Yahuda 1:4 - Kibaku NT

⁴ Akuya ndzǝ laka nam tǝ ndǝ rǝbwai ata kǝra santadzǝr dar akwa saka nam tara kwatsǝni kǝ ngwara lǝkwa ntsa gǝri. Dar ndzǝ nam kura ada nu Hyal, dar palti ɗakur Hyalǝr muri ka ndzai whalɛ nǝr 'ya badawikur ba dar ada ɓwalnta nyar Yɛsu Kǝrsti dzǝ nam Ndǝr kǝiyir muri ba Thlakǝr muri.

Yahuda 1:4 Iomraidhean Croise

Mata 13:25

Ama sakatǝ ndzi akwa hanyi, antǝ dawarni ka si ka thlǝkau sizau akwa ntsa lǝkama ni ka ngwara tǝra.

Yawhana 17:3

Mpikɛ nam kura kurkuri ni ani zǝndi tǝngɛ, Hyal duku nam dzǝri, ba zǝndi Yɛsu Kǝrsti nam tǝ gǝ hyanti.

'Ya Su 11:23

Sakatǝ dzǝ si ka wula sǝr ɗakur Hyal ala ndzi, dzǝ nga sǝɗa ba dzǝ ka kǝgyǝ tǝ dar sang ka dar ndzai aka hamnta dzǝri ala Thlaku aka sanga ɗǝfa dar.

'Ya Su 15:24

Yar ngati apǝri ndzǝ yar laka akwa ntsa yar sǝba kura aka yiɗǝr yar ada damitsǝni tǝ gǝri, ba sǝwati hankala gǝri aka sǝ tǝ dar ada gha.

Ndzǝr Galatiya 2:4

Labar ni hyati kadǝbar madar mama nǝr hawi yar laka nam tara lǝkwa ɗǝwa-ɗǝwa, kadǝbar ka dar wulba asǝra mbulbadzǝr muri nam tǝ muri akǝri atar Yɛsu Kǝrsti, akuya vu tǝ muri akwa falikur sǝr 'yar Yahudi.

Ndzǝr Galatiya 5:13

Madar mama, gǝr wula ndǝ kǝga tǝ gǝri kadǝbar ɓui kǝr. Ama akwa ɓui kǝr gǝrni ta gǝri ta ɗǝnga apǝri kulini gǝri ata 'ya kǝlara sǝ nam kulɗa tǝ dzɛ ada bara. Ata vuiya ǝni, ka gǝr kǝthlǝr aka ɓui kǝr gǝrni ka gǝri mbana kǝma gǝri akwa yiɗǝdzi.

Ndzǝr Afisa 4:14

Antǝ muri tsu adi ata ɓakta ndzai apa madausai yarɛ wɛ, nam tǝ ndǝ ada zǝla alǝkǝma aka aghǝli atar sǝr tsǝlǝr dar yarɛ nam hawi atar masǝkukur ba dabariyir nǝr ndzi akwa whal zǝla ndǝr dar.

1 Timathlawus 5:8

Ma kǝlara ndǝ nam kura ada wulhǝ ndzǝrni, apamá yalǝrni nam ndang, dzǝ ngǝla hamnta dzǝri ba dzǝ kǝ ndzai kulɗa ta ndɛ nam kura aka mbǝrsa.

2 Timathlawus 2:12

Ma muri ɓati, muri ata 'ya kuhyikur kaka dza. Ma muri ngǝla tǝni, dzǝ yɛ dzǝ ata ngǝla tǝ muri;

2 Timathlawus 3:6

Dar ani ndzi yarɛ nam ada ngwarɛ alivi akwa kǝi yarɛ ata kǝra mwahyi yarɛ nam kura aka ɗǝfu, nam tǝ biku yarɛ kurtaka tsani tǝ dar ba dar ka pǝranta atar sanga dzǝli mau sǝ yarɛ nam kulɗa.

1 Bitrusu 2:16

Ndziyamɛ apa kambɛ, ama ta gǝr ta kǝtǝ kambǝkur gǝri ka mbu su kulɗa akǝri; ndziyamɛ apa madar kǝiyir Hyal.

1 Bitrusu 2:8

ba tsuwɛ, “Payar mbuthlǝlɛ, ba nǝr hau ndǝ ka dla.” Dar mbuthlǝlɛ kadǝbar dar ta hamnta kǝr ala labar Hyal wɛ, ani sǝ nam tǝ ndǝ thlakǝr ala dzǝ nam kura ata mbǝrsa.

1 Bitrusu 4:18

Apa tǝ Labar Hyal nkǝrɛ, “Ma apǝri ata ndzai dzau ala ndzǝ nam ada 'ya su kal-kal tǝ dar ata ɓui mbatǝdzi, mǝni ata ɓui ndzǝ kura ada ndzai nǝr Hyalkur ba ndzǝr biku?”

2 Bitrusu 2:10

Hakar Hyal ata 'ya dzau apamá ala ndzǝ nam ada nu mau sǝr kalalamkur nam tǝ dzǝr biku ada bara ba dar ada rutsǝni ndzǝ nam akwa kuhyikur. Dar aka kǝngkur, malǝmǝr hawi yarɛ ni dar adi ada hyivǝr ngǝngǝl sǝ yarɛ nam aka mpikǝ nam aka nggakur atahyal wɛ.

2 Bitrusu 2:7

ba ma Hyal mbuli Lutu, dzǝ nam ndɛ kal-kal, dzǝ nam tara lǝkwa damitsǝnidzi ata nyar ndzai kalalamkur nam tǝ ndzǝ kura ada nu mabariyir Hyal ada 'ya

2 Bitrusu 3:7

Tsu atar labarǝr Hyal ǝnda tǝ dzǝ vi atahyal yarɛ ba dunya ǝni nam adai kulini ni akuya ka u'u, tǝ dzǝ vi tǝ dar akuya ka vǝr haka ba vǝr santadzǝr ndzǝ nam kura ada ndzai nǝr Hyalkur.

1 Yawhana 2:22

Wa dza ndǝr hawi ni? Dzǝ ani ndǝ nam tara ɓwalnta nya apǝri Yɛsu adi ani Kǝrsti wɛ. Dzǝli ndǝ ni ani dǝgunmar Kǝrsti—dzǝ ɓwalnyar zǝndi Tada ni ba Zǝr ni.

Yahuda 1:15

tǝ dar ata 'ya haka ata kǝra sanga ndzi, ba dar ata ngǝti sanga ndzǝ nam kura ada ndzai nǝr Hyalkur aka aibaiyir 'ya sǝ kura nǝr Hyalkur nam tǝ dar 'ya, ba aibaiyir sanga labar yarɛ nam dzau tǝ ndzǝr biku nam kura ada ndzai nǝr Hyalkur tara gha ata kǝrari.”

Yahuda 1:18

Dar nkǝrɛ ala gǝri, “Akwa saka yarɛ nǝr dǝnta ndzǝr kǝli ata ndɛ ata siya sǝba, nam tǝ dar ata nu sǝ nam kura nǝr Hyalkur.”

Wulsu 15:4

Wa ani kura awa hyivǝr tǝngɛ, Ya Thlaku, Ba si aka nggakur ala thlǝma gɛ? Akuya gǝ duku ani kartǝ. Sanga dai yarɛ ata si ka vǝkǝr sǝlai akǝma gɛ, akuya 'ya sǝr ngɛ nam kal-kal kǝ sǝba ata babal.”