Wulsu 3:1 - Kibaku NT

¹ “Rǝbwai ala ndǝr hyantǝr Hyal nǝr ikǝlizǝya nam akwa Sardisu: Əni yarni ani ndǝrǝrni dzǝ nam tara ngǝzi mambǝlǝr Hyal yarɛ murfwɛ ba tsambiya yarɛ murfwɛ. Yi zǝndi 'yar ngɛ yarɛ; ndzǝ ada gha apǝri gɛ aka mpikɛ, ama gǝ ntǝnti.

Wulsu 3:1 Iomraidhean Croise

Luka 15:24

Akuya ka zǝrna nam tara nti, ama dzǝ ɓakta si aka mpikɛ, watsi dzǝ sa, ama kulini dzǝ ɓuidzi.’ Ani ba dar ka lǝkǝma aka 'ya kutsari.

Luka 15:32

Kǝ ndzai ntsakǝr ka ndǝ 'ya kutsari ba mwapukur ɗǝfu, kadǝbar zǝrma ǝni nam tara sa, ama kulini dzǝ ɓuidzi.’ ”

Yawhana 1:16

Atar ghǝighǝikur nǝr ɗakurni muri sang dlutsi barka duku ata kǝra damwa.

Yawhana 1:33

Yi ta zǝndi apǝri ani dza wɛ, ama Hyal nam tara hyanǝba tǝra ka Yi 'ya bamtizǝma aka yimi, gha alai, ‘Ndǝ nam tǝ gǝ tara wula tǝ Mambǝl ni tara sǝgǝl atahyal ka pwɛ ata dza ni, ani dza ndǝ nam ata 'ya bamtizǝma aka Mambǝl Kartǝ.’

Yawhana 20:22

Antǝ Dzǝ ka pu mpihǝrni ata kǝra dar, dzǝ ka gha, “Dlutsamɛ Mambǝl Kartǝ.

Yawhana 3:34

Kadǝbar ndǝ nam tǝ Hyal tara hyanti dzǝ ada nkǝrɛ sǝ nam tǝ Hyal tara gha, akuya ka dzǝ ada hamnta Mambǝl ni kura kurkuri.

'Ya Su 2:33

Ndǝ haɓǝti tǝni alǝti tǝbwar tsisǝma Hyal adzǝ atǝgǝri, ba dzǝ dlutsi aka Tada alkawalǝr Mambǝl Kartǝ. Sǝ nam kulini tǝ gǝri ada wula ba ngati ani sǝr hamnta nam tǝ dzǝ pukǝr ata kǝra muri.

Ndzǝr Afisa 2:1

Ba akwa saka nam tara kwatsǝni gǝri apa dzǝ ntǝnti akwa kura ngandǝrɛ ba 'ya biku yarɛ,

Ndzǝr Afisa 2:5

dzǝ mǝrti tǝ muri aka mpikɛ aka Kǝrsti wala sakatǝ muri ntǝnti akwa biku yarɛ—atar ɗakur tǝ ndǝ mbati tǝ gǝri.

Ndzǝr Kwalausi 2:13

Sakatǝ gǝri ntǝnti akwa bikǝr gǝri yarɛ ba gǝri akwa zumbulǝm dzá gǝri nǝr biku, Hyal mǝrti tǝ gǝri ata mulɛ kaka Kǝrsti. Dzǝ kyifǝnta ala muri sanga bikǝr muri yarɛ.

1 Timathlawus 5:6

Ama kuɗǝghum nam ada ndzai akuya ka nga sǝɗa, dzǝ ntǝnti wala tǝ dzǝ ata mulɛ ma.

Yakubu 2:26

Antǝ tsu apa tǝ dzɛ nam kura aka mambǝlɛ ani ntǝnti, ani tsu apani hamnta dzǝri kura aka kǝthlǝrari dzǝ ntǝnti.

1 Bitrusu 1:11

Mambǝlǝr Kǝrsti nam akwa dar ada gha ala dar dzǝli whal nam tǝ Kǝrsti ata ɗar bwanai akwa, ba aghǝla ǝni ndǝ ata lar nggakur. Ani dar ada bara ka dar ɓui sakari ba mǝmi tǝ sǝni ata 'ya.

Yahuda 1:12

Ndzǝ yarni tǝ gǝri ada sǝm sǝr sǝmǝr yiɗǝdzǝr gǝri atakǝmaduku kaka dar ni dar ndzǝr aibai kulɗa, dar ada sǝm su kaka gǝri kura aka hyivǝr wala nkyiɗu laka—dar ndzǝr ɓǝla nam ada la sǝr sǝmɛ ala kǝr dar ɗiɗi. Dar dlamba yarɛ nam kura aka yimi, tǝ sambar ada padǝnta atǝra; fur bikǝla yarɛ nam kura aka madar ba tǝ ndǝ ngungunti—dar nti ka ntǝkǝr.

Wulsu 1:11

nam tara nkǝrɛ: “Rǝbwai ata kakadu pǝrpǝri sǝ nam tǝ gǝ wula ka gǝ hyanti ala ikǝlizǝya yarɛ murfwɛ: akwa Afisa, Sǝmarna, Pǝrgamum, Thliyatira, Sardisu, Filadalfiya, ba Laudikiya.”

