Wulsu 3:10 - Kibaku NT

¹⁰ Tǝng tǝ gǝ kǝ ɓǝlati tsauwurna tǝ gǝ ɓati aka kǝmarkur, Yɛ tsuwɛ Yɛ ata ɓǝlati tǝngɛ akwa sakar nkǝrti nam angwada si ata kǝra sanga dunya ka nkǝrti ndzǝ nam ada ndzai akwa dunya.

Wulsu 3:10 Iomraidhean Croise

Mata 24:14

Ba ndǝrǝr Hyal nam sǝɗa ǝni nǝr Kuhyikur ni ndǝ ata nkǝrnta akwa sanga dunya apa sakǝida ala sanga di yarɛ, ba dzá dǝntari ata si.

Mata 26:41

Ka gǝri sǝkɛ ba 'ya aduwa ani ka ta gǝri ta ɗu akwa sǝr nkǝrti. Mambǝl ni ada bara, ama kumǝr dzɛ adi aka dǝna wɛ.”

Mata 6:13

Ba ta gǝ ta mwari aka yar akwa vui nkǝrti, ama ka gǝ mbuli tǝ yar akwa tsiya ndǝ kulɗa.’

Markusu 14:9

Kulini, Yi ada nkǝrɛ ala gǝr dzǝr dzǝri, apǝri kǝlara vui tǝ ndǝ nkǝr ndǝrǝr Hyal nam sǝɗa akwa sanga dunya, sǝ tǝ dzǝ mǝrti ata ndzai sǝr nkǝrɛ ka ɗǝngati tǝni.”

Luka 2:1

Akwa saka nda, Kaisar Augustus hyanǝba kuɗahu apǝri ka ndǝ tsǝba sapǝr ndzǝ nam akur kuhyikur Rauma.

Yawhana 17:6

“Yi nkǝrba thlǝma gɛ ala ndzǝ nam tǝ gǝ faba lai akwa dunya. Dar nǝngɛ; gǝ lai tǝ dar, dar ɓǝlati ndǝrǝr ngɛ.

Ndzǝr Rauma 1:8

Tangkǝma, Yi gwaditsǝni ala Hyalǝrna atar Yɛsu Kǝrsti akuya ka gǝri sang, kadǝbar ndzɛ ada ndǝrǝr hamnta dzǝrǝr gǝri akwa sanga kuta dunya.

1 Ndzǝr Kwaranti 10:13

Nkǝrti adai tara ɓui tǝ gǝri wɛ tar ma dzǝli nam ada ɓui ndɛ. Ba Hyal aka dzǝrkur; dzǝ adi ata ngyar tǝ gǝri ka gǝr lǝkwa nkǝrti nam kura gǝri awa ɓati wɛ. Ama sakatǝ nkǝrti ɓui tǝ gǝri dzǝ ata si aka whal nam tǝ gǝri ata lǝba akwa ani ka kura gǝri awa dla akwa.

Ndzǝr Afisa 6:13

Kadǝbar ǝni ka gǝri pudzɛ sanga kariyir mbu dzɛ akwa mpa nǝr Hyal, ani ka sakatǝ vǝr kulɗa ni si, gǝri ata mǝzi ka mbuli kǝr gǝri, ba aghǝla tǝ gǝri 'yati kǝlara su, nam kura gǝri awa dla.

2 Timathlawus 2:12

Ma muri ɓati, muri ata 'ya kuhyikur kaka dza. Ma muri ngǝla tǝni, dzǝ yɛ dzǝ ata ngǝla tǝ muri;

Yakubu 3:12

Madar mana kaka nkwaiyir mana yarɛ, ká kanda awa yai sǝka ya, wala bǝrbudzi awa yai kanda ya? Tsuwɛ apani sangǝr yimi nam mǝmǝtsu adi awa sǝba aka yimi nam sǝɗa wɛ.

1 Bitrusu 4:12

Pazǝrna yarɛ nam tǝ Yi yiɗɛ, ta gǝr ta ndatǝdzi ka kalǝr nkǝrti nam tǝ gǝri ada ɗar, apa apǝri sǝ laka bǝlin ɓui tǝ gǝri.

2 Bitrusu 2:9

ma apǝri ani ahani, antǝ Thlaku zǝndi whal nam tǝ dzǝ ata mbulba ndzǝ nam ada ndzai nǝr Hyalkur akwa bwanai, ba dzǝ ata ngǝzi ndzǝ nam kura ada 'ya sǝ kal-kal akuya ka vǝr haka, nam ani vǝr nam tǝ dar ata ɓui haka.

Wulsu 1:9

Yɛ, Yawhana, zǝr mama gǝri ba ndǝr bwanai kǝma gǝri akwa kuhyikur Yɛsu ba kǝmar ɓatǝsu nam nǝmuri akwa Yɛsu, Yɛ ata garǝr Patmausu kadǝbar ka ndǝrǝr Hyal ba nkǝrnta su ata kǝra Yɛsu.

Wulsu 11:10

Ndzǝ nam akwa dunya ata kutsari ata kǝra dar ba dar ata 'ya gyali ka hyanǝ sǝga yarɛ ala kǝma dar, kadǝbar nabi sǝɗɛ yarni la bwanai ala ndzǝ nam akwa dunya.

