Wulsu 3:4 - Kibaku NT

⁴ Ama gɛ aka ndzǝ nkyiɗǝ laka akwa Sardisu ndzǝ nam kura ta ngigǝlti lǝkutǝr dar yarɛ. Dar ata mwari kaka yɛ, tǝ dar hadzǝ kari mwapu, akuya dar mǝzi.

Wulsu 3:4 Iomraidhean Croise

Mata 10:11

“Kǝlara di nam ngga wala mǝlmɛ nam nkyiɗu tǝ gǝri lǝkwa, ka gǝri bara ndǝ nam tara mǝzi akwanda ka gǝri ndzai aharni tar vǝr tǝrar gǝri.

Markusu 16:5

Sakatǝ dar lǝkwa kulari, dar ka wula zǝr dakwai aka lǝkutu mwapu ada ndzai tǝbwar tsisǝmɛ, ka 'ya ala dar sǝr ndati.

Luka 20:35

Ama ndzǝ nam ata mǝzi tǝ Hyal ata hyanti tǝ dar akwa ntǝnti ka ndzai akwa zaman ǝnda, dar adi ata kǝl mwala wala pwarnta nkwa ala sal wɛ.

Luka 21:36

Kǝlara saka ka gǝri ndzai aka ɗǝmhǝdzi, ka gǝri 'ya aduwa ka gǝri ɓui dǝnar whui atǝra ka ngyar sanga dzǝli sǝ yarni nam ata 'ya, ba ka gǝri mǝzi ka hyati akǝma Zǝr Ndɛ.”

'Ya Su 1:15

Akwa vǝr yarɛ ǝnda, Bitrusu ka hyati akwa ntsa ndzǝ nam tara mbǝrsa (ndzǝ kudzǝghɛ adzǝ kumthlani aka sǝɗǝthlani) dzǝ ka nkǝrɛ,

2 Ndzǝr Tasalaunika 1:5

Sang ǝni ani sǝ nam tara tsanti apǝri hakar Hyal ani kal-kal, ba ata nyar ǝni ndǝ ata tsu tǝ gǝri apǝri gǝri mǝzi ndzai akwa kuhyikur Hyal, nam tǝ gǝri ada sa bwanai akuya kari.

Yahuda 1:23

ka gǝri mbulba ndzǝ laka yarɛ ta u'u; ba ka gǝri mbati tǝ dar; ka gǝri tsan kǝtǝrdzi ala ndzǝ laka yarɛ, gyapu aka hyivǝr—ka gǝri ngǝla wala kariyir dar nam tara ngigǝltǝdzi aka kulɗakur dar nǝr kum aka masi.

Wulsu 1:11

nam tara nkǝrɛ: “Rǝbwai ata kakadu pǝrpǝri sǝ nam tǝ gǝ wula ka gǝ hyanti ala ikǝlizǝya yarɛ murfwɛ: akwa Afisa, Sǝmarna, Pǝrgamum, Thliyatira, Sardisu, Filadalfiya, ba Laudikiya.”

Wulsu 11:13

Tsu ata saka ǝnda kǝngǝrǝr dai nam dzau 'ya ba bwa kumɛ nǝr mǝlmǝ ni whuzantadzi. Ndzǝ kumthlani kumɛ ka murfwɛ kurntadzi akwa kǝngǝrǝr dai ni ba ndzǝ nam kura ta kurntadzi lǝkwa hyivǝr ba dar la sǝlai ala Hyal nam atahyal.

Wulsu 14:4

Əni yarni ani sǝli nam kura ta sǝwati kǝr dar aka mwahyi, akuya dar ngǝngǝuti kǝr dar kura diɗɛ. Dar nu Zǝr Agam ni akwa kǝlara vui tǝ dzǝ lǝkwa. Ndǝ ɗǝlba tǝ dar akwa ntsa ndzi ndǝ ka hamnta tǝ dar apa munya nam tangkǝma ala Hyal ba ala Zǝr Agam ni.

Wulsu 19:14

Saudza yarɛ nam atahyal ada nu tǝni, tǝ dar ada dlǝr taku mwamwapu ba dar hadzǝ lilǝng nam ɗaku, mwapu ba kǝtsǝkǝtsi.

Wulsu 19:8

Lilǝng nam ɗa, ada mbǝli ba kǝtsǝkǝtsi, tǝ ndǝ lari ka dzǝ hati.” (Lilǝng nam ɗaku ni dzǝ ani kǝthlǝr yarɛ nam ɗa tǝ ndzǝr Hyal tara 'ya.)

Wulsu 3:18

Yi galatsǝni tǝngɛ ka gǝ ɗǝlba akai dinar ngi-ngi akwa u'u, ani ka gǝ 'ya bǝrba; ba kari mwapu ka gǝ hadzɛ, ani ka gǝ mbui sǝlaiyir anghyaɗukur ngɛ; ba kuzugu ka gǝ puti ata ntsa gɛ, ani ka gǝ wula su.

Wulsu 3:5

Ndǝ nam tara sǝmkǝr, tsu apa dar, dzǝ ata hadzǝ kari mwapu. Yi adi ata saga sazǝnta thlǝmari akwa kakadǝr mpikǝ wɛ, ama Yi ata nkǝrba thlǝmari akǝma Bana ba ndzǝr hyantǝrni yarɛ.

Wulsu 4:4

Tara dlǝti dǝgǝl kuhyikur nda ani dǝgǝl kuhyikur yarɛ damwa sǝɗǝthlani kapu fwaɗu, ba ndzǝ ngga-ngga yarɛ sǝɗǝthlani kapu fwaɗu ada ndzai ata dar. Dar hadzɛ lǝkutu mwamwapu ba aliyapǝr dinar ata kǝra dar yarɛ.

Wulsu 6:11

Antǝ ndǝ la kǝlara akwa ntsa dar lǝkutu mwapu, ba ndǝ ka gha ala dar ka dar ɗar sǝkɛ, si ma hangkur madar mama kaka nkwaiyir mama dar—madar kǝiyir Yɛsu nam tǝ ndɛ ata tsai apa dar kurabadzi.

Wulsu 7:9

Aghǝla ǝni, akwanda Yi wula dlamiyir ndzǝ hang akǝmawai nam kura ndɛ awa tsǝba, akwa kǝlara dai, dǝr, ndzǝ ba nya, ada hyati akǝma dǝgǝl kuhyikur ba akǝma Zǝr Agam. Dar hadzǝ kari mwamwapu ba dar ngǝngǝzi thlaliyir dibuna akwa tsiya dar.