Wulsu 4:4 - Kibaku NT

⁴ Tara dlǝti dǝgǝl kuhyikur nda ani dǝgǝl kuhyikur yarɛ damwa sǝɗǝthlani kapu fwaɗu, ba ndzǝ ngga-ngga yarɛ sǝɗǝthlani kapu fwaɗu ada ndzai ata dar. Dar hadzɛ lǝkutu mwamwapu ba aliyapǝr dinar ata kǝra dar yarɛ.

Wulsu 4:4 Iomraidhean Croise

Mata 19:28

Yɛsu ka nkǝrɛ ala dar, “Yi ada gha ala gǝri dzǝrkur, akwa zaman nam bǝlin, sakatǝ Zǝr Ndɛ ni ndzai ata nggakur kuhyikurni, gǝri nam tara nu tǝra gǝri yɛ gǝri ata ndzai ata kǝra kuhyikur yarɛ kum kapu sǝɗɛ, tǝ gǝri ada 'ya haka ala ndzǝli yarɛ nǝr Izǝraila.

Luka 22:30

ani ka gǝri sǝmɛ ba sa ata tɛbǝrna akwa kuhyikurna ka gǝri ndzai ata dǝgǝl kuhyikur, ka gǝr 'ya haka ala kulfɛ yarɛ kum kapu sǝɗɛ nǝr Izǝraila ni.

2 Timathlawus 4:8

Kulini ada vi alai akwa vui ɗǝwa aliyapǝr ndzai kalkalkur, nam tǝ Thlaku, ndǝr 'ya haka nam kal-kal, tǝ dzǝ ata lai vǝr ǝnda—ba adi alai Yi duku wɛ, ama sanga ndzǝ nam ada sǝkǝ siyirni aka dzala.

Wulsu 11:16

Ba ndzǝ ngga-ngga sǝɗǝthlani kapu fwaɗu ni, nam ada ndzǝndzai ata dǝgǝl kuhyikur dar yarɛ akǝma Hyal, dlǝdla tǝ kǝma dar ka vǝkǝr sǝlai ala Hyal,

Wulsu 14:3

Ba dar ka ha ha nam bǝlin akǝma dǝgǝl kuhyikur ba akǝma su aka mpikǝ fwaɗu ba ndzǝ ngga-ngga yarni. Ndɛ adai awa tsǝli ha ni wɛ ɗiɗi ndzǝ 144,000 nam tǝ ndǝ tara pǝli akwa dunya ni.

Wulsu 19:14

Saudza yarɛ nam atahyal ada nu tǝni, tǝ dar ada dlǝr taku mwamwapu ba dar hadzǝ lilǝng nam ɗaku, mwapu ba kǝtsǝkǝtsi.

Wulsu 19:4

Ndzǝ ngga-ngga sǝɗǝthlani kapu fwaɗu ba sǝ aka mpikɛ fwaɗu yarnda dla ka vǝkǝr sǝlai ala Hyal, dzǝ nam ada ndzai ata dǝgǝl kuhyikur. Ba dar nkǝrɛ: “Apani, Hǝmɛ!”

Wulsu 2:10

Ta gǝri ta hyivǝr ata kǝra sǝ nam tǝ gǝri angwada ɗar bwanai ata kǝri. Yi gha ala gǝri, Satan ata pu ndzǝ laka akwa ntsa gǝri akwa fǝrsǝna ka nkǝrti tǝ gǝri, ba gǝri ata ɗar bwanai nǝr vǝr kumɛ. Ndzai aka dzǝrkur, har ka la nti, ba Yɛ ata la gǝri aliyapǝr mpikɛ.

Wulsu 20:4

Yi ka wula dǝgǝl kuhyikur yarɛ nam tǝ ndzǝ nam tǝ ndǝ la dar dǝnar haka ada ndzai ati. Ba Yi ka wula sangura ndzǝ nam tǝ ndǝ dǝlnta wuya dar yarɛ kadǝbar ndǝrǝr dar ata kǝra Yɛsu ba ndǝrǝr Hyal. Dar ta vǝkǝr sǝlai ala mawi kulɗa ni wɛ wala parni ba dar ta dlutsi ntarni ata mumurkǝma dar, wala tsiya dar wɛ. Dar ka hyati aka mpikɛ ba 'ya kuhyikur kaka Kǝrsti nǝr fá kumthlani kumɛ.

