Wulsu 2:9 - Kibaku NT

⁹ Yi zǝndi bwaniyir gǝri ba ngudikur gǝri ama tsu gǝri bǝrba! Yi zǝndi hawiyir ndzǝ nam ada gha apǝri dar ndzǝr Yahudi ama dar adi apani wɛ, dar fǝr vǝkǝr sǝlaiyir Satan.

Wulsu 2:9 Iomraidhean Croise

Mata 4:10

Yɛsu ka nkǝrɛ alari, “Tǝra adzǝra, Satan! Akuya rǝbwa-rǝbwa: ‘Vǝkǝr sǝlai ala Thlaku Hyalǝr ngɛ, ba ka gǝ 'ya kǝthlǝr alari ɗiɗi.’”

Luka 12:21

“Əni ani apani ata ndzai aka kǝlara ndǝ nam tara tsaɓtsǝni gabaka ala kǝrni ama dzǝ adi aka gabaka adzǝ Hyal wɛ.”

Luka 22:65

Ba dar ka gha labar rutsǝni hangkurari alari.

Luka 4:18

“Mambǝlǝr Thlaku ni adai ata kǝrawai, kadǝbar dzǝ tsarba tǝra kǝi nkǝr ndǝrǝr Hyal nam sǝɗa ala ndzǝ nam ngudi yarɛ. Dzǝ hya tǝra ka Yi nkǝrnta ɓui kǝr ala ndzǝ nam akwa fǝrsǝna yarɛ ba ka Yi mburnta ntsɛ ala ghyang yarɛ, ka Yi mpǝli ndzǝ nam tǝ ndǝ tara ntsani,

Luka 6:20

Tǝ Yɛsu ata kǝra wul ndzǝr nuwurni yarɛ, dzǝ ka nkǝrɛ, “Gǝri aka kutsari, gǝri nam ngudi, akuya kuhyikur Hyal nǝgǝri.

Yawhana 16:33

“Yi nkǝrɛ ala gǝri apani ani ka gǝr ɓui ndzai lapiyakur akwa Yi. Akwa dunya gǝri ata sa bwanai, ama mbwaiyamɛ ɗǝfu! Yi sǝmkǝr ata kǝra dunya.”

'Ya Su 14:22

Dar la dǝna ala ndzǝr nuwɛ ba dǝnautsǝni tǝ dar ka dar ndzai akwa dzǝrkur ala hamnta dzǝri. Dar nkǝrɛ, “Kǝ ndzai ntsakǝr muri ata kwatsǝni akwa bwanai hang ka lǝkwa kuhyikur Hyal.”

'Ya Su 26:11

Yi mwari ka hang akwa fǝr vǝkǝr sǝlaiyir ndzǝr Yahudi pathlu ka la damwa ka Yi la dar bwanai, ba Yi ada 'ya ka Yi hau tǝ dar akwa tǝ dǝna ka dar gha sǝ kulɗa ata kǝra Hyal. Akwa sǝwasǝwakur ɗǝfawai ata kǝra dar, har Yi lǝba ata mǝlmǝr ndzi tǝ Yi la dar bwanai.

Ndzǝr Rauma 12:12

Kutsariyamɛ akwa tǝmatsǝni, 'yamɛ kǝmar akwa bwanai, lǝkǝmamɛ aka 'ya aduwa tatang.

Ndzǝr Rauma 2:17

Kulini gɛ, ma gǝ ka kǝrngɛ apǝri gǝ ndǝr Yahudi; ma gǝ vǝti dǝna ata mabari ba agula ata kǝra mwardzǝr gǝri aka Hyal;

Ndzǝr Rauma 5:3

Adi ɗiɗi ahani wɛ, ama tsuwɛ muri ada kutsari akwa bwanaiyir muri yarɛ, kadǝbar muri zǝndi apǝri bwanai ada si aka ɓatǝsu;

Ndzǝr Rauma 8:35

Wa ani awa ndǝghǝba tǝ muri aka yiɗǝdzǝr Kǝrsti? Bwanai ya kǝna kǝriku kǝna ma ndɛ ada 'ya ala muri sǝ kulɗa kǝna mi kǝna anghyaɗukur kǝna asar kǝna katsakar?

Ndzǝr Rauma 9:6

Adi apǝri kura Hyal ta ɓǝlati alkawalǝrni wɛ. Akuya adi sanga ndzǝ nam tara hyati ata Izǝraila dar ndzǝr Izǝraila wɛ.

