Wulsu 21:2 - Kibaku NT

² Yi wula Mǝlmǝr Hyal, Ursalima nam bǝlin, ada sǝgǝl ati adzǝ Hyal, tǝ ndǝ ɗǝmhǝ apa kambǝl tara dzǝguti kǝrni dakwai kadǝbar salǝrni.

Wulsu 21:2 Iomraidhean Croise

Yawhana 3:29

Ndǝ nam aka kǝdǝwa ani sala kǝdǝwa. Pazǝr sala kǝdǝwa dzǝ ada sǝkɛ, tǝ dzǝ ada si thlǝmɛ alari, ɗǝfari 'ya sǝɗa dzǝr dzǝri sakatǝ dzǝ ngati kuɗaha sala kǝdǝwa ni. Kutsariyir pazǝr sala kǝdǝwa ni kǝ 'ya nana, ba kulini kǝ ghǝiyabadzi.

2 Ndzǝr Kwaranti 11:2

Yi ada sǝlku akuya ka gǝri aka sǝlku nǝr Hyal. Yi 'ya alkawalǝr gǝri ala sal duku, ala Kǝrsti, ani ka Yi mǝzi ka lari tǝ gǝri apa dabuga ɗulang.

Ndzǝr Ibrahim 11:10

Akuya dzǝ ada wulɛ alǝkǝma mǝlmɛ nam aka piyartsǝni yarɛ, nam tǝ ndǝr ntǝhari ba tsari ani Hyal.

Ndzǝr Ibrahim 11:16

Ata vuiya ǝni, dar ada bara di nam ɗaku—nam atahyal. Kadǝbar ǝni Hyal ta nga sǝlai tǝ dar kǝga tǝni Hyalǝr dar wɛ, akuya dzǝ ɗǝmhǝi mǝlmɛ ala dar.

Ndzǝr Ibrahim 12:22

Ama gǝr si adzǝ Payar Sihiyauna, ba akwa mǝlmǝr Hyal nam aka mpikɛ, Ursalima nam atahyal, ba vui nam tǝ tsaɓtsǝnidzǝr kutsari nǝr ndzǝr hyantǝr hyal yarɛ nam hang akwa,

Ndzǝr Ibrahim 13:14

Akuya akwani mur adi aka mǝlmɛ nam kura ada 'yantadzi wɛ, ama muri ada bara mǝlmǝ nam tsu ata si.

Wulsu 1:1

Hyal la sǝ ǝni ala Yɛsu Kǝrsti, ka dzǝ tsanti ala madar kǝiyirni yarɛ, sǝ nam kǝ ndzai ntsakǝr ata siya 'ya kulini-kulini. Dzǝ mǝrti tǝ ndǝ zǝndi atar hyanti ndǝr hyantǝr Hyalǝrni ala zǝr kǝiyirni Yawhana,

Wulsu 1:4

Kakadu ni hyati aka Yawhana ala ikǝlizǝya yarɛ murfwɛ nam akwa diyir Asiya. Ka Hyal dzǝ nam kulini ba dzǝ nam watsi ba dzǝ ani nam ata si, ba mambǝl yarɛ murfwɛ nam akǝma dǝgǝl kuhyikur ni, ka dzǝ la gǝri ɗakur Hyal ba ndzai lapiyakur.

Wulsu 1:9

Yɛ, Yawhana, zǝr mama gǝri ba ndǝr bwanai kǝma gǝri akwa kuhyikur Yɛsu ba kǝmar ɓatǝsu nam nǝmuri akwa Yɛsu, Yɛ ata garǝr Patmausu kadǝbar ka ndǝrǝr Hyal ba nkǝrnta su ata kǝra Yɛsu.

Wulsu 11:2

Ama ta gǝ ta hau babalǝr ndzǝ kura Yahudi akwa; ta gǝ ta nkǝrti tǝni, kadǝbar ndǝ la tǝni ala ndzǝ kura Yahudi. Dar ata dlaɓwɛ aka thlǝlɛ mǝlmǝr Hyal ni nǝr hya 42.

Wulsu 21:10

Ba dzǝ ka kǝtǝ tǝra akwa Mambǝl ni alǝkwa paya nam ngga ba dzǝgam, ka tsanti alai Mǝlmǝr Hyal, Ursalima, ada sǝgǝl ati adzǝ Hyal.

Wulsu 21:9

Pathlu akwa ntsa ndzǝr hyantǝr Hyal murfwɛ ni nam aka ntasa yarɛ murfwɛ ghǝi-ghǝi aka kǝriku nǝr dǝnta murfwɛ si ka nkǝrɛ alai, “Azǝrɛ, Yi ata tsanti ala gɛ kǝduwa ni, mwalar Zǝr Agam ni.”

Wulsu 22:17

Mambǝl ni ba kambǝl ni nkǝrɛ, “Azǝrɛ!” Ba ngyar ndǝ nam ngati ka dzǝ nkǝrɛ, “Azǝrɛ!” Kǝlara ndǝ nam ada nga thlǝlai, ngyar ka dzǝ si; ba kǝlara ndǝ nam yiɗɛ, ngyar ka dzǝ kǝtǝ sǝgar yimǝr mpikɛ ni ɓǝrtu.

Wulsu 22:19

Ba ma kǝlara ndǝ nam tara kǝnta su akwa ndǝrǝr kakadǝr nabikur ni, Hyal ata mbuli nǝbwarni akwa fur mpikɛ ba nǝbwarni akwa mǝlmǝr Hyal, nam tǝ ndǝ tara rǝbwai akwa kakadǝ ǝni.

Wulsu 3:12

Ndǝ nam tara sǝmkǝr Yi ata mǝrti tǝni mǝtǝnga akwa fǝr Hyal nǝr Hyalǝrna, ba dzǝ adi ata saga ngyar tǝni wɛ. Yi ata rǝbwai ata dzari thlǝma Hyalǝrna ba thlǝma mǝlmǝr Hyalǝrna, Ursalima nam bǝlin, nam ata sǝgǝl atahyal aka Hyalǝrna; ba Yi yɛ Yi ata rǝbwai ata dzari thlǝmawai nam bǝlin.