kulɗa wɛ, wala dzǝ adi ada hau kǝlara ndɛ akwa sǝr nkǝrti wɛ;

Yakubu 1:15

Antǝ, aghǝla tǝ sǝ nam tǝ miyir ndɛ kari ni kǝtǝ hur, dzǝ yai biku; ba biku, sakatǝ dzǝ kǝlaba kǝli, dzǝ yai nti.