2 Ndzǝr Kwaranti 6:10

Yar ada sǝngǝlɛ, ama yar ada kutsari kǝlara saka; yar ngudi, ama yar ada mǝrti ndzǝ hang bǝrba; yar adi aka mima wɛ, ama yar aka sanga su.

2 Ndzǝr Kwaranti 8:2

Akwa bwaniyir dar nam dzau, kutsariyir dar nam hang ba ngudikurdar nam wur-wur hau tǝ dar ka 'ya whuyakur.

2 Ndzǝr Kwaranti 8:9

Gǝri kurtaka zǝndi hangkur sǝ nam tǝ Thlaku Yɛsu Kǝrsti 'ya akuya ka gǝri nam kura gǝri awa mǝzi ka ɓui, nam wala tǝ dzǝ bǝrba, ata nyar gǝri dzǝ ndzai ngudi, ani ka atar ngudikur ní gǝri ata 'ya bǝrba.

1 Ndzǝr Tasalaunika 3:4

Dzǝri, wala sakatǝ yar kaka gǝri, yar lǝkama ka nkǝr ala gǝr apǝri ndɛ ata la yar bwanai. Ani kǝ 'ya ata whal nda apa tǝ gǝri zǝndi dzǝri.

1 Timathlawus 1:13

Wala apani watsi Yi ndǝr ngǝngǝlɛ Hyal ba ndǝr la bwanai ala ndzi. Hyal 'ya alai kǝtǝrdzi kadǝbar Yi 'ya sǝ yarɛ ni akwa tǝrkur zǝndi ba akwa kura mbǝrsa.

1 Timathlawus 6:18

Tsau ala dar ka dar 'ya sǝ ɗaku, ka dar ndzai bǝrba akwa 'ya sǝ nam ɗaku, ba ka dar ndzai whuya ba dar ada yiɗɛ la sǝ ala ndzi.

Wulsu 1:9

Yɛ, Yawhana, zǝr mama gǝri ba ndǝr bwanai kǝma gǝri akwa kuhyikur Yɛsu ba kǝmar ɓatǝsu nam nǝmuri akwa Yɛsu, Yɛ ata garǝr Patmausu kadǝbar ka ndǝrǝr Hyal ba nkǝrnta su ata kǝra Yɛsu.

Wulsu 2:13

Yi zǝndi vui ndzaiyir gǝri—vui nam tǝ Satan ada 'ya kuhyikur akwa. Wala apani gǝri ngǝzi thlǝmawai aka dzǝrkur. Gǝri ta ɓwalnyar hamnta dzǝrǝr gǝri akwa Yi wɛ, wala akwa vǝr yarɛ nǝr Antipas, ndǝr sakǝidarna nam dzǝri, nam tǝ ndǝ tsi akwa mǝlmǝr gǝri—vui nam tǝ Satan ada ndzai.

Wulsu 2:2

Yi zǝndi 'yar gǝri yarɛ, dzaukur kǝthlǝr gǝri ba ɓatǝ sǝr gǝri. Yi zǝndi apǝri gǝri adi ata kasatsǝni ndzǝ kǝmangar wɛ, nam tǝ gǝri nkǝrti ndzǝ nam tara mǝrti kǝr dar ndzǝr hya yarɛ ama dar adi ahani wɛ, ba ndǝ ɓui tǝ dar ndzǝr hawi.

Wulsu 2:24

Kulini Yi gha ala mambiya gǝri akwa Thliyatira, ala gǝri nam kura ta ngǝzi sǝr tsǝlǝrni ba ndzǝ nam kura ta tsǝli sǝ nam tǝ ndzǝ laka ada kǝga tǝ sǝ ɗǝwaɗǝwar Satan yarɛ (Yi adi ata vǝkǝr kǝlara kǝl damwa ata kǝra gǝri wɛ):

Wulsu 3:9

Yi ata mǝrti ndzǝ nam nǝr fǝr vǝkǝr sǝlaiyir Satan, ndzǝ nam tara mǝrti kǝr dar apa ndzǝr Yahudi ama dar adi ahani wɛ—dar ndzǝr hawi. Yɛ ata mǝrti tǝ dar ka dar si ka dla akǝma gɛ ani ka dar zǝndi apǝri Yi yiɗɛ tǝngɛ.

Wulsu 7:14

Yi sǝnau, “Thlaku, gǝ zǝndi.” Ba dzǝ ka nkǝrɛ, “Ndzǝ yarni dar ani ndzǝ nam tara sǝba akwa bwanai nam dzau; dar kǝtsǝnta kariyir dar ka mǝrti tǝ dar mwapu akwa masǝr Zǝr Agam.