Wulsu 4:8 - Kibaku NT

⁸ Kǝlara akwa ntsa su fwaɗu nam aka mpika yarni aka bǝbǝgǝ yarɛ nkwa ba sanga dzá dar mbuidzi aka ntsɛ, wala akwi bǝbǝga dar. Tsǝtsi aka vǝri dar adi ada ngyar nkǝrɛ: “Ndǝ kartǝ, ndǝ kartǝ, ndǝ kartǝ Ani Thlaku Hyal nam Ɓwaltasang, Dza adai kǝma ta tǝ sanga su awa mǝrtǝdzi, dzǝ adai kulini, ba tsu ata si.”

Wulsu 4:8 Iomraidhean Croise

'Ya Su 20:31

Ani ndziyamɛ ata kǝra ɓǝla! Ɗǝngatamɛ apǝri nǝr fá makǝr Yi ta saga ngyar gala tǝ gǝri vǝri aka tsǝtsi aka sǝmwai wɛ.

2 Ndzǝr Kwaranti 6:18

“Yi ata ndzai Tada ala gǝri, ba gǝr ata ndzai madarna kaka nkwaiyirna, ndǝ Thlaku nam Ɓwaltasang.”

1 Ndzǝr Tasalaunika 2:9

Dzǝri gǝr ɗǝngati, madar mama, kǝthlǝr yar aka dzaukur; yar kǝthlǝr vǝri aka tsǝtsi ata vuiya ta yar ta ndzai kǝlɛ ala kǝlara ndɛ ma yar ada nkǝr ndǝrǝr Hyal nam sǝɗa nǝr Hyal ala gǝri.

1 Timathlawus 4:16

Ka gǝ wul sǝ nam tǝ gǝ ada 'ya akwa ndzaiyir ngɛ ba ka gǝ wul sǝ nam tǝ gǝ ada hyipɛ. Ka gǝ hau dǝna akwa dar, kadǝbar ma gɛ 'ya apani gɛ ata mbati kǝrngɛ kaka ndzǝ nam ada nga tǝ gɛ.

2 Timathlawus 4:2

Ka gǝ nkǝr labar Hyal ni, ka gǝ ɗǝmhǝi kǝrngɛ akwa sakari ba wala kura akwa sakari; ka gǝ dzǝgwɛ, ɗǝmnya ba dǝnautsǝni—aka kǝl kǝmar ba gala aka hankal.

Ndzǝr Ibrahim 13:8

Yɛsu Kǝrsti dzǝ adi ada palidzi wɛ dzǝ tsu apa nagha ba asǝna ba kura kurkuri.

Wulsu 1:4

Kakadu ni hyati aka Yawhana ala ikǝlizǝya yarɛ murfwɛ nam akwa diyir Asiya. Ka Hyal dzǝ nam kulini ba dzǝ nam watsi ba dzǝ ani nam ata si, ba mambǝl yarɛ murfwɛ nam akǝma dǝgǝl kuhyikur ni, ka dzǝ la gǝri ɗakur Hyal ba ndzai lapiyakur.

Wulsu 1:8

“Yi dza Alfa ba Aumɛga,” Baditsǝniyari ba Dǝntari, ndǝ Hyal Thlaku. “Yi dza kulini, ba Yi dza watsi, ba Yi dza tsu ata si, Yi dzahyal nam Ɓwaltasang.”

Wulsu 11:17

tǝ dar ada gha: “Yar gwaditsǝni ala gɛ, Thlaku Hyal nam ɓwaltasang, gǝ nam kulini ba awatsi, kadǝbar gǝ kǝtǝ dǝnar ngɛ nam ngga ba gǝ baditsǝni 'ya kuhyikur.

Wulsu 14:11

Ba i'yar bwaniyir dar hyati kura kurkuri. Ghǝrbadzi adi wɛ tsǝtsi aka vǝri ala ndzǝ nam tara vǝkǝr sǝlai ala mawi kulɗa ni ba parni, wala ala kǝlara ndǝ nam tara dlutsi ɗǝhǝr thlǝmari.”

Wulsu 14:3

Ba dar ka ha ha nam bǝlin akǝma dǝgǝl kuhyikur ba akǝma su aka mpikǝ fwaɗu ba ndzǝ ngga-ngga yarni. Ndɛ adai awa tsǝli ha ni wɛ ɗiɗi ndzǝ 144,000 nam tǝ ndǝ tara pǝli akwa dunya ni.

Wulsu 15:3

ba dar ha har Musa zǝr kǝiyir Hyal ba har Zǝr Agam: “Sǝr ndati ngga-ngga ani kǝthlǝr ngɛ, Thlaku Hyal nam Ɓwaltasang. Kal-kal ba dzǝri ani whalǝr ngǝ yarɛ Kuhyir zaman yarɛ.

Wulsu 15:7

Antǝ pathlu akwa ntsa su aka mpikɛ fwaɗu yarni ka la ndzǝr hyantǝr Hyal yarɛ murfwɛ ni ntasa yarɛ nǝr dinar murfwɛ ghǝi-ghǝi aka sǝwa ɗǝfǝr Hyal, nam ada ndzai kura kurkuri.

Wulsu 16:14

Dar ani mambǝl kulɗa yarɛ nam ada 'ya parsu nǝr ndatǝdzi yarɛ, ba dar sǝba ka tǝra adzǝ kuhyi yarɛ nǝr sanga dunya, ka tsaɓtsǝni tǝ dar akuya ka mpa ata vǝr nam ngga nǝr Hyal nam Ɓwaltasang.

