Wulsu 3:11 - Kibaku NT

¹¹ Yɛ ata si kulini-kulini. Ngǝzi ɓaɓal sǝ nam tǝ gɛ akǝri, ani ka ta ndǝ ta mbuli aliyapǝr ngɛ.

Wulsu 3:11 Iomraidhean Croise

1 Ndzǝr Kwaranti 9:25

Kǝlara ndɛ nam tara lǝkwa gyali dzǝ ada lǝkwa tsǝlɛ nam dzau. Dar ada 'ya ka dar ɓui aliyapu nam kura ada sǝkar; ama muri ada 'ya tǝni ka ɓui aliyapu nam ada ndzai kura kurkuri.

Ndzǝr Filibi 4:5

Ngyar ka kanadikur gǝri nam ɗa tsantǝdzi ala sanga ndɛ. Thlaku kǝ 'ya kudzǝghɛ.

2 Timathlawus 2:5

Tsu apani, ma kǝlara ndǝ nam akwa pǝpǝlar gyaliyir whuwhui kaka fǝgǝli, dzǝ adi ata ɓui aliyapǝr sǝmkǝr wɛ tar ma dzǝ nu sanam yarɛ nǝr 'ya pǝpǝla ni.

2 Timathlawus 4:8

Kulini ada vi alai akwa vui ɗǝwa aliyapǝr ndzai kalkalkur, nam tǝ Thlaku, ndǝr 'ya haka nam kal-kal, tǝ dzǝ ata lai vǝr ǝnda—ba adi alai Yi duku wɛ, ama sanga ndzǝ nam ada sǝkǝ siyirni aka dzala.

Yakubu 1:12

Barka ala ndzǝ nam ada ɓati su akwa sakar sǝr nkǝrti, akuya ma dzǝ ɓati sǝr nkǝrti ni, dzǝ ata siya dlutsi aliyapǝr mpikǝ nam tǝ Hyal tara 'ya alkawalari ala ndzǝ nam tara yiɗǝ tǝni.

Yakubu 5:9

Madar mama kaka nkwaiyir mama yarɛ, ta gǝri ta huhuni ata kǝra kǝma gǝri, adi ahani wɛ ndǝ ata 'ya ala gǝri haka. Ndǝr 'ya haka ni dzǝ ada hyati abǝla nyavǝr!

Wulsu 1:3

Barka ani ala ndɛ nam tara kǝratsǝni labar ndǝr nabikur ǝni, ba barka ala ndzǝ nam ada ngati ba kǝtǝ akwa ɗǝfu sǝ nam rǝbwa-rǝbwa akwa, kadǝbar saka kǝ 'ya kudzǝghɛ.

Wulsu 16:15

“Nda dzá, Yi si apa ndǝr hǝlɛ! Kutsari aka ndǝ nam tara ndzai ata mulɛ ba ngǝzi kariyirni akari, ani ka ta dzǝ ta mwari anghyaɗu ta asǝrni ta mburntadzi.”

Wulsu 2:10

Ta gǝri ta hyivǝr ata kǝra sǝ nam tǝ gǝri angwada ɗar bwanai ata kǝri. Yi gha ala gǝri, Satan ata pu ndzǝ laka akwa ntsa gǝri akwa fǝrsǝna ka nkǝrti tǝ gǝri, ba gǝri ata ɗar bwanai nǝr vǝr kumɛ. Ndzai aka dzǝrkur, har ka la nti, ba Yɛ ata la gǝri aliyapǝr mpikɛ.

Wulsu 2:13

Yi zǝndi vui ndzaiyir gǝri—vui nam tǝ Satan ada 'ya kuhyikur akwa. Wala apani gǝri ngǝzi thlǝmawai aka dzǝrkur. Gǝri ta ɓwalnyar hamnta dzǝrǝr gǝri akwa Yi wɛ, wala akwa vǝr yarɛ nǝr Antipas, ndǝr sakǝidarna nam dzǝri, nam tǝ ndǝ tsi akwa mǝlmǝr gǝri—vui nam tǝ Satan ada ndzai.

Wulsu 2:25

Lǝkǝmamɛ aka mbǝrsa ɓaɓal akwa labar nam tǝ gǝri dlutsi sai ma Yi si.

Wulsu 22:12

“Wulɛ, Yi ata si kulini-kulini! Ba sakatǝ Yi si Yi ata la wadzǝɓa ala kǝlara ndɛ kal-kal aka sǝ nam tǝ dzǝ tara 'yati.

Wulsu 22:20

Ndǝ nam tara ndǝrɛ ata kǝra sǝ yarni nkǝrɛ, “A, Yɛ ata si kulini-kulini.” Apani. Si, Thlaku Yɛsu.

Wulsu 22:7

“Wulɛ, Yi ata si kulini-kulini! Kutsari aka ndǝ nam tara ɓǝlati ndǝr yarɛ nǝr nabikur nam akwa kakadu ni.”

Wulsu 3:3

Ka gǝ ɗǝngati, sǝ nam tǝ gǝ dlutsi ba ngati; ka gǝ ɓǝla tǝni, ba ka gǝ tubi. Ama ma gǝ ta hyati wɛ, Yɛ ata si apa ndǝr hǝlɛ, ba gɛ adi ata zǝndi saka nam tǝ Yɛ ata si ata kǝra gǝ wɛ.

Wulsu 4:10

ndzǝ ngga-ngga yarɛ sǝɗǝthlani kapu fwaɗu ni dla akǝmari dzǝ nam ada ndzai ata dǝgǝl kuhyikur, ba vǝkǝr sǝlai alari dzǝ nam aka mpikɛ kura kurkuri. Dar pui aliyapǝr dar yarɛ akǝma dǝgǝl kuhyikurni ka nkǝrɛ:

Wulsu 4:4

Tara dlǝti dǝgǝl kuhyikur nda ani dǝgǝl kuhyikur yarɛ damwa sǝɗǝthlani kapu fwaɗu, ba ndzǝ ngga-ngga yarɛ sǝɗǝthlani kapu fwaɗu ada ndzai ata dar. Dar hadzɛ lǝkutu mwamwapu ba aliyapǝr dinar ata kǝra dar yarɛ.