Wulsu 4:9 - Kibaku NT

⁹ Kǝlara saka nam tǝ sǝ yarɛ nam aka mpikɛ ada hǝm tǝni, ada lari nggakur, ba ada gwaditsǝni alari dzǝ nam ada ndzai ata dǝgǝl kuhyikur ba dzǝ nam aka mpikɛ kura kurkuri,

Wulsu 4:9 Iomraidhean Croise

Ndzǝr Ibrahim 7:25

Kadǝbar ǝni dzǝ ada mǝzi ka mbatǝ ndzǝ nam tara si adzǝ Hyal atarni kadukurau kǝlara saka, kadǝbar kǝlara saka dzǝ ada ndǝrɛ ala Hyal ata nyar dar.

Ndzǝr Ibrahim 7:8

Fǝrist yarɛ nam ada dlu bwa pathlu akwa ntsa kumɛ ni dar ndzǝ nam ada nti; ama apa nǝr Malkisadik pathlu akwa ntsa kumɛ ni ndǝ nam kura ata nti ani tara dluwɛ, apa tǝ Labar Hyal nkǝrɛ.

Wulsu 1:18

Yi dza ani ndǝ nam aka mpikɛ; Yi nti, ama nda kulini Yi aka mpikǝ nam kura awa kurkuri! Ba Yi ngǝzi tsǝkuram yarɛ nǝr nti ba vui ndzaiyir ndzǝ ntǝnti.

Wulsu 10:6

Ba dzǝ ka mbǝrɛ aka thlǝma ndǝ nam ada ndzai kura kurkuri, ndǝ nam tara mǝrti ati yarɛ ba sanga sǝ nam akwa dar, dai ba sanga sǝ nam akwa dza, ba manda aka sanga sǝ nam akwa dza, ba ndǝr hyantǝr Hyal ni nkǝrɛ, “Sakar sǝkǝ ndɛ tsu adi wɛ!

Wulsu 15:7

Antǝ pathlu akwa ntsa su aka mpikɛ fwaɗu yarni ka la ndzǝr hyantǝr Hyal yarɛ murfwɛ ni ntasa yarɛ nǝr dinar murfwɛ ghǝi-ghǝi aka sǝwa ɗǝfǝr Hyal, nam ada ndzai kura kurkuri.

Wulsu 21:5

Dzǝ nam ada ndzai ata dǝgǝl kuhyikurni ka nkǝrɛ, “Yɛ ada 'ya kǝlara su bǝlin!” Antǝ dzǝ ka nkǝrɛ, “Rǝbwai su ǝni, akuya labar yarni mǝzi ka ndǝ mbǝrsa akǝri ba dar dzǝri.”

Wulsu 4:2

Tǝkǝma Yi ka lǝkwa mambǝlɛ, ba akwanda akǝmawai dǝgǝl kuhyikur atahyal aka ndǝ laka ada ndzai ati.

Wulsu 4:8

Kǝlara akwa ntsa su fwaɗu nam aka mpika yarni aka bǝbǝgǝ yarɛ nkwa ba sanga dzá dar mbuidzi aka ntsɛ, wala akwi bǝbǝga dar. Tsǝtsi aka vǝri dar adi ada ngyar nkǝrɛ: “Ndǝ kartǝ, ndǝ kartǝ, ndǝ kartǝ Ani Thlaku Hyal nam Ɓwaltasang, Dza adai kǝma ta tǝ sanga su awa mǝrtǝdzi, dzǝ adai kulini, ba tsu ata si.”

Wulsu 5:1

Antǝ Yi wula akwa tsisǝma dzǝ nam ada ndzai ata dǝgǝl kuhyikur kakadu pǝrpǝri aka rǝbwa ata palai gyapu ba ndǝ harti aka dǝmwar ata vui murfwɛ.

Wulsu 6:16

Dar ada kǝga paya yarɛ, “Ɗǝkǝr ala yar ka gǝri ɗǝwar tǝ yar ta kǝma ndǝ ni nam ada ndzai ata dǝgǝl kuhyikur ba ta sǝwa ɗǝfǝr Zǝr Agam ni!

Wulsu 7:15

Kadǝbar ǝni, “Dar akǝma dǝgǝl kuhyikur Hyal ada 'ya alari kǝthlǝr tsǝtsi aka vǝri akwa fǝr Hyalǝrni; ba dzǝ nam ada ndzai ata dǝgǝl kuhyikur ata tǝrkǝr dǝri ata kǝra dar.