Wulsu 1:16

Akwa tsisǝmari dzǝ ngǝzi tsambiya yarɛ murfwɛ, ba katsakar tsǝltsǝli aka nya sǝɗɛ sǝba akwa nyari. Kǝmari ada mbǝli apa mbǝlǝr tsǝtsi talangkǝr.

Wulsu 1:20

Ɗzǝr ɗǝwa-ɗǝwa nǝr tsambiya yarɛ murfwɛ nam tǝ gǝ wula akwa tsisǝmawai ba thlǝmthlǝmǝr dinar murfwɛ nǝr hai pitǝla yarni ani ǝni: Tsambiya yarɛ murfwɛ ni ani ndzǝr hyantǝr Hyal nǝr ikǝlizǝya yarɛ murfwɛ, ba thlǝmthlǝmǝr dinar murfwɛ nǝr hai pitǝla yarɛ ni ani ikǝlizǝya yarɛ murfwɛ ni.”

Wulsu 1:4

Kakadu ni hyati aka Yawhana ala ikǝlizǝya yarɛ murfwɛ nam akwa diyir Asiya. Ka Hyal dzǝ nam kulini ba dzǝ nam watsi ba dzǝ ani nam ata si, ba mambǝl yarɛ murfwɛ nam akǝma dǝgǝl kuhyikur ni, ka dzǝ la gǝri ɗakur Hyal ba ndzai lapiyakur.

Wulsu 2:13

Yi zǝndi vui ndzaiyir gǝri—vui nam tǝ Satan ada 'ya kuhyikur akwa. Wala apani gǝri ngǝzi thlǝmawai aka dzǝrkur. Gǝri ta ɓwalnyar hamnta dzǝrǝr gǝri akwa Yi wɛ, wala akwa vǝr yarɛ nǝr Antipas, ndǝr sakǝidarna nam dzǝri, nam tǝ ndǝ tsi akwa mǝlmǝr gǝri—vui nam tǝ Satan ada ndzai.

Wulsu 2:19

Yi zǝndi sǝr 'yar gǝri yarɛ, yiɗǝdzǝr gǝri ba hamnta dzǝri, kǝthlǝr ba ɓati sǝr gǝri, ba sǝ nam tǝ gǝri ada 'ya kulini ɓwalta tǝ gǝri 'ya kǝma.

Wulsu 2:2

Yi zǝndi 'yar gǝri yarɛ, dzaukur kǝthlǝr gǝri ba ɓatǝ sǝr gǝri. Yi zǝndi apǝri gǝri adi ata kasatsǝni ndzǝ kǝmangar wɛ, nam tǝ gǝri nkǝrti ndzǝ nam tara mǝrti kǝr dar ndzǝr hya yarɛ ama dar adi ahani wɛ, ba ndǝ ɓui tǝ dar ndzǝr hawi.

Wulsu 2:9

Yi zǝndi bwaniyir gǝri ba ngudikur gǝri ama tsu gǝri bǝrba! Yi zǝndi hawiyir ndzǝ nam ada gha apǝri dar ndzǝr Yahudi ama dar adi apani wɛ, dar fǝr vǝkǝr sǝlaiyir Satan.

Wulsu 3:15

Yi zǝndi sǝr 'yar ngǝ yarɛ, apǝri gɛ adi lang-lang wala bwar-bwar wɛ. Yi bara ka gǝ 'ya wala pathlu akwa ntsa dar!

Wulsu 3:2

Hyati! Dǝnautsǝni sǝ nam tara mbi ba angwada bara nti, akuya Yi ta ɓui sǝr 'yar ngɛ yarɛ kal-kal akǝma Hyalǝrna wɛ.

Wulsu 3:8

Yi zǝndi sǝr 'yar ngɛ yarɛ. Wulɛ, Yi kǝ vi nyavǝr mburmburi akǝma gɛ nam tǝ ndǝr harti adi wɛ. Wala ahani Yi zǝndi apǝri gɛ aka dǝna nkyiɗǝ laka, ama gǝ ɓǝlati labarna ba gǝ ta ɓwalnyar thlǝmawai wɛ.

Wulsu 4:5

Ata dǝgǝl kuhyikur ni parakǝr makǝi sǝba, pǝral aka dlǝri. Akǝma dǝgǝl kuhyikurni, pitǝla yarɛ murfwɛ ada mba. Əni yarni ani mambǝl yarɛ murfwɛ nǝr Hyal.

Wulsu 5:6

Antǝ Yi wula Zǝr Agam, tǝ ndɛ ada wulɛ apa ndǝ thlakǝr wuya alari, ada hyati ata ɗǝfa dǝgǝl kuhyikur ni, tǝ sǝ aka mpikɛ yarni fwaɗu ba ndzǝ ngga-ngga yarni tara dlǝti tǝni. Dza aka tǝmbǝl yarɛ murfwɛ ba ntsɛ yarɛ murfwɛ, nam ani mambǝl yarɛ murfwɛ nǝr Hyal nam tǝ ndǝ hyanǝba alǝkwa sanga dai.