Wulsu 13:10

Kǝlara ndǝ nam tǝ ndǝ vǝkǝr alari apǝri dzǝ ata 'ya fali, ani ndɛ ata ngǝti tǝni fali. Kǝlara ndɛ tǝ ndǝ vǝkǝr alari apǝri ndɛ ata tsi tǝni tǝ katsakar, tǝ katsakar tǝ ndɛ ata tsi tǝni. Əni ada gha ka ndǝ ɓatǝsu ba hamnta dzǝri nǝr ndzǝr Hyal ni.

Wulsu 13:14

Kadǝbar ka sǝr ndati yarɛ nam tǝ ndǝ lar dǝna tǝ dzǝ ada 'yati ata vuiya mawi kulɗa nam tangkǝma ni, dzǝ zǝlanta ndzǝ nam ada ndzai ata dai. Dzǝ hau tǝ dar ka mǝrti su tara par mawi kulɗa nam tangkǝma ni ka vǝkǝr sǝlai ala mawi kulɗa nam tara ɓui mbǝlkǝr katsakar ba tsu dzǝ aka mpikɛ.

Wulsu 13:8

Sanga ndzǝ nam ata dai ata vǝkǝr sǝlai ala mawi nam kulɗa ni—dar ani ndzǝ nam kura thlǝma dar rǝbwa-rǝbwa akwa kakadǝr mpikɛ ata baditsǝniyir dunya. Kakadu ni nǝr Zǝr Agam nam tǝ ndǝ tara thlakǝr wuya alari.

Wulsu 14:12

Əni ada kǝga ndzǝr Hyal nam ada ɓǝla tsauwur Hyal yarɛ ka dar ɓatǝsu ba ndzai aka dzǝrkur ala Yɛsu.

Wulsu 14:6

Antǝ Yi wula ndǝr hyantǝr Hyal damwa ada ɗǝghǝti akwa sambar, ba dzǝ aka labar Hyal nam kura kurkuri tǝ dzǝ ada gha ala ndzǝ nam ada ndzai ata dai—ala kǝlara dai yarɛ, dǝr, nya ba ndzi.

Wulsu 16:14

Dar ani mambǝl kulɗa yarɛ nam ada 'ya parsu nǝr ndatǝdzi yarɛ, ba dar sǝba ka tǝra adzǝ kuhyi yarɛ nǝr sanga dunya, ka tsaɓtsǝni tǝ dar akuya ka mpa ata vǝr nam ngga nǝr Hyal nam Ɓwaltasang.

Wulsu 17:2

Kuhyir dunya yarɛ 'ya badawikur aka dza ba ndzǝ nam ada ndzai akwa kuta dunya ka ghǝi tǝ mbalǝr badawikurni.”

Wulsu 17:8

Mawi kulɗa ni, nam tǝ gǝ wula, watsi dzǝ adai, ama kulini dzǝ adi wɛ, ba dzǝ ata sǝba akwa Kau nam Dzǝgam ni ka mwari akwa vui santadzǝr ni. Ndzǝ nam ada ndzai akwa dunya ni nam kura thlǝma dar rǝbwa-rǝbwa akwa kakadǝr mpikɛ tǝng tǝ ndǝ hǝnti dunya dar ata ndatǝdzi sakatǝ dar wula mawi ni, kadǝbar watsi dzǝ adai, ama kulini dzǝ adi wɛ, ba wala ahani dzǝ ata si.

Wulsu 2:10

Ta gǝri ta hyivǝr ata kǝra sǝ nam tǝ gǝri angwada ɗar bwanai ata kǝri. Yi gha ala gǝri, Satan ata pu ndzǝ laka akwa ntsa gǝri akwa fǝrsǝna ka nkǝrti tǝ gǝri, ba gǝri ata ɗar bwanai nǝr vǝr kumɛ. Ndzai aka dzǝrkur, har ka la nti, ba Yɛ ata la gǝri aliyapǝr mpikɛ.

Wulsu 3:8

Yi zǝndi sǝr 'yar ngɛ yarɛ. Wulɛ, Yi kǝ vi nyavǝr mburmburi akǝma gɛ nam tǝ ndǝr harti adi wɛ. Wala ahani Yi zǝndi apǝri gɛ aka dǝna nkyiɗǝ laka, ama gǝ ɓǝlati labarna ba gǝ ta ɓwalnyar thlǝmawai wɛ.

Wulsu 6:10

Dar kǝga aka kuɗahu ngga, “Nama, Thlaku nam aka dǝna ta sang, gǝ nam kartǝ ba gǝ ndǝr dzǝri, tǝ gǝ awa 'ya haka ala ndzǝ nam akwa dunya ba nkyinta sǝkurǝr masǝr yar?”

Wulsu 8:13

Apa tǝ Yi ada wulɛ, Yi ngati ambǝlǝm nam ada ɗǝghǝti akwa ɗǝfa sambar kǝga aka kuɗahu nam ngga: “Bwasam! Bwasam! Bwasam ala ndzǝ nam ada ndzai akwa dunya, kadǝbar ka tǝmbǝlɛ nam tǝ mambiya ndzǝr hyantǝr Hyal makǝr angwa mbǝrɛ!”