Yahuda 1:25 - Kibaku NT

²⁵ ka nggakur, ɓwalkur, dǝna, ba wada, ndzai ala Hyal nam duku ngyalang, Ndǝr Mbati tǝ muri, atar Yɛsu Kǝrsti Thlakǝr muri, kǝmata zaman yarɛ sang, kulini ba kura kurkuri! Apani.

Yahuda 1:25 Iomraidhean Croise

Mata 6:13

Ba ta gǝ ta mwari aka yar akwa vui nkǝrti, ama ka gǝ mbuli tǝ yar akwa tsiya ndǝ kulɗa.’

Luka 1:47

ba mambǝlǝrna ada kutsari akwa Hyal Ndǝr Mbati tǝra,

Yawhana 4:22

Gǝri ndzǝr Samariya gǝri ada vǝkǝr sǝlai ala sǝ nam kura gǝri ta zǝndi; yar ada vǝkǝr sǝlai ala sǝ nam tǝ yar zǝndi, akuya ka mbatǝdzi si atar ndzǝr Yahudi.

Yawhana 5:44

Kasa mǝmi tǝ gǝri awa mbǝrsa gǝr nam ada dlu hǝmɛ aka kǝma gǝri, ama hǝmɛ nam adzǝ Hyal duku ni, gǝri adi ada bara wɛ?

Ndzǝr Rauma 11:33

Mǝmi nggakur bǝrbakur Hyal ba bǝrkawakur ba zǝndi sǝrni! Adi awa mǝzi ka 'ya tǝ ndǝ laka awa ngaba 'ya hakarni yarɛ, ba whalǝrni yarɛ kwatsǝni tǝ ndɛ awa nuba!

Ndzǝr Rauma 11:36

Akuya akari ba atarni ba alari sanga sǝ yarɛ. Nggakur ndzai alari kura kurkuri! Apani.

Ndzǝr Rauma 16:27

ala Hyal dzǝ nam duku aka sanga bǝrkawakur ka nggakur ndzai alari nam kura kurkuri atar Yɛsu Kǝrsti! Apani.

Ndzǝr Afisa 1:8

nam tǝ dzǝ pukǝr ala muri aka sanga bǝrkawakur ba ngaba su.

Ndzǝr Afisa 3:10

Sǝ nam tǝ Hyal ada bara kulini ani, atar ikǝlizǝya, ka ndǝ nkǝrnta bǝrkawakur Hyal nam pam-pam hang ni ala ndzǝr kuhyi yarɛ ba ndzǝr wada nam atahyal.

Ndzǝr Afisa 3:21

ka nggakur ndzai alari akwa ikǝlizǝya ba akwa Kǝrsti Yɛsu akwa sanga zaman yarɛ, kura kurkuri! Apani.

1 Timathlawus 1:17

Kulini ala kuhyi kura kurkuri ni, kura nti ni, kura ada wuladzi ni, Hyal duku ni, kǝ ndzai hǝmɛ ba nggakur har kura kurkuri. Apani.

1 Timathlawus 2:3

Əni ni ɗaku, ba ada panyi ɗǝfa Hyal Ndǝr Mbati tǝ muri,

Taitus 2:10

ba ta dar ta hǝlɛ ala dar, ama ka dar tsanti apǝri ndɛ ata mbǝrsa aka dar, ani ka akwa kǝlara whalɛ dar ata mǝrti hyipǝ sǝ nam ata kǝra Hyal Ndǝr Mbati tǝ muri tǝ ndǝ ada bara.

Taitus 2:13

Akwa sakatǝ muri ada sǝkǝ tǝmatsǝni nam aka barka ni—siyir Hyalǝr muri nam ngga ba Ndǝr Mbati, Yɛsu Kǝrsti,

Taitus 3:4

Ama, sakatǝ Hyal Ndǝr Mbati tǝ muri tsanti hankalkur ba yiɗǝdzǝrni,

Ndzǝr Ibrahim 13:8

Yɛsu Kǝrsti dzǝ adi ada palidzi wɛ dzǝ tsu apa nagha ba asǝna ba kura kurkuri.

1 Bitrusu 4:11

Ma apǝri gɛ aka hamntar nkǝr labar, nkǝr labar nam tara sǝba akwa nya Hyal. Ma apǝri gɛ aka hamntar mbana ndzi, 'ya aka dǝna nam tǝ Hyal la gɛ, ani ka sanga su ka ndǝ 'ya akwa whal nam ata si aka hǝmɛ ala Hyal atar Yɛsu Kǝrsti. Ka nggakur nam ɗawurwur, ba dǝna ndzai Nǝni kura kurkuri! Apani.

2 Bitrusu 1:1

Kakadu ni hyati aka Simaun Bitrusu, zǝr kǝi ba ndǝr hya nǝr Yɛsu Kǝrsti. Yi ada rǝbwa ala ndzǝ nam atar kalkalkur Hyalǝr muri ba Ndǝr Mbati Yɛsu Kǝrsti dar dlutsi hamnta dzǝri nam aka paida apa nǝmuri.

2 Bitrusu 3:18

Ama ka gǝr kǝlí akwa ɗakur Hyal ba zǝndi Thlakǝr muri ba Ndǝr Mbati Yɛsu Kǝrsti. Nggakur ndzai alari kulini ka la kura kurkuri! Apani.

Wulsu 1:6

ba dzǝ mǝrti tǝ muri ka muri 'ya kuhyikur ba fǝrist ka kǝthlǝr ala Hyal Tada—nggakur ka dzǝ ndzai alari ba dǝna nam kura awa kurkuri! Apani.