Yahuda 1:3 - Kibaku NT

³ Pazi yarɛ nam tǝ Yi yiɗɛ, wala tǝ Yi dzala ka Yi rǝbwa ala gǝri ata kǝra mbatǝdzi ni nam tǝ muri akǝri, ama kǝ ndzai ntsakǝr ka Yi rǝbwa ala gǝri ka Yi dǝnautsǝni tǝ gǝri ka gǝri mpaba mpa akuya hamnta dzǝri ni nam ka duku ɗiɗi ala ndzǝ sang tǝ Hyal hau akwa tsiya ndzǝr Hyal yarɛ.

Yahuda 1:3 Iomraidhean Croise

'Ya Su 17:3

Dzǝ ka tsǝba ba tsanǝba apǝri kǝ ndzai ntsakǝr Kǝrsti ata ɗar bwanai ba hyati akwa ntǝnti. Dzǝ nkǝrɛ, “Yɛsu ǝni tǝ Yi ada ndǝrɛ ala gǝri ata kǝrni dza ani Kǝrsti.”

'Ya Su 18:28

Akuya dzǝ ɓwalnya dzau kaka ndzǝr Yahudi akwa ntsa ndzi ba dzǝ tsanti ala dar akwa Labar Hyal apǝri Yɛsu dzǝ ani Kǝrsti.

'Ya Su 20:27

Akuya Yi ta ɗǝwar ta ghaba ala gǝri sanga sǝ nam tǝ Hyal ada bara wɛ.

'Ya Su 28:28

“Kadǝbar ǝni Yi ada bara ka gǝri zǝndi apǝri mbatǝdzǝr Hyal ndǝ hyanti ala ndzǝ kura Yahudi, ba dar ata si thlǝmɛ!” [

'Ya Su 4:12

Yɛsu ɗiɗi dza ani aka dǝnar mbati! Thlǝmari duku ɗiɗi akwa sanga dunya nam ata mbati kǝlara ndɛ.”

'Ya Su 6:7

Ani ndǝrǝr Hyal lǝkǝma aka kikilntadzi. Hangkur ndzǝr nuwɛ akwa Ursalima dzaktǝdzi hang dzǝr dzǝri, ba hanga fǝrist yarɛ mbǝrsa aka Thlaku.

'Ya Su 9:13

Hananiya ka sǝnau, “Thlaku, ndzǝ hang nkǝrɛ alai ata kǝra ndǝ ni ba ata kǝra sanga sǝ nam kulɗa tǝ dzǝ 'yati ala ndzǝr ngɛ akwa Ursalima.

'Ya Su 9:22

Ama nkǝr labarǝr Sawulu ada dzakdzakǝi aka dǝna, ba ndzǝr Yahudi nam akwa Damaskus, dar ta mǝzi ngǝla tsanǝbarni apǝri Yɛsu ani Kǝrsti ni.

1 Ndzǝr Kwaranti 15:3

Akuya sǝ nam tǝ Yi dlutsi ani tǝ Yi hamnta ala gǝri nam aka paida tangkǝma: apǝri Kǝrsti nti akuya ka bikǝr muri apa tǝ Labar Hyal gha,

Ndzǝr Galatiya 2:5

Yar ta sǝntá kǝma ala dar wala nkyiɗu wɛ, kadǝbar dzǝrkur ndǝrǝr Hyal nam sǝɗa ka dzǝ ndzai ala gǝri.

Ndzǝr Galatiya 3:28

Akuya ǝni ma apǝri ndǝr Yahudi wala ndǝ kura Yahudi, fali wala kambɛ, sal wala mwala, Sang gǝri duku nǝr Kǝrsti Yɛsu.

Ndzǝr Galatiya 6:11

Wulamɛ dzǝli rǝbwa nam ngga-ngga tǝ Yi ada rǝbwa ala gǝri aka tsiyawai!

Ndzǝr Afisa 1:1

Kakadu ǝni hyati aka Bulusu, ndǝr hyar Kǝrsti Yɛsu aka barar Hyal. Yi ada rǝbwa ala ndzǝr Hyal nam akwa Afisa, ndzǝ nam aka dzǝrkur akwa Kǝrsti Yɛsu.

Ndzǝr Filibi 1:1

Kakadu ni hyati aka Bulusu ba Timathlawus, madar kǝiyir Kǝrsti Yɛsu, ada hyanti thlawardzi. Yar ada rǝbwa ala sanga ndzǝr Hyal atar hamnta dzǝri akwa Kǝrsti Yɛsu, nam akwa Filibi, sang kaka ndzǝ ngganggar ikǝlizǝya ba ndzǝr mbana.

Ndzǝr Filibi 1:27

Kǝlara sǝ nam tara 'ya, dzǝkutamɛ ndzaiyir gǝri akwa whal nam tara 'ya kal-kal aka ndǝrǝr Hyal nam sǝɗa nǝr Kǝrsti. Antǝ, wala ma Yi si ka wula tǝ gǝri wala ɗiɗi ngati su ata kǝra gǝri kura Yi akwa ntsa gǝri, Yi ata zǝndi apǝri gǝri ada hyati aka dǝna akwa mambǝlɛ, tǝ gǝri ada gha su apa ndǝ duku akuya ka hamnta dzǝri nǝr ndǝrǝr Hyal nam sǝɗa

Ndzǝr Kwalausi 1:2

Yi ada rǝbwa ala sanga ndzǝr Hyal nam aka dzǝrkur madar mama kaka nkwaiyir mama yarɛ nam akwa Kwalausi tara paktsǝnidzi akwa Kǝrsti. Ka Hyal Tada muri la gǝri ɗakur Hyal ba ndzai lapiyakur.

