Wulsu 4:10 - Kibaku NT

¹⁰ ndzǝ ngga-ngga yarɛ sǝɗǝthlani kapu fwaɗu ni dla akǝmari dzǝ nam ada ndzai ata dǝgǝl kuhyikur, ba vǝkǝr sǝlai alari dzǝ nam aka mpikɛ kura kurkuri. Dar pui aliyapǝr dar yarɛ akǝma dǝgǝl kuhyikurni ka nkǝrɛ:

Wulsu 4:10 Iomraidhean Croise

Mata 2:11

Sakatǝ dar tara livi akwa kǝi ni, dar ka ɓui zǝr ni aka angǝri Maryamu, ba dar ka zǝɗi ka vǝkǝr sǝlai alari. Aghǝla ǝni dar ka mbugǝrnta ngǝrkǝr dar ka kǝlba hyirdiyir dinar ba sǝ sǝwur sǝɗa ba mǝr.

Luka 24:52

Antǝ dar ka vǝkǝr sǝlai alari, dar ka ɓiti asi akwa Ursalima tǝ dar ada kutsari nam ngga.

1 Ndzǝr Kwaranti 15:10

Ama atar ɗakur Hyal Yi kǝ ndzai sǝ nam tǝ Yi ndzai, ba ɗakurni tǝbwarna ta ndzai ɓǝrtu wɛ. Pam ta ǝni Yi 'ya kǝthlǝr nam dzau ta kǝlara ndɛ akwa ntsa dar—wala ahani adi Yi dza 'ya wɛ, ama ɗakur Hyal ni nam akai.

Wulsu 10:6

Ba dzǝ ka mbǝrɛ aka thlǝma ndǝ nam ada ndzai kura kurkuri, ndǝ nam tara mǝrti ati yarɛ ba sanga sǝ nam akwa dar, dai ba sanga sǝ nam akwa dza, ba manda aka sanga sǝ nam akwa dza, ba ndǝr hyantǝr Hyal ni nkǝrɛ, “Sakar sǝkǝ ndɛ tsu adi wɛ!

Wulsu 11:16

Ba ndzǝ ngga-ngga sǝɗǝthlani kapu fwaɗu ni, nam ada ndzǝndzai ata dǝgǝl kuhyikur dar yarɛ akǝma Hyal, dlǝdla tǝ kǝma dar ka vǝkǝr sǝlai ala Hyal,

Wulsu 15:4

Wa ani kura awa hyivǝr tǝngɛ, Ya Thlaku, Ba si aka nggakur ala thlǝma gɛ? Akuya gǝ duku ani kartǝ. Sanga dai yarɛ ata si ka vǝkǝr sǝlai akǝma gɛ, akuya 'ya sǝr ngɛ nam kal-kal kǝ sǝba ata babal.”

Wulsu 15:7

Antǝ pathlu akwa ntsa su aka mpikɛ fwaɗu yarni ka la ndzǝr hyantǝr Hyal yarɛ murfwɛ ni ntasa yarɛ nǝr dinar murfwɛ ghǝi-ghǝi aka sǝwa ɗǝfǝr Hyal, nam ada ndzai kura kurkuri.

Wulsu 19:4

Ndzǝ ngga-ngga sǝɗǝthlani kapu fwaɗu ba sǝ aka mpikɛ fwaɗu yarnda dla ka vǝkǝr sǝlai ala Hyal, dzǝ nam ada ndzai ata dǝgǝl kuhyikur. Ba dar nkǝrɛ: “Apani, Hǝmɛ!”

Wulsu 4:2

Tǝkǝma Yi ka lǝkwa mambǝlɛ, ba akwanda akǝmawai dǝgǝl kuhyikur atahyal aka ndǝ laka ada ndzai ati.

Wulsu 4:4

Tara dlǝti dǝgǝl kuhyikur nda ani dǝgǝl kuhyikur yarɛ damwa sǝɗǝthlani kapu fwaɗu, ba ndzǝ ngga-ngga yarɛ sǝɗǝthlani kapu fwaɗu ada ndzai ata dar. Dar hadzɛ lǝkutu mwamwapu ba aliyapǝr dinar ata kǝra dar yarɛ.

Wulsu 4:9

Kǝlara saka nam tǝ sǝ yarɛ nam aka mpikɛ ada hǝm tǝni, ada lari nggakur, ba ada gwaditsǝni alari dzǝ nam ada ndzai ata dǝgǝl kuhyikur ba dzǝ nam aka mpikɛ kura kurkuri,

Wulsu 5:14

Sǝ yarɛ fwaɗu nam aka mpikɛ nkǝrɛ, “Apani,” Ba ndzǝ ngga-ngga yarɛ dlǝdla ka vǝkǝr sǝlai.

Wulsu 5:8

Ba sakatǝ dzǝ ngǝzi kakadu pǝrpǝri ni, sǝ aka mpikǝ fwaɗu ba ndzǝ ngga-ngga sǝɗǝthlani kapu fwaɗu yarni dla akǝma Zǝr Agam ni. Kǝlara ndɛ aka zǝmbǝlɛ ba dar ngǝzi ntasar dǝnar yarɛ ghǝi-ghǝi aka sǝ sǝwur, nam ani aduwa yarɛ nǝr ndzǝr Hyal.

Wulsu 7:11

Sanga ndzǝr hyantǝr Hyal ada hihyati ata ngwama dǝgǝl kuhyikur ba ata ngwama ndzǝ ngga-ngga yarɛ ba sǝ yarɛ aka mpikǝ fwaɗu. Dar dla tǝ kǝma dar akǝma dǝgǝl kuhyikur ni ba dar ka vǝkǝr sǝlai ala Hyal,