Wulsu 4:1 - Kibaku NT

¹ Aghǝla ǝni Yi wulɛ, ba akwanda akǝmawai nyavǝr mburmburi ada hyati atahyal. Ba kuɗahu tǝ Yi ngati tangkǝma ada labar alai apa tǝmbǝlɛ ka nkǝrɛ, “Sǝti akwani, ba Yi ata tsanti ala gɛ sǝ nam ata 'ya aghǝla ǝni.”

Wulsu 4:1 Iomraidhean Croise

Mata 3:16

Tǝkǝma sakatǝ ndǝ 'ya bamtizǝma ala Yɛsu, dzǝ ka sǝba ta yimi ni. Akwa saka ǝnda atahyal ka mburntadzi, ani dzǝ ka wula Mambǝlǝr Hyal sǝgǝl ka pwɛ aka paraku ata kǝrari apa adlakukyala.

Markusu 1:10

Kura aka santa sakatǝ Yɛsu sǝba akwa yimi, dzǝ wula atahyal tara mburntadzi antǝ Mambǝl ni sǝgǝl ata kǝrari apa adlakukyala.

Luka 3:21

Aghǝla tǝ ndǝ kurai 'ya bamtizǝma ala sanga ndzi, ndǝ ka 'ya ala Yɛsu dzǝ ma. Tǝ dzǝ ata kǝra 'ya aduwa, ani atahyal ka mburntadzi,

Yawhana 16:13

Ama sakatǝ Mambǝlǝr dzǝrkur si, dzǝ ata pwar tǝ gǝri akwa sanga dzǝri. Dza adi ata 'ya ndǝrɛ nǝr kǝrni wɛ: Dza ata gha ala gǝri sǝ nam tǝ dzǝ ngati, ba gha ala gǝri ata kǝra sǝ nam tsu ata 'ya alǝkǝma.

'Ya Su 10:11

Dzǝ wula atahyal mburntadzi, sǝ laka ngga ada sǝgǝl apa lǝru, ndɛ ada haghǝl tǝni asǝgǝl aka kuɗǝma fwaɗu.

'Ya Su 7:56

Ba dzǝ nkǝrɛ ala dar, “Wulɛ, Yi wula atahyal mburntadzi ba Zǝr Ndɛ ada hyati tǝbwar tsisǝma Hyal.”

Wulsu 1:10

Ata Vǝrǝr Thlaku Yɛ akwa mambǝlɛ, ba Yi ngati aghǝlawai kuɗahu nam ngga apa tǝmbǝlɛ,

Wulsu 1:12

Yi mbaltǝ kǝrna ka Yi wula kuɗahu nam ada ndǝrɛ alai. Sakatǝ Yi mbaltǝ kǝrna Yi wula thlǝmthlǝmǝr dinar murfwɛ nǝr hai pitǝla yarɛ.

Wulsu 1:19

“Rǝbwai, dzá, sǝ nam tǝ gǝ wula, sǝ nam kulini ba sǝ nam ata si 'ya alǝkǝma.

Wulsu 11:12

Antǝ dar ngati kuɗahu ngga atahyal ada nkǝrɛ ala dar, “Azǝramɛ asǝti akwani.” Ba dar ka mwari alǝtahyal akwa dlamba, tǝ dǝgunmar dar yarɛ ada wulɛ.

Wulsu 11:19

Antǝ fǝr Hyal nam atahyal mburntadzi, ba akwa kuta fǝr Hyalǝrni ndǝ wula ɗakwatiyir sǝ mbwa-mbwa ni. Ba akwanda parakǝr makǝi, pǝral yarɛ, dlǝri, kǝngǝrǝr dai ba mandzandzǝlai hang si.

Wulsu 16:17

Ndǝr hyantǝr Hyal nam murfwǝkur sǝnanta sǝ nam akwa ntasar ni akwa sambar, ba akwa kuta fǝr Hyal ni kuɗahu nam aka dǝna sǝba akwa dǝgǝl kuhyikur ni, ka nkǝrɛ, “Kǝ kuri!”

Wulsu 19:11

Yi wula atahyal mburntadzi ba akwanda akǝmawai taku mwapu, nam tǝ ndǝr dlǝr tǝni ndɛ ada kǝga tǝ Ndǝ aka Dzǝrkur ba Dzǝri. Aka kalkalkur tǝ dzǝ ada 'ya haka aka mpa.

Wulsu 22:6

Ndǝr hyantǝr Hyal ni nkǝrɛ alai, “Ndǝr ǝni yarni dar mǝzi ka ndǝ mbǝrsa akǝri ba dar dzǝri. Thlaku Hyal ni, nam tara la mambǝlǝrni ala nabi yarɛ ni, hyanti ndǝr hyantǝr Hyalǝrni ka dzǝ tsanti ala madar kǝiyirni sǝ yarɛ nam kǝ ndzai ntsakǝr ata 'ya kulini-kulini.”