1 Ndzǝr Tasalaunika 2:2

Yar kǝ ɗar bwanai akwa tara kwatsǝni ba ngǝngǝlɛ akwa Filibi, apa tǝ gǝri zǝndi, ama Hyal la yar mbwai ɗǝfu ka yar nkǝr ala gǝri labarǝrni nam sǝɗa ata babal, wala apani ndzǝ hang hau tǝ yar akwa bwanai.

1 Timathlawus 1:18

Timathlawus, zǝrna, Yi la gɛ gala ǝni tsu apa ndǝrǝr nabi yarɛ nam tara nkǝrɛ ata kǝra gɛ, ani ka atar nu ndǝrɛ yarni gɛ ata mpai mpa nam ɗaku.

1 Timathlawus 6:12

Ka gǝ mpai mpa nam ɗaku nǝr hamnta dzǝri ni. Ka gǝ ngǝzi mpikǝ nam kura kurkuri ni, nam tǝ ndǝ tara kǝga tǝngɛ kari ba ata kǝrari tǝ gǝ tara nkǝrba sǝ nam ɗaku aka nya gɛ akǝma sakǝida yarɛ hang.

2 Timathlawus 1:13

Sǝ nam tǝ gǝ ngati akai, ka gǝ ngǝzi dzǝ ani whalɛ nǝr hyipǝ sǝ dzǝri, aka hamnta dzǝri ba yiɗǝdzi akwa Kǝrsti Yɛsu.

Taitus 1:4

Yi ada rǝbwa ala Taitus, zǝrna nam dzǝri atar hamnta dzǝri nam tǝ sanga muri akǝri. Ka Hyal Tada ni ba Kǝrsti Yɛsu Ndǝr Mbati tǝ muri la gǝri ɗakur ba ndzai lapiyakur.

Ndzǝr Ibrahim 13:22

Madar mama yarɛ, Yi ada kǝgyǝ tǝ gǝri ka gǝr ɓati labar galarna, akuya Yi rǝbwai ala gǝri kakadu nkusu laka ɗiɗi.

Ndzǝr Ibrahim 6:9

Wala tǝ yar ada ndǝrɛ ahani, pazi yarɛ nam tǝ yar yiɗɛ, yar aka mbǝrsa nǝr sǝ yarɛ nam ɗaku ala gǝri—sǝ yarɛ nam vwam kaka mbatǝdzi.

1 Bitrusu 5:12

Yi rǝbwa ala gǝri kakadu ni nkyiɗu laka ni aka mbanar zǝr mama Silvanus nam aka dzǝrkur. Yi rǝbwa ala gǝri ka dǝnautsǝni tǝ gǝri ka Yi sakǝidatsǝni apǝri ǝnǝni ani hamntar Hyal nam dzǝri. Hyatamɛ ɓaɓal akwa ǝni.

2 Bitrusu 1:1

Kakadu ni hyati aka Simaun Bitrusu, zǝr kǝi ba ndǝr hya nǝr Yɛsu Kǝrsti. Yi ada rǝbwa ala ndzǝ nam atar kalkalkur Hyalǝr muri ba Ndǝr Mbati Yɛsu Kǝrsti dar dlutsi hamnta dzǝri nam aka paida apa nǝmuri.

2 Bitrusu 2:21

Akuya kudzǝ ala dar ma kura dar ta zǝndi whalǝr ndzai kalkalkur ni, ta tǝ dar awa zǝndi ba dar mbaldzǝhǝi ka ngyar whalɛ nǝr ndzai kalkalkur ni nam tǝ Hyal la dar.

Yahuda 1:1

Kakadu ni hyati aka Yahuda, zǝr kǝiyir Yɛsu Kǝrsti ba zǝrangǝri Yakubu. Yi ada rǝbwa ala ndzǝ nam tǝ Hyal tara kǝga, ndzǝ nam tǝ Hyal Tada ni tara yiɗɛ ba Hyal ɗǝwar tǝ dar ala Yɛsu Kǝrsti.

Yahuda 1:17

Ama, pazi yarɛ nam tǝ Yi yiɗɛ, ka gǝri ɗǝngati sǝ nam tǝ ndzǝr hyar Thlakǝr muri Yɛsu Kǝrsti yarɛ tara gha akwa saka nam tara kwatsǝni.

Yahuda 1:20

Ama gǝri, pazi yarɛ nam tǝ Yi yiɗɛ, ka gǝri kǝla kǝr gǝri akwa hamnta dzǝrǝr gǝri nǝr Hyal ba ka gǝri 'ya aduwa akwa Mambǝl Kartǝ.

Wulsu 12:11

Dar sǝmkǝr ata kǝrari atar masǝr Zǝr Agam ba atar labar nam tǝ dar sakǝidatsǝni; dar ta yiɗǝ mpika dar tǝ dar awa hyivǝr ntǝ wɛ.

Wulsu 2:10

Ta gǝri ta hyivǝr ata kǝra sǝ nam tǝ gǝri angwada ɗar bwanai ata kǝri. Yi gha ala gǝri, Satan ata pu ndzǝ laka akwa ntsa gǝri akwa fǝrsǝna ka nkǝrti tǝ gǝri, ba gǝri ata ɗar bwanai nǝr vǝr kumɛ. Ndzai aka dzǝrkur, har ka la nti, ba Yɛ ata la gǝri aliyapǝr mpikɛ.