Wulsu 16:7

Ba Yi ngati muɓwɛ ada nkǝrɛ: “A, Thlaku Hyal nam Ɓwaltasang, hakar ngɛ dzǝri ba kal-kal.”

Wulsu 19:15

Akwa nyari katsakar nam tsǝltsǝli ada sǝba nam tǝ dzǝ ata tsa sanga ndzǝr dunya akǝri. “Dzǝ ata 'ya kuhyikur ata kǝra dar aka zuwar yang.” Dzǝ ata dlaɓwɛ aka thlǝlɛ sǝr ɓǝtsǝ yimǝr inabi ka ɓǝtsǝba sǝwa ɗǝfǝr Hyal nam Ɓwaltasang.

Wulsu 19:4

Ndzǝ ngga-ngga sǝɗǝthlani kapu fwaɗu ba sǝ aka mpikɛ fwaɗu yarnda dla ka vǝkǝr sǝlai ala Hyal, dzǝ nam ada ndzai ata dǝgǝl kuhyikur. Ba dar nkǝrɛ: “Apani, Hǝmɛ!”

Wulsu 21:22

Yi ta wula fǝr Hyal akwa mǝlmɛ ni wɛ, kadǝbar Thlaku Hyal nam Ɓwaltasang ba Zǝr Agam ni ani fǝr Hyalǝrni.

Wulsu 3:7

“Rǝbwai ala ndǝr hyantǝr Hyal nǝr ikǝlizǝya nam akwa Filadalfiya: Əni yarni ani ndǝr yarɛ nǝr dzǝ nam Hyal duku ba aka dzǝri, dzǝ nam aka tsǝkuramǝr Dauda. Sǝ nam tǝ dzǝ mburnta ndǝr harti adi wɛ, ba sǝ nam tǝ dzǝ harti ndǝr mburnta adi wɛ.

Wulsu 4:4

Tara dlǝti dǝgǝl kuhyikur nda ani dǝgǝl kuhyikur yarɛ damwa sǝɗǝthlani kapu fwaɗu, ba ndzǝ ngga-ngga yarɛ sǝɗǝthlani kapu fwaɗu ada ndzai ata dar. Dar hadzɛ lǝkutu mwamwapu ba aliyapǝr dinar ata kǝra dar yarɛ.

Wulsu 4:6

Tsuwɛ akǝma dǝgǝl kuhyikur ni sǝ laka adai tara pa aka mandar gǝlasu, ɗulang apa payar mandzandzǝlai. Akwa ɗǝfu, adzǝ dǝgǝl kuhyikurni, sǝ yarɛ fwaɗu nam aka mpikɛ, ba ntsɛ yarɛ mbui tǝ dar tǝbwa kǝma aka tǝbwa hǝi.

Wulsu 4:9

Kǝlara saka nam tǝ sǝ yarɛ nam aka mpikɛ ada hǝm tǝni, ada lari nggakur, ba ada gwaditsǝni alari dzǝ nam ada ndzai ata dǝgǝl kuhyikur ba dzǝ nam aka mpikɛ kura kurkuri,

Wulsu 5:6

Antǝ Yi wula Zǝr Agam, tǝ ndɛ ada wulɛ apa ndǝ thlakǝr wuya alari, ada hyati ata ɗǝfa dǝgǝl kuhyikur ni, tǝ sǝ aka mpikɛ yarni fwaɗu ba ndzǝ ngga-ngga yarni tara dlǝti tǝni. Dza aka tǝmbǝl yarɛ murfwɛ ba ntsɛ yarɛ murfwɛ, nam ani mambǝl yarɛ murfwɛ nǝr Hyal nam tǝ ndǝ hyanǝba alǝkwa sanga dai.

Wulsu 6:1

Yɛ ada wulɛ sakatǝ Zǝr Agam ni mburnta nǝr tangkǝma dǝmwar yarɛ murfwɛ ni. Antǝ Yi ngati pathla sǝ aka mpikɛ fwaɗu ni nkǝrɛ akwa kuɗahu apa dlǝrǝr pǝral, “Azǝrɛ!”

Wulsu 6:6

Antǝ Yi ngati su apa kuɗahɛ akwa ntsa sǝ aka mpikɛ fwaɗu ni, ada nkǝrɛ, “Auna raiza duku nǝr lǝkama ani tǝ ndɛ ata nkyɛ kǝthlǝr ɓuktsi akǝri, ba auna raiza makǝr nǝr barli ani tǝ ndɛ ata nkyɛ kǝthlǝr ɓuktsi akǝri, ba ta ndǝ ta sǝwati mal ba yimǝr inabi!”

Wulsu 7:11

Sanga ndzǝr hyantǝr Hyal ada hihyati ata ngwama dǝgǝl kuhyikur ba ata ngwama ndzǝ ngga-ngga yarɛ ba sǝ yarɛ aka mpikǝ fwaɗu. Dar dla tǝ kǝma dar akǝma dǝgǝl kuhyikur ni ba dar ka vǝkǝr sǝlai ala Hyal,

Wulsu 7:15

Kadǝbar ǝni, “Dar akǝma dǝgǝl kuhyikur Hyal ada 'ya alari kǝthlǝr tsǝtsi aka vǝri akwa fǝr Hyalǝrni; ba dzǝ nam ada ndzai ata dǝgǝl kuhyikur ata tǝrkǝr dǝri ata kǝra dar.