Yahuda 1:18 - Kibaku NT

¹⁸ Dar nkǝrɛ ala gǝri, “Akwa saka yarɛ nǝr dǝnta ndzǝr kǝli ata ndɛ ata siya sǝba, nam tǝ dar ata nu sǝ nam kura nǝr Hyalkur.”

Yahuda 1:18 Iomraidhean Croise

'Ya Su 20:29

Yi zǝndi apǝri aghǝla ma Yi tǝra, kǝyar ntaku nam kulɗa ata si akwa ntsa gǝri ba dzǝ adi ata ngyar bǝri ni wɛ.

2 Timathlawus 3:13

ama ndzǝ kulɗa ba ndzǝ nam ada kǝtǝ kǝr dar apǝri dar su ama dar adi mima wɛ dar ata lǝkǝma aka 'ya kulɗa ba kulɗa ta sang, dar ada lǝkǝma aka zǝla ndzi ba ndzi ada zǝla tǝ dar.

2 Timathlawus 4:3

Akuya saka ata si nam kura ndzi tsu awa ɓati ka dlu sǝr hyipǝ nam dzǝri. Ata vuiya ǝni, akuya ka sǝ nam tǝ dar ada mauwɛ, dar ata tsaɓtsǝni ndzǝr hyipǝ yarɛ ala kǝr dar ka nkǝr sǝ nam tǝ thlǝma dar ada ɓǝɓa ka ngati.

2 Bitrusu 2:1

Ama nabi yarɛ nǝr hawi Yi adai akwa ntsa ndzi, tsu apa tǝ malǝmǝr hawi yarɛ akwa ntsa gǝri. Akwa ɗǝwa-ɗǝwa dar ata hau akwa ntsa gǝri sǝr tsǝlɛ yarɛ nam nǝr santa ndɛ, wala tǝ dar ata ngǝla Thlaku nam tara ɗǝlba tǝ dar—tǝ dar ada si aka santadzi bǝtu-bǝtu ata kǝra kǝr dar.

2 Bitrusu 2:10

Hakar Hyal ata 'ya dzau apamá ala ndzǝ nam ada nu mau sǝr kalalamkur nam tǝ dzǝr biku ada bara ba dar ada rutsǝni ndzǝ nam akwa kuhyikur. Dar aka kǝngkur, malǝmǝr hawi yarɛ ni dar adi ada hyivǝr ngǝngǝl sǝ yarɛ nam aka mpikǝ nam aka nggakur atahyal wɛ.

2 Bitrusu 3:3

Tangkǝma, kǝ ndzai ntsakǝr ka gǝr zǝndi apǝri akwa vǝri yarɛ nǝr dǝnta, ndzǝr kǝli ata sǝba, tǝ dar ata 'ya kǝli ba dar ada nu sǝ kulɗa nam tǝ ɗǝfa dar ada bara.

Yahuda 1:16

Ndzǝ ǝni yarɛ ni dar ndzǝr whuhuni, ba dar ndzǝr vǝ aibai ata ndɛ; dar ada nu sǝ kulɗa nam tǝ ɗǝfa dar ada bara; dar ada agula tǝ kǝr dar ba dar ada hǝm ndzǝ damwa akuya ka dar ɓui sǝ nam tǝ dar ada bara.

Yahuda 1:4

Akuya ndzǝ laka nam tǝ ndǝ rǝbwai ata kǝra santadzǝr dar akwa saka nam tara kwatsǝni kǝ ngwara lǝkwa ntsa gǝri. Dar ndzǝ nam kura ada nu Hyal, dar palti ɗakur Hyalǝr muri ka ndzai whalɛ nǝr 'ya badawikur ba dar ada ɓwalnta nyar Yɛsu Kǝrsti dzǝ nam Ndǝr kǝiyir muri ba Thlakǝr muri.