Wulsu 7:9 - Kibaku NT

⁹ Aghǝla ǝni, akwanda Yi wula dlamiyir ndzǝ hang akǝmawai nam kura ndɛ awa tsǝba, akwa kǝlara dai, dǝr, ndzǝ ba nya, ada hyati akǝma dǝgǝl kuhyikur ba akǝma Zǝr Agam. Dar hadzǝ kari mwamwapu ba dar ngǝngǝzi thlaliyir dibuna akwa tsiya dar.

Wulsu 7:9 Iomraidhean Croise

Luka 12:1

Sakatǝ ndzǝ tara tsaɓtsǝnidzi ata 'ya kumthlani ka kumɛ ka hangkurari, har ma tǝ dar ada dlǝdlaɓu kǝma dar tǝ thlǝlɛ, Yɛsu baditsǝni ndǝrɛ tangkǝma ala ndzǝr nuwurni apǝri: “Ka gǝri vǝdzǝ hankal ala thlǝlamǝr ndzǝr Farisi, nam ani kǝlikatsaɗǝmkur dar.

Luka 21:36

Kǝlara saka ka gǝri ndzai aka ɗǝmhǝdzi, ka gǝri 'ya aduwa ka gǝri ɓui dǝnar whui atǝra ka ngyar sanga dzǝli sǝ yarni nam ata 'ya, ba ka gǝri mǝzi ka hyati akǝma Zǝr Ndɛ.”

Yawhana 12:13

Kadǝbar ka ǝni, dar thlǝthlǝkwi thlaliyir dibuna, tǝ dar lǝka dlu tǝni, dar ada haɓǝ kuɗahɛ ada nkǝrɛ apǝri, “Hausana!” “Barka aka ndǝ nam ada si akwa thlǝma Hyal Thlaku!” “Barka ani Kuhyir Izǝraila!”

Ndzǝr Rauma 11:25

Yi adi ada bara ka gǝri ndzai kura gǝr ta zǝndi dzǝri ɗǝwa-ɗǝwa ni wɛ, madar mama, ani ka ta gǝr ta ndzai ka ɗǝnga apǝri gǝr bǝrkawa: Izǝraila kǝ ɗar ɓaɓalkur ɗǝfu akwa palai tar ma sanga ndzǝ kura Yahudi si ka lǝkwa.

Ndzǝr Afisa 6:13

Kadǝbar ǝni ka gǝri pudzɛ sanga kariyir mbu dzɛ akwa mpa nǝr Hyal, ani ka sakatǝ vǝr kulɗa ni si, gǝri ata mǝzi ka mbuli kǝr gǝri, ba aghǝla tǝ gǝri 'yati kǝlara su, nam kura gǝri awa dla.

Ndzǝr Ibrahim 11:12

Ba atar ndǝ duku ni, nam tǝ dzǝ ata nya nti, kulfɛ ɓuidzi hang apa tsambiya yarɛ atahyal ba kura awa tsǝbadzi apa wuyahu ata nya manda.

Ndzǝr Ibrahim 12:22

Ama gǝr si adzǝ Payar Sihiyauna, ba akwa mǝlmǝr Hyal nam aka mpikɛ, Ursalima nam atahyal, ba vui nam tǝ tsaɓtsǝnidzǝr kutsari nǝr ndzǝr hyantǝr hyal yarɛ nam hang akwa,

Wulsu 11:15

Ndǝr hyantǝr Hyal nǝr murfwǝkur mbǝr tǝmbǝlǝrni ni, ba kuɗahu yarɛ ngga atahyal, tara nkǝrɛ: “Kuhyikur nǝr dunya kǝ 'ya kuhyikur nǝr Thlakǝr muri ba nǝr Kǝrsti ni, ba dzǝ ata 'ya kuhyikur kura kurkuri.”

Wulsu 22:3

Hyal tsu awa kǝlnta barka ata kǝra ndzi akwa mǝlmǝ ni wɛ. Dǝgǝl kuhyikur Hyal ba nǝr Zǝr Agam ata ndzai akwa mǝlmǝ ǝni, ba madar kǝiyirni ata 'ya alari kǝthlǝr.

Wulsu 3:18

Yi galatsǝni tǝngɛ ka gǝ ɗǝlba akai dinar ngi-ngi akwa u'u, ani ka gǝ 'ya bǝrba; ba kari mwapu ka gǝ hadzɛ, ani ka gǝ mbui sǝlaiyir anghyaɗukur ngɛ; ba kuzugu ka gǝ puti ata ntsa gɛ, ani ka gǝ wula su.

Wulsu 4:4

Tara dlǝti dǝgǝl kuhyikur nda ani dǝgǝl kuhyikur yarɛ damwa sǝɗǝthlani kapu fwaɗu, ba ndzǝ ngga-ngga yarɛ sǝɗǝthlani kapu fwaɗu ada ndzai ata dar. Dar hadzɛ lǝkutu mwamwapu ba aliyapǝr dinar ata kǝra dar yarɛ.

Wulsu 5:11

Antǝ Yi wulɛ ba Yi ka ngati kuɗaha ndzǝr hyantǝr Hyal hang, hangkur dar kumthlani kumɛ ata kǝra kumthlani kumɛ yarɛ, ba kumthlani kumɛ ka kumɛ ka kumthlani kumɛ ka kumɛ. Dar dlǝti dǝgǝl kuhyikur ni ba sǝ aka mpikɛ yarni ba ndzǝ ngga-ngga yarni.

Wulsu 5:9

Ba dar ha ha nam bǝlin: “Gǝ mǝzi ka kǝtǝ kakadu pǝrpǝri ni ba ka pwasǝnta dǝmwar yarari, kadǝbar ndǝ thlakǝr wuya ala gɛ, ba aka masǝr ngɛ gǝ ɗǝlba ndzi ala Hyal akwa kǝlara dǝr ba nya ba ndzi ba mǝlmɛ.

Wulsu 6:11

Antǝ ndǝ la kǝlara akwa ntsa dar lǝkutu mwapu, ba ndǝ ka gha ala dar ka dar ɗar sǝkɛ, si ma hangkur madar mama kaka nkwaiyir mama dar—madar kǝiyir Yɛsu nam tǝ ndɛ ata tsai apa dar kurabadzi.

Wulsu 7:8

akwa dǝrǝr Zibulun 12,000, akwa dǝrǝr Yusufu 12,000, akwa dǝrǝr Bandzami 12,000.