Wulsu 3:18

Yi galatsǝni tǝngɛ ka gǝ ɗǝlba akai dinar ngi-ngi akwa u'u, ani ka gǝ 'ya bǝrba; ba kari mwapu ka gǝ hadzɛ, ani ka gǝ mbui sǝlaiyir anghyaɗukur ngɛ; ba kuzugu ka gǝ puti ata ntsa gɛ, ani ka gǝ wula su.

Wulsu 4:10

ndzǝ ngga-ngga yarɛ sǝɗǝthlani kapu fwaɗu ni dla akǝmari dzǝ nam ada ndzai ata dǝgǝl kuhyikur, ba vǝkǝr sǝlai alari dzǝ nam aka mpikɛ kura kurkuri. Dar pui aliyapǝr dar yarɛ akǝma dǝgǝl kuhyikurni ka nkǝrɛ:

Wulsu 4:6

Tsuwɛ akǝma dǝgǝl kuhyikur ni sǝ laka adai tara pa aka mandar gǝlasu, ɗulang apa payar mandzandzǝlai. Akwa ɗǝfu, adzǝ dǝgǝl kuhyikurni, sǝ yarɛ fwaɗu nam aka mpikɛ, ba ntsɛ yarɛ mbui tǝ dar tǝbwa kǝma aka tǝbwa hǝi.

Wulsu 5:11

Antǝ Yi wulɛ ba Yi ka ngati kuɗaha ndzǝr hyantǝr Hyal hang, hangkur dar kumthlani kumɛ ata kǝra kumthlani kumɛ yarɛ, ba kumthlani kumɛ ka kumɛ ka kumthlani kumɛ ka kumɛ. Dar dlǝti dǝgǝl kuhyikur ni ba sǝ aka mpikɛ yarni ba ndzǝ ngga-ngga yarni.

Wulsu 5:14

Sǝ yarɛ fwaɗu nam aka mpikɛ nkǝrɛ, “Apani,” Ba ndzǝ ngga-ngga yarɛ dlǝdla ka vǝkǝr sǝlai.

Wulsu 5:6

Antǝ Yi wula Zǝr Agam, tǝ ndɛ ada wulɛ apa ndǝ thlakǝr wuya alari, ada hyati ata ɗǝfa dǝgǝl kuhyikur ni, tǝ sǝ aka mpikɛ yarni fwaɗu ba ndzǝ ngga-ngga yarni tara dlǝti tǝni. Dza aka tǝmbǝl yarɛ murfwɛ ba ntsɛ yarɛ murfwɛ, nam ani mambǝl yarɛ murfwɛ nǝr Hyal nam tǝ ndǝ hyanǝba alǝkwa sanga dai.

Wulsu 5:8

Ba sakatǝ dzǝ ngǝzi kakadu pǝrpǝri ni, sǝ aka mpikǝ fwaɗu ba ndzǝ ngga-ngga sǝɗǝthlani kapu fwaɗu yarni dla akǝma Zǝr Agam ni. Kǝlara ndɛ aka zǝmbǝlɛ ba dar ngǝzi ntasar dǝnar yarɛ ghǝi-ghǝi aka sǝ sǝwur, nam ani aduwa yarɛ nǝr ndzǝr Hyal.

Wulsu 6:11

Antǝ ndǝ la kǝlara akwa ntsa dar lǝkutu mwapu, ba ndǝ ka gha ala dar ka dar ɗar sǝkɛ, si ma hangkur madar mama kaka nkwaiyir mama dar—madar kǝiyir Yɛsu nam tǝ ndɛ ata tsai apa dar kurabadzi.

Wulsu 7:11

Sanga ndzǝr hyantǝr Hyal ada hihyati ata ngwama dǝgǝl kuhyikur ba ata ngwama ndzǝ ngga-ngga yarɛ ba sǝ yarɛ aka mpikǝ fwaɗu. Dar dla tǝ kǝma dar akǝma dǝgǝl kuhyikur ni ba dar ka vǝkǝr sǝlai ala Hyal,

Wulsu 7:9

Aghǝla ǝni, akwanda Yi wula dlamiyir ndzǝ hang akǝmawai nam kura ndɛ awa tsǝba, akwa kǝlara dai, dǝr, ndzǝ ba nya, ada hyati akǝma dǝgǝl kuhyikur ba akǝma Zǝr Agam. Dar hadzǝ kari mwamwapu ba dar ngǝngǝzi thlaliyir dibuna akwa tsiya dar.

Wulsu 9:7

Ntsǝwha yarɛ ǝnda pa aka taku yarɛ tǝ ndǝ katsǝni ka mpa. Ata kǝra dar ndǝ mbwai sǝ laka apa aliyapu yarɛ nǝr dinar, ba kǝma dar pa aka kǝma ndɛ.