Wulsu 9:1 - Kibaku NT

¹ Ndǝr hyantǝr Hyal nǝr ntufukur mbǝr tǝmbǝlǝrni ni, ba Yi wula tsambiya ata dai nam tara ɗi atahyal. Tsambiya ni ndǝ lar tsǝkuramǝr mbur nya Kau nam Dzǝgam ni.

Wulsu 9:1 Iomraidhean Croise

Luka 10:18

Yɛsu ka sǝnau ala dar, “Yi wula Satan tara ɗǝghǝl atahyal apa makǝi.

Luka 8:31

Ba mambǝl yarɛ nam kulɗa ni ka kǝgyǝ tǝni atakǝr-atakǝr apǝri, ta dzǝ ta tsau ala dar ka dar pudzi akwa Kau nam Dzǝgam ni mai.

Ndzǝr Rauma 10:7

“kǝna ‘Wa ani awa mwari alǝghǝl akwa kau?’ ” (ǝnda ani, ka sǝba aka Kǝrsti akwa ntǝnti).

Wulsu 1:18

Yi dza ani ndǝ nam aka mpikɛ; Yi nti, ama nda kulini Yi aka mpikǝ nam kura awa kurkuri! Ba Yi ngǝzi tsǝkuram yarɛ nǝr nti ba vui ndzaiyir ndzǝ ntǝnti.

Wulsu 1:20

Ɗzǝr ɗǝwa-ɗǝwa nǝr tsambiya yarɛ murfwɛ nam tǝ gǝ wula akwa tsisǝmawai ba thlǝmthlǝmǝr dinar murfwɛ nǝr hai pitǝla yarni ani ǝni: Tsambiya yarɛ murfwɛ ni ani ndzǝr hyantǝr Hyal nǝr ikǝlizǝya yarɛ murfwɛ, ba thlǝmthlǝmǝr dinar murfwɛ nǝr hai pitǝla yarɛ ni ani ikǝlizǝya yarɛ murfwɛ ni.”

Wulsu 11:7

Kulini sakatǝ dar kurai nkǝr sǝr dar, mawi kulɗa ni nam tara sǝba akwa Kau nam Dzǝgam nda ata ɗǝkǝr ala dar, ka kwatsǝni dǝnar dar ka tsi tǝ dar.

Wulsu 17:8

Mawi kulɗa ni, nam tǝ gǝ wula, watsi dzǝ adai, ama kulini dzǝ adi wɛ, ba dzǝ ata sǝba akwa Kau nam Dzǝgam ni ka mwari akwa vui santadzǝr ni. Ndzǝ nam ada ndzai akwa dunya ni nam kura thlǝma dar rǝbwa-rǝbwa akwa kakadǝr mpikɛ tǝng tǝ ndǝ hǝnti dunya dar ata ndatǝdzi sakatǝ dar wula mawi ni, kadǝbar watsi dzǝ adai, ama kulini dzǝ adi wɛ, ba wala ahani dzǝ ata si.

Wulsu 20:1

Ba Yi ka wula ndǝr hyantǝr Hyal ada sǝgǝl atahyal, dzǝ aka tsǝkuramǝr Kau nam Dzǝgam, ba dzǝ ngǝzi tsalala nam ngga akwa tsiyari.

Wulsu 20:10

Ba Satan, nam tara zǝlanta tǝ dar, ndǝ ɗalu tǝni akwa mandar u'u ada mba aka kagǝlar barudu, vui nam tǝ ndǝ tara ɗalu mawi kulɗa ni ba nabiyir hawiyir ni akwa. Dar ata ɗar bwanai vǝri aka tsǝtsi kura kurkuri.

Wulsu 6:13

ba tsambiya yarɛ nam atahyal pughǝldzi ata dai, apa tǝ kanda ada punta madar ma sambar padɛ aka dǝna.

Wulsu 8:10

Ndǝr hyantǝr Hyal nǝr makǝrkur mbǝr tǝmbǝlǝrni ni, ba tsambiya nam ngga, ada mba apa tautsi, ɗi atahyal ata kǝra bwa makǝrkur nǝr kyagha yarɛ ba ata kǝra whal whuyir yimi yarɛ.

Wulsu 8:12

Ndǝr hyantǝr Hyal nǝr fwaɗukur mbǝr tǝmbǝlǝrni ni, ba ndǝ tsa bwa makǝrkur nǝr tsǝtsi, bwa makǝrkur nǝr hya, ba bwa makǝrkur nǝr tsambiya yarɛ, ani ka bwa makǝrkur dar 'ya kuthlɛ. Bwa makǝrkur nǝr tsǝtsi tsu adi aka paraku wɛ, ba bwa makǝrkur nǝr vǝri yɛ.

Wulsu 8:2

Ba Yi wula ndzǝr hyantǝr Hyal murfwǝ ni nam ada hyati akǝma Hyal, ba ndǝ la dar tǝmbǝlɛ murfwɛ.

Wulsu 9:2

Sakatǝ dzǝ mburnta Kau nam Dzǝgam ni, i'yar sǝba akwa apa i'yar vui dlɛ nam ngga. Tsǝtsi aka dzahyal 'ya mǝngǝl tǝ i'yar Kau dzǝgam ni.