Wulsu 3:12 - Kibaku NT

¹² Ndǝ nam tara sǝmkǝr Yi ata mǝrti tǝni mǝtǝnga akwa fǝr Hyal nǝr Hyalǝrna, ba dzǝ adi ata saga ngyar tǝni wɛ. Yi ata rǝbwai ata dzari thlǝma Hyalǝrna ba thlǝma mǝlmǝr Hyalǝrna, Ursalima nam bǝlin, nam ata sǝgǝl atahyal aka Hyalǝrna; ba Yi yɛ Yi ata rǝbwai ata dzari thlǝmawai nam bǝlin.

Wulsu 3:12 Iomraidhean Croise

Markusu 12:16

Dar si aka kwapa ni, ba dzǝ ka yu tǝ dar, “Ənǝni par wa? Ba thlǝma wa rǝbwa-rǝbwa ni?” Dar ka nkǝrɛ alari, “Nǝr Kaisar.”

Ndzǝr Galatiya 2:9

Sakatǝ Yakubu ba Bitrusu ba Yawhana dar nam ngganggar thlǝmthlǝmǝr ikǝlizǝya tara wula ɗakur Hyal adzǝ yar dar ka dlutsi tǝ yar akwa mwardzǝr yar aka Barnabas, kadǝbar ka yar mwari adzǝ ndzǝ kura Yahudi, dar tsuwɛ adzǝ ndzǝr Yahudi nam aka thlakatsa.

Ndzǝr Afisa 3:15

adzǝni tǝ yalǝrni sang nam atahyal ba ata dai tara ɓui thlǝma dar.

Ndzǝr Ibrahim 12:22

Ama gǝr si adzǝ Payar Sihiyauna, ba akwa mǝlmǝr Hyal nam aka mpikɛ, Ursalima nam atahyal, ba vui nam tǝ tsaɓtsǝnidzǝr kutsari nǝr ndzǝr hyantǝr hyal yarɛ nam hang akwa,

Ndzǝr Ibrahim 13:14

Akuya akwani mur adi aka mǝlmɛ nam kura ada 'yantadzi wɛ, ama muri ada bara mǝlmǝ nam tsu ata si.

1 Yawhana 4:4

Gǝri, madausai yarɛ nam tǝ Yi yiɗɛ, gǝri nǝr Hyal, ba gǝr sǝmkǝr ata kǝra dar, kadǝbar dzǝ nam akwa gǝri dzǝ ɓwalta dzǝ nam akwa dunya ni.

Wulsu 14:1

Antǝ Yi wula, ba akwanda akǝmawai Zǝr Agam, ada hyati ata payar Sihiyauna, ba kaka dza ndzǝ 144,000 nam aka thlǝmari ba thlǝma atǝgǝri rǝbwa-rǝbwa ata mumurkǝma dar.

Wulsu 17:14

Dar ata 'ya mpa ata kǝra Zǝr Agam ni, ama Zǝr Agam ni ata sǝmkǝr ata kǝra dar kadǝbar dzǝ dza Thlakǝr thlaku yarɛ ba Kuhyir kuhyi yarɛ—ba ata ndzai kaka dza ndzǝ nam tǝ dzǝ kǝgati, ba tsarba ba ndzǝ nam aka mbǝrsa ba ada nuwɛ aka dzǝrkur.”

Wulsu 2:11

Ndǝ nam aka thlǝmǝr ngati, ngyar ka dzǝ ngati sǝ nam tǝ Mambǝl nkǝrɛ ala ikǝlizǝya yarɛ. Ndǝ nam tara sǝmkǝr dzǝ adi ata 'yantadzi aka nti nǝr sǝɗǝkur wɛ.

Wulsu 2:17

Ndǝ nam aka thlǝmǝr ngati, ngyar ka dzǝ ngati sǝ nam tǝ Mambǝl nkǝrɛ ala ikǝlizǝya yarɛ. Ala ndǝ nam tara sǝmkǝr, Yɛ ata lari laka manna nam ɗǝwa-ɗǝwa. Tsuwɛ Yɛ ata lari paya mwapu aka thlǝm bǝlin rǝbwa-rǝbwa ati, ndǝ nam tara dlutsi paya ni ɗiɗi ani ata zǝndi.

Wulsu 2:7

Ndǝ nam aka thlǝmǝr ngati, ngyar ka dzǝ ngati sǝ nam tǝ Mambǝlɛ tara nkǝrɛ ala ikǝlizǝya yarɛ. Ala ndǝ nam tara sǝmkǝr, Yɛ ata lari whalɛ ka dzǝ kwasǝ fur mpikɛ, nam ani akwa vui ndzai nam sǝɗa nǝr Hyal.

Wulsu 21:2

Yi wula Mǝlmǝr Hyal, Ursalima nam bǝlin, ada sǝgǝl ati adzǝ Hyal, tǝ ndǝ ɗǝmhǝ apa kambǝl tara dzǝguti kǝrni dakwai kadǝbar salǝrni.

Wulsu 22:4

Dar ata wula kǝmari, ba thlǝmari ata ndzai rǝbwa-rǝbwa ata mumurkǝma dar.

Wulsu 3:5

Ndǝ nam tara sǝmkǝr, tsu apa dar, dzǝ ata hadzǝ kari mwapu. Yi adi ata saga sazǝnta thlǝmari akwa kakadǝr mpikǝ wɛ, ama Yi ata nkǝrba thlǝmari akǝma Bana ba ndzǝr hyantǝrni yarɛ.