Wulsu 21:3 - Kibaku NT

³ Ba Yi ka ngati kuɗahu nam ngga tara sǝba akwa dǝgǝl kuhyikur ada nkǝrɛ, “Kulini vui ndzaiyir Hyal kǝ 'ya akwa ntsa ndzi, ba dzǝ ata ndzai kaka dar. Dar ata ndzai ndzǝrni, ba Hyal aka kǝrni ata ndzai kaka dar ka dzǝ ndzai Hyalǝr dar.

Wulsu 21:3 Iomraidhean Croise

Yawhana 1:14

Ndǝr ni kǝ ndzai ndɛ, dzǝ ka mǝrti vui ndziyirni akwa ntsa muri. Muri kǝ wula nggakurni, nggakur nǝr Zǝr duku ba Ɗiɗi, dzǝ nam tara hyati adzǝ Tada, ghǝi-ghǝi aka ɗakur ba dzǝri.

Yawhana 14:23

Yɛsu kalaktsǝni alari, “Kǝlara ndǝ nam tara yiɗǝ tǝra, dzǝ ata ngandǝrǝr hyipǝrna. Babarna ata yiɗǝ tǝni ba yar ata si adzǝni ba yar ata mǝrti kǝiyir yar kaka dza.

2 Ndzǝr Kwaranti 6:16

Ngabadzi dzǝli madi nam akwa ɓwanga fǝr Hyal aka nǝr mǝlǝm? Akuya muri dza fǝr Hyal nam aka mpikɛ. Apa tǝ Hyal tara nkǝrɛ: “Yi ata ndzai vwam kaka dar, ba ka Yi nuɗɛ akwa ntsa dar, ba Yi ata ndzai Hyalǝr dar, ba dar ata ndzai ndzǝrna.”

2 Ndzǝr Kwaranti 6:18

“Yi ata ndzai Tada ala gǝri, ba gǝr ata ndzai madarna kaka nkwaiyirna, ndǝ Thlaku nam Ɓwaltasang.”

1 Ndzǝr Tasalaunika 3:11

Kulini ka Hyalǝr yar, ba tada, tǝ kǝrni, ba Thlakǝr muri Yɛsu, ka dzǝ mburnta ala yar whalɛ ka yar si adzǝ gǝri.

Ndzǝr Ibrahim 11:16

Ata vuiya ǝni, dar ada bara di nam ɗaku—nam atahyal. Kadǝbar ǝni Hyal ta nga sǝlai tǝ dar kǝga tǝni Hyalǝr dar wɛ, akuya dzǝ ɗǝmhǝi mǝlmɛ ala dar.

Ndzǝr Ibrahim 8:10

Əni ani sǝ mbwa-mbwa nam tǝ Yi ata 'ya aka kǝiyir Izǝraila aghǝla saka ǝnda, ndǝ Thlaku. Yi ata pu mabariyirna yarɛ akwa hankala dar ba Yi ata rǝbwai tǝ dar akwa ɗǝfa dar. Yi ata ndzai Hyalǝr dar ba dar ata ndzai ndzǝrna.

Ndzǝr Ibrahim 8:2

Akwanda dzǝ ndǝr kǝthlǝr akwa fǝr nguzi nam atahyal ni, nam ani vui nam dzǝri nǝr vǝkǝr sǝlai nam tǝ Thlaku ni dzǝ ani tara mǝrti, adi ndɛ wɛ.

Wulsu 10:4

Ba sakatǝ dlǝri yarɛ murfwɛ ndǝrɛ, Yɛ angwada rǝbwa; ama Yi ngati kuɗahu atahyal ada nkǝrɛ, “Ɗǝwar sǝ nam tǝ dlǝri yarɛ murfwɛ tara gha ni ba ta gǝ ta rǝbwa tǝni.”

Wulsu 10:8

Antǝ kuɗahu nam tǝ Yi tara ngati atahyal nda ndǝrɛ alai kadamwa: “Mwari, ka gǝ dlutsi zǝr kakadu pǝrpǝri nam mburmburi akwa tsiya ndǝr hyantǝr Hyal nam ada hyati ata manda ba ata dai ni.”

Wulsu 12:10

Antǝ Yi ngati kuɗahu ngga atahyal ada gha: “Kulini mbatǝdzi ba dǝna ba kuhyikur nǝr Hyalǝr muri, ba wada Kǝrstiyirni kǝ si. Akuya ndǝr bǝrku madar mama muri, nam ada bǝrku tǝ dar akǝma Hyalǝr muri tsǝtsi aka vǝri, ndǝ ɗalghǝl tǝni.

Wulsu 21:7

Ndǝ nam tara sǝmkǝr dzǝ ata fa wartar sanga sǝ yarni, ba Yi ata ndzai Hyalǝrni, ba dzǝ ata ndzai zǝrna.

Wulsu 22:3

Hyal tsu awa kǝlnta barka ata kǝra ndzi akwa mǝlmǝ ni wɛ. Dǝgǝl kuhyikur Hyal ba nǝr Zǝr Agam ata ndzai akwa mǝlmǝ ǝni, ba madar kǝiyirni ata 'ya alari kǝthlǝr.

Wulsu 7:15

Kadǝbar ǝni, “Dar akǝma dǝgǝl kuhyikur Hyal ada 'ya alari kǝthlǝr tsǝtsi aka vǝri akwa fǝr Hyalǝrni; ba dzǝ nam ada ndzai ata dǝgǝl kuhyikur ata tǝrkǝr dǝri ata kǝra dar.