Wulsu 8:3 - Kibaku NT

³ Ndǝr hyantǝr Hyal damwa, nam aka ntasar sǝ sǝwur nǝr dinar, si ka hyati akǝma muɓwɛ. Ndǝ lari sǝ sǝwur hang ka dzǝ hamnta, kaka aduwar sanga ndzǝr Hyal, ata muɓur dinar akǝma dǝgǝl kuhyikur.

Wulsu 8:3 Iomraidhean Croise

Luka 1:10

Ba sakatǝ sakar mba sǝ sǝwur 'ya, sanga hangkur ndzǝ nam abǝla ata kǝra 'ya aduwa.

Ndzǝr Rauma 8:34

Wa ani ada thlakǝr haka ala ndɛ? Kǝrsti Yɛsu, nam tara nti—ɓwalta ǝnda, dzǝ nam tara hyati aka mpikɛ—dzǝ ata bwa tsisǝma Hyal ba dzǝ ada 'ya kǝgyɛ aka Hyal ata nyar muri yɛ.

Ndzǝr Ibrahim 7:25

Kadǝbar ǝni dzǝ ada mǝzi ka mbatǝ ndzǝ nam tara si adzǝ Hyal atarni kadukurau kǝlara saka, kadǝbar kǝlara saka dzǝ ada ndǝrɛ ala Hyal ata nyar dar.

Ndzǝr Ibrahim 9:4

nam tǝ muɓur dinar nǝr sǝ sǝwur ba ɗakwatiyir sǝ mbwa-mbwa tǝ ndǝ mbui aka dinar. Akwa ɗakwati ni gǝlam tǝ ndǝ 'ya aka dinar tǝ mana akwa, zuwar Haruna nam tara ɗǝɗa nda, ba whuwahumǝr paya yarɛ nǝr sǝ mbwa-mbwa ni akwa.

Wulsu 10:1

Antǝ Yi wula ndǝr hyantǝr Hyal nam aka dǝna ada sǝgǝl atahyal. Ndǝ karaptsǝni tǝni aka dlamba, aka zamba ati ata kǝrari; kǝmari apa tsǝtsi, ba thlǝlari yarɛ apa mǝtǝngar u'u yarɛ.

Wulsu 14:18

Ndǝr hyantǝr Hyal damwa, nam tǝ dzǝ dza ani aka wadar u'u, sǝba akwa muɓwɛ ka kǝga aka kuɗahu ngga dzǝ nam aka thlahu tsǝltsǝli, “Kǝtǝ thlahu tsǝltsǝlǝr ngɛ ka gǝ tsaɓtsǝni madar inabiyir dai, kadǝbar munyar ni kǝ hǝi.”

Wulsu 5:8

Ba sakatǝ dzǝ ngǝzi kakadu pǝrpǝri ni, sǝ aka mpikǝ fwaɗu ba ndzǝ ngga-ngga sǝɗǝthlani kapu fwaɗu yarni dla akǝma Zǝr Agam ni. Kǝlara ndɛ aka zǝmbǝlɛ ba dar ngǝzi ntasar dǝnar yarɛ ghǝi-ghǝi aka sǝ sǝwur, nam ani aduwa yarɛ nǝr ndzǝr Hyal.

Wulsu 6:9

Sakatǝ dzǝ pwasǝnta dǝmwar nǝr ntufukur, Yi wula adzǝ kugiva muɓwɛ ni sangura ndzǝ nam tǝ ndǝ tara thlǝthlakǝr wuya ata nyar ndǝrǝr Hyal ba sakǝida nam tǝ dar tara ngǝzi.

Wulsu 7:2

Antǝ Yi wula ndǝr hyantǝr Hyal damwa ada si tǝbwar gǝdi, dzǝ ada kǝl sǝr vǝ lamba nǝr Hyal. Dzǝ kǝga aka kuɗahu ngga ndzǝr hyantǝr Hyal fwaɗu nam tǝ ndǝ la dar dǝna ka dar 'yanta dai ba manda:

Wulsu 8:4

I'yar mba sǝ sǝwur ni, vwam kaka aduwar ndzǝr Hyal, hyati akwa tsiya ndǝr hyantǝr Hyal ni ka mwari alǝti akǝma Hyal.

Wulsu 8:5

Antǝ ndǝr hyantǝr Hyal ni kǝtǝ ntasar sǝ sǝwur nǝr dinar ni, ka ghǝiyati tǝni aka u'u ata muɓwɛ, ba dzǝ ka ɗalghǝl tǝni ata dai; ba akwanda pǝral aka dlǝri yarɛ, parakǝr makǝi yarɛ ba kǝngǝrǝr dai 'ya.

Wulsu 9:13

Ndǝr hyantǝr Hyal nǝr nkwakur mbǝr tǝmbǝlǝrni ni, ba Yi ngati kuɗahu ada si akwa tǝmbǝl yarɛ nǝr muɓur dinar nam ada hyati akǝma Hyal.