Yahuda 1:16 - Kibaku NT

¹⁶ Ndzǝ ǝni yarɛ ni dar ndzǝr whuhuni, ba dar ndzǝr vǝ aibai ata ndɛ; dar ada nu sǝ kulɗa nam tǝ ɗǝfa dar ada bara; dar ada agula tǝ kǝr dar ba dar ada hǝm ndzǝ damwa akuya ka dar ɓui sǝ nam tǝ dar ada bara.

Yahuda 1:16 Iomraidhean Croise

Luka 15:2

Ama ndzǝr Farisi kaka malǝmǝr mabari yarni, ka baditsǝni whuwhuni tǝ dar ada nkǝrɛ apǝri, “Ndǝ ni, dzǝ ada dlu ndzǝr biku yarɛ har ma dar ada sǝm sǝr sǝmɛ atakǝmaduku!”

Luka 19:7

Sanga ndzi wula sǝ ǝni tǝ dar ka baditsǝni whuwhuni, “Dzǝ tǝra ka lǝka ndzai mǝthlǝɓiyir ndǝr ‘biku.’ ”

Luka 5:30

Ama ndzǝr Farisi kaka malǝmǝr mabari yarni nam nǝdar dar ada whuwhuni ala ndzǝr nuwur Yɛsu ada nkǝrɛ, “Akuya kami tǝ gǝri ada sǝm ka sa atakǝmaduku kaka ndzǝr dlu tsǝmɛ ba ndzǝr biku yarɛ?”

Yawhana 6:41

Kadǝbar ǝni ndzǝr Yahudi baditsǝni whuwhuni ata kǝrari, kadǝbar dzǝ nkǝrɛ, “Yi ani mantsǝkǝl nam tara hyati atahyal.”

Yawhana 6:61

Yɛsu zǝndi akwa ɗǝfari apǝri ndzǝr nuwurni ada whuwhuni ata kǝra sǝ ǝni. Antǝ dzǝ ka nkǝrɛ ala dar, “Əni ani sǝ nam tara ndzai ala gǝri sǝr mbuthlǝlɛ ya?

1 Ndzǝr Kwaranti 10:10

Ba ta gǝr ta huhuni, apa tǝ nakuma dar 'ya—ba ndǝr hyantǝr Hyal tǝ dzǝ hya, ka kurnta tǝ dar.

Ndzǝr Galatiya 5:16

Əni ani tsawurna ala gǝri, ka gǝri ndzai aka nu Mambǝlǝr Hyal, adi apǝri gǝri ata nu kǝlara sǝ nam kulɗa tǝ dzɛ ada bara wɛ.

Ndzǝr Galatiya 5:24

Ndzǝ nam tara mbǝrsa akwa Kǝrsti Yɛsu, dar kukwanta sǝ nam kulɗa tǝ dzɛ ada bara, kaka ɗǝngar yiɗǝ kǝrkur. Antǝ dar adi ata 'ya dzǝli sǝ yarni wɛ.

Ndzǝr Filibi 2:14

Ka gǝri 'ya sanga su kura aka huhuni wala ɓwalnya,

1 Ndzǝr Tasalaunika 4:5

ama adi ata whal nǝr ghyǝmburkur wɛ, apa dzǝli tǝ ndzǝ nam kura aka hamnta dzǝri ada 'ya, ndzǝ nam kura ata zǝndi Hyal.

1 Timathlawus 6:5

ba ɓwalnya kǝlara saka akwa ntsa ndzǝ nam tǝ hankala dar sǝwatǝdzi, ndzǝ nam kura tsu aka dzǝrkur ni ba dar ada ɗǝnga apǝri nu Hyal kǝ ndzai whal ɓui kwapa.

2 Timathlawus 4:3

Akuya saka ata si nam kura ndzi tsu awa ɓati ka dlu sǝr hyipǝ nam dzǝri. Ata vuiya ǝni, akuya ka sǝ nam tǝ dar ada mauwɛ, dar ata tsaɓtsǝni ndzǝr hyipǝ yarɛ ala kǝr dar ka nkǝr sǝ nam tǝ thlǝma dar ada ɓǝɓa ka ngati.

1 Bitrusu 1:14

Ka gǝri ndzai apa madar Hyal nam ada hamnta kǝr, ta gǝri ta nu barar gǝri nam kulɗa nam watsi akwa sakatǝ gǝri bǝlku.

1 Bitrusu 2:11

Pazǝrna yarɛ nam tǝ Yi yiɗɛ, Yi ada gala tǝ gǝri, apa tǝ gǝri ndzǝ si-si ba mǝthlǝɓi akwa dunya ni, ta gǝr ta yiɗɛ mau su kulɗa-kulɗa nam ada mpa aka sangura gǝri.

1 Bitrusu 4:2

Antǝ gǝri ata kurai mambiya ndzaiyir gǝri akwa dunya, kura gǝr awa nu 'ya sǝr ndzǝ kulɗa-kulɗa, ama 'ya sǝ nam tǝ Hyal ada bara.

2 Bitrusu 2:10

Hakar Hyal ata 'ya dzau apamá ala ndzǝ nam ada nu mau sǝr kalalamkur nam tǝ dzǝr biku ada bara ba dar ada rutsǝni ndzǝ nam akwa kuhyikur. Dar aka kǝngkur, malǝmǝr hawi yarɛ ni dar adi ada hyivǝr ngǝngǝl sǝ yarɛ nam aka mpikǝ nam aka nggakur atahyal wɛ.

2 Bitrusu 2:18

Akuya dar ada agula ɓǝrtu, ba dar ada ndǝrhǝi hankala ndzi atar mau sǝr dzǝr biku, ndǝ zǝlanta tǝ dar alǝkwa ndzaiyir biku; ndzǝ nam tara hata ɓui mbulbadzi akwa ntsa ndzǝr 'ya biku.

2 Bitrusu 3:3

Tangkǝma, kǝ ndzai ntsakǝr ka gǝr zǝndi apǝri akwa vǝri yarɛ nǝr dǝnta, ndzǝr kǝli ata sǝba, tǝ dar ata 'ya kǝli ba dar ada nu sǝ kulɗa nam tǝ ɗǝfa dar ada bara.

Yahuda 1:15

tǝ dar ata 'ya haka ata kǝra sanga ndzi, ba dar ata ngǝti sanga ndzǝ nam kura ada ndzai nǝr Hyalkur aka aibaiyir 'ya sǝ kura nǝr Hyalkur nam tǝ dar 'ya, ba aibaiyir sanga labar yarɛ nam dzau tǝ ndzǝr biku nam kura ada ndzai nǝr Hyalkur tara gha ata kǝrari.”

Yahuda 1:18

Dar nkǝrɛ ala gǝri, “Akwa saka yarɛ nǝr dǝnta ndzǝr kǝli ata ndɛ ata siya sǝba, nam tǝ dar ata nu sǝ nam kura nǝr Hyalkur.”