Wulsu 6:1 - Kibaku NT

¹ Yɛ ada wulɛ sakatǝ Zǝr Agam ni mburnta nǝr tangkǝma dǝmwar yarɛ murfwɛ ni. Antǝ Yi ngati pathla sǝ aka mpikɛ fwaɗu ni nkǝrɛ akwa kuɗahu apa dlǝrǝr pǝral, “Azǝrɛ!”

Wulsu 6:1 Iomraidhean Croise

Yawhana 1:29

Sǝbar arpɛ, sakatǝ Yawhana tara wula Yɛsu ada si adzǝni dzǝ nkǝrɛ, “Wuti, Zǝr Agamǝr Hyal, ndǝ nam ata siya kǝlnta bikǝr dunya!

'Ya Su 4:20

Akuya yar adi ata ngyar labar ata kǝra sǝ nam tǝ yar wula ba ngati wɛ.”

Wulsu 11:19

Antǝ fǝr Hyal nam atahyal mburntadzi, ba akwa kuta fǝr Hyalǝrni ndǝ wula ɗakwatiyir sǝ mbwa-mbwa ni. Ba akwanda parakǝr makǝi, pǝral yarɛ, dlǝri, kǝngǝrǝr dai ba mandzandzǝlai hang si.

Wulsu 13:8

Sanga ndzǝ nam ata dai ata vǝkǝr sǝlai ala mawi nam kulɗa ni—dar ani ndzǝ nam kura thlǝma dar rǝbwa-rǝbwa akwa kakadǝr mpikɛ ata baditsǝniyir dunya. Kakadu ni nǝr Zǝr Agam nam tǝ ndǝ tara thlakǝr wuya alari.

Wulsu 14:2

Ba Yi ngati kuɗahu ngga atahyal apa tuwar whuiyir yimi yarɛ ba apa dlǝri nam ngga. Kuɗahu nam tǝ Yi ngati ni apa nǝr ndzǝr tsa zǝmbǝlɛ ada tsa zǝmbǝlǝr dar.

Wulsu 19:6

Antǝ Yi ngati kuɗahu apa dlamiyir ndzi, apa tuwar whuyir yimi yarɛ aka pǝral nam aka dǝna, ada lǝlɛ: “Hǝm Hyal! Akuya Hyal Thlakǝr muri nam Ɓwaltasang ada 'ya kuhyikur.

Wulsu 4:8

Kǝlara akwa ntsa su fwaɗu nam aka mpika yarni aka bǝbǝgǝ yarɛ nkwa ba sanga dzá dar mbuidzi aka ntsɛ, wala akwi bǝbǝga dar. Tsǝtsi aka vǝri dar adi ada ngyar nkǝrɛ: “Ndǝ kartǝ, ndǝ kartǝ, ndǝ kartǝ Ani Thlaku Hyal nam Ɓwaltasang, Dza adai kǝma ta tǝ sanga su awa mǝrtǝdzi, dzǝ adai kulini, ba tsu ata si.”

Wulsu 5:1

Antǝ Yi wula akwa tsisǝma dzǝ nam ada ndzai ata dǝgǝl kuhyikur kakadu pǝrpǝri aka rǝbwa ata palai gyapu ba ndǝ harti aka dǝmwar ata vui murfwɛ.

Wulsu 5:12

Dar ha aka kuɗahǝ nam ngga: “Zǝr Agam ni dzǝ mǝzi, nam tǝ ndǝ thlakǝr wuya, ka dlutsi dǝna ba bǝrba ba bǝrkawakur ba dzaukur ba vǝkǝr sǝlai ba nggakur ba hǝmɛ!”

Wulsu 5:8

Ba sakatǝ dzǝ ngǝzi kakadu pǝrpǝri ni, sǝ aka mpikǝ fwaɗu ba ndzǝ ngga-ngga sǝɗǝthlani kapu fwaɗu yarni dla akǝma Zǝr Agam ni. Kǝlara ndɛ aka zǝmbǝlɛ ba dar ngǝzi ntasar dǝnar yarɛ ghǝi-ghǝi aka sǝ sǝwur, nam ani aduwa yarɛ nǝr ndzǝr Hyal.

Wulsu 6:3

Sakatǝ Zǝr Agam pwasǝnta dǝmwar nǝr sǝɗǝkur, Yi ngati sǝ aka mpikɛ nǝr sǝɗǝkur gha, “Azǝrɛ!”

Wulsu 6:5

Sakatǝ Zǝr Agam pwasǝnta dǝmwar nǝr makǝrkur, Yi ngati sǝ aka mpikɛ nǝr makǝrkur nkǝrɛ, “Azǝrɛ!” Yi wulɛ, ba akwanda akǝmawai taku mǝngǝl! Ndǝr dlǝr tǝni ngǝzi alidzam akwa tsiyari.

Wulsu 6:7

Sakatǝ Zǝr Agam pwasǝnta dǝmwar nǝr fwaɗukur, Yi ngati kuɗaha sǝ aka mpikɛ nǝr fwaɗukur nkǝrɛ, “Azǝrɛ!”

Wulsu 8:1

Sakatǝ dzǝ pwasǝnta dǝmwar nǝr murfwǝkur, sanga su ndzi kǝɗǝk atahyal nǝr raitar saka.