Wulsu 7:2 - Kibaku NT

² Antǝ Yi wula ndǝr hyantǝr Hyal damwa ada si tǝbwar gǝdi, dzǝ ada kǝl sǝr vǝ lamba nǝr Hyal. Dzǝ kǝga aka kuɗahu ngga ndzǝr hyantǝr Hyal fwaɗu nam tǝ ndǝ la dar dǝna ka dar 'yanta dai ba manda:

Wulsu 7:2 Iomraidhean Croise

Mata 16:16

Simaun Bitrusu sǝnau, “Gǝ dza Kǝrsti, Zǝr Hyal nam aka mpikɛ.”

Mata 26:63

Ama Yɛsu ndzi kǝɗǝk. Kuhyir fǝrist ni ka nkǝrɛ alari, “Yi ada paktsǝni tǝngɛ aka Hyal nam aka mpikɛ: Gha ala yar ma gǝ dza Kǝrsti ni, Zǝr Hyal ni.”

Yawhana 6:27

Ta gǝr ta kǝthlǝr ka ɗǝvɛ nam ada sǝwatǝdzi, ama ka ɗǝvɛ nam kura ada sǝwa, nam ada la ndɛ mpikǝ nam kura kurkuri. Tǝ Zǝr Ndɛ ata la gǝri. Akuya Hyal Tada kǝ vǝti ntarni nǝr lar whalɛ.”

2 Ndzǝr Kwaranti 1:22

Dzǝ vǝti ntarni ata muri apǝri muri nǝni, ba dzǝ ka hau Mambǝlǝrni akwa ɗǝfa muri ani ka mur zǝndi apǝri mambiya alkawalǝrni yarɛ ni ata ghǝiyabadzi.

Ndzǝr Afisa 1:13

Ba gǝri tsuwɛ nam tara ɓui ka lǝkwa Kǝrsti sakatǝ gǝri tara ngati ndǝrǝr dzǝrkur ni, ndǝrǝr Hyal nam sǝɗa nǝr mbatǝdzǝr gǝri. Aghǝla tǝ gǝri mbǝrsa, Hyal vǝti ntarni ata gǝri apǝri gǝri nǝni. Əni ani Mambǝl Kartǝ ni nam tǝ dzǝ tara 'ya alkawalari tsu din.

Ndzǝr Afisa 4:30

Ba ta gǝr ta mǝrti ɗǝfa Mambǝlǝr Hyal kǝgǝɓu, akuya ndǝ vǝti nta ata gǝri akuya ka vǝrǝr ɓui mpǝlidzi.

1 Ndzǝr Tasalaunika 1:9

kadǝbar dar aka kǝr dar, nkǝrnta whal nam tǝ gǝri dlutsi labar yar. Dar nkǝr whal nam tǝ gǝri ngyar mǝlǝm ka si adzǝ Hyal, ka nu Hyal nam aka mpikɛ ba nam dzǝri.

2 Timathlawus 2:19

Ama piyartsǝniyir Hyal nam ɓaɓal ni ada hyati ɓaɓal, aka ɗǝhǝr Hyal ati nam ada nkǝrɛ: “Thlaku ni zǝndi ndzǝ nam nǝni,” ba, “Kǝlara ndǝ nam ada kǝga thlǝma Thlaku ni ntsakǝr ka dzǝ ngyar 'ya kulɗakur.”

Ndzǝr Ibrahim 12:22

Ama gǝr si adzǝ Payar Sihiyauna, ba akwa mǝlmǝr Hyal nam aka mpikɛ, Ursalima nam atahyal, ba vui nam tǝ tsaɓtsǝnidzǝr kutsari nǝr ndzǝr hyantǝr hyal yarɛ nam hang akwa,

Wulsu 1:3

Barka ani ala ndɛ nam tara kǝratsǝni labar ndǝr nabikur ǝni, ba barka ala ndzǝ nam ada ngati ba kǝtǝ akwa ɗǝfu sǝ nam rǝbwa-rǝbwa akwa, kadǝbar saka kǝ 'ya kudzǝghɛ.

Wulsu 10:1

Antǝ Yi wula ndǝr hyantǝr Hyal nam aka dǝna ada sǝgǝl atahyal. Ndǝ karaptsǝni tǝni aka dlamba, aka zamba ati ata kǝrari; kǝmari apa tsǝtsi, ba thlǝlari yarɛ apa mǝtǝngar u'u yarɛ.

Wulsu 10:4

Ba sakatǝ dlǝri yarɛ murfwɛ ndǝrɛ, Yɛ angwada rǝbwa; ama Yi ngati kuɗahu atahyal ada nkǝrɛ, “Ɗǝwar sǝ nam tǝ dlǝri yarɛ murfwɛ tara gha ni ba ta gǝ ta rǝbwa tǝni.”

Wulsu 16:12

Ndǝr hyantǝr Hyal nam nkwakur ni sǝnanta sǝ nam akwa ntasar ni ata kǝra kyagha nam ngga nǝr Yufǝritis, ba yimǝrni ka sutǝdzi ka dzǝguti whal mwari ala kuhyi yarɛ nam tǝbwar gǝdi.

Wulsu 5:2

Ba Yi wula ndǝr hyantǝr Hyal nam ngga ada nkǝrɛ aka kuɗahu nam ngga, “Wa nam awa mǝzi ka pwasǝnta dǝmwar yarni ka mburnta kakadu pǝrpǝri ni?”

Wulsu 8:3

Ndǝr hyantǝr Hyal damwa, nam aka ntasar sǝ sǝwur nǝr dinar, si ka hyati akǝma muɓwɛ. Ndǝ lari sǝ sǝwur hang ka dzǝ hamnta, kaka aduwar sanga ndzǝr Hyal, ata muɓur dinar akǝma dǝgǝl kuhyikur.

Wulsu 9:14

Kuɗahu ni gha ala ndǝr hyantǝr Hyal nǝr nkwakur nam aka tǝmbǝl ni, “Mpǝlnta ndzǝr hyantǝr Hyal yarɛ fwaɗu nam tǝ ndǝ mbwai adzǝ kyaghar Yufǝritis nam ngga.”

Wulsu 9:4

Ndǝ gha ala dar ta dar ta 'yanta kusar nam ata dai wala kǝlara thlali wala fwɛ, ama ɗiɗi ndzǝ nam kura ta ɓui ntar Hyal ata mumurkǝma dar.