Wulsu 4:2 - Kibaku NT

² Tǝkǝma Yi ka lǝkwa mambǝlɛ, ba akwanda akǝmawai dǝgǝl kuhyikur atahyal aka ndǝ laka ada ndzai ati.

Wulsu 4:2 Iomraidhean Croise

Mata 22:43

Dzǝ ka nkǝrɛ ala dar, “Mǝmi dzá tǝ Dauda, ndǝrɛ atar dǝnar Mambǝl ni, tara kǝga tǝni ‘Thlaku’? Akuya dzǝ nkǝrɛ,

Ndzǝr Ibrahim 8:1

Sǝ nam tǝ yar ada ndǝrɛ ata kǝrni ani: muri aka dzǝli kuhyir fǝrist ni, nam tara ndzai ata bwa tsisǝma dǝgǝl kuhyikur nǝr Hyal nam ati.

Wulsu 1:10

Ata Vǝrǝr Thlaku Yɛ akwa mambǝlɛ, ba Yi ngati aghǝlawai kuɗahu nam ngga apa tǝmbǝlɛ,

Wulsu 12:5

Dzǝ ka yai zǝr, zǝr sal, nam ata 'ya kuhyikur ndzǝ yarɛ aka zuwar kuhyikur nǝr yang. Ba ndǝ ka kǝlnta zǝrǝrni ni alǝti adzǝ Hyal ba dǝgǝl kuhyikur ni.

Wulsu 17:3

Antǝ ndǝr hyantǝr Hyal ni ka kǝtǝ tǝra akwa mambǝlɛ alǝkwa ntaku. Akwanda Yi wula mwala ada ndzai ata mawi kulɗa magza pitu nam tǝ ndǝ mbui aka thlǝmǝr ngǝngǝl yarɛ ba dzǝ aka kǝr yarɛ murfwɛ ba tǝmbǝl yarɛ kumɛ.

Wulsu 19:4

Ndzǝ ngga-ngga sǝɗǝthlani kapu fwaɗu ba sǝ aka mpikɛ fwaɗu yarnda dla ka vǝkǝr sǝlai ala Hyal, dzǝ nam ada ndzai ata dǝgǝl kuhyikur. Ba dar nkǝrɛ: “Apani, Hǝmɛ!”

Wulsu 20:11

Antǝ Yi ka wula dǝgǝl kuhyikur ngga mwapu aka ndǝ nam ada ndzai ati. Dai aka ati ada whui atǝra ta kǝmari, kadǝbar vui adai ala dar tǝ dar awa lǝkwa wɛ.

Wulsu 21:10

Ba dzǝ ka kǝtǝ tǝra akwa Mambǝl ni alǝkwa paya nam ngga ba dzǝgam, ka tsanti alai Mǝlmǝr Hyal, Ursalima, ada sǝgǝl ati adzǝ Hyal.

Wulsu 21:5

Dzǝ nam ada ndzai ata dǝgǝl kuhyikurni ka nkǝrɛ, “Yɛ ada 'ya kǝlara su bǝlin!” Antǝ dzǝ ka nkǝrɛ, “Rǝbwai su ǝni, akuya labar yarni mǝzi ka ndǝ mbǝrsa akǝri ba dar dzǝri.”

Wulsu 3:21

Ala dzǝ nam tara sǝmkǝr, Yi ata lari dǝna ka ndzai akai ata dǝgǝl kuhyikurna, apa tǝ Yi sǝmkǝr ka ndzai aka Bana ata dǝgǝl kuhyikur ni.

Wulsu 4:10

ndzǝ ngga-ngga yarɛ sǝɗǝthlani kapu fwaɗu ni dla akǝmari dzǝ nam ada ndzai ata dǝgǝl kuhyikur, ba vǝkǝr sǝlai alari dzǝ nam aka mpikɛ kura kurkuri. Dar pui aliyapǝr dar yarɛ akǝma dǝgǝl kuhyikurni ka nkǝrɛ:

Wulsu 4:5

Ata dǝgǝl kuhyikur ni parakǝr makǝi sǝba, pǝral aka dlǝri. Akǝma dǝgǝl kuhyikurni, pitǝla yarɛ murfwɛ ada mba. Əni yarni ani mambǝl yarɛ murfwɛ nǝr Hyal.

Wulsu 4:9

Kǝlara saka nam tǝ sǝ yarɛ nam aka mpikɛ ada hǝm tǝni, ada lari nggakur, ba ada gwaditsǝni alari dzǝ nam ada ndzai ata dǝgǝl kuhyikur ba dzǝ nam aka mpikɛ kura kurkuri,

Wulsu 5:1

Antǝ Yi wula akwa tsisǝma dzǝ nam ada ndzai ata dǝgǝl kuhyikur kakadu pǝrpǝri aka rǝbwa ata palai gyapu ba ndǝ harti aka dǝmwar ata vui murfwɛ.

Wulsu 5:13

Antǝ Yɛ ngati kǝlara sǝ aka mpikɛ atahyal ba ata dai ba akwi dai ba ata manda, ba sanga sǝ nam akwa dar, ada ha: “Ala dzǝ nam ada ndzai ata dǝgǝl kuhyikur ba ala Zǝr Agam ka hǝmɛ ba vǝkǝr sǝlai ba nggakur ba dǝna, kura kurkuri!”

Wulsu 6:16

Dar ada kǝga paya yarɛ, “Ɗǝkǝr ala yar ka gǝri ɗǝwar tǝ yar ta kǝma ndǝ ni nam ada ndzai ata dǝgǝl kuhyikur ba ta sǝwa ɗǝfǝr Zǝr Agam ni!