Wulsu 2:5 - Kibaku NT

⁵ Ɗǝngati mɛ pǝɗǝmkur vui nam tǝ gǝri ɗi akwa! Tubiyamɛ ka gǝri 'ya sǝ yarɛ nam tǝ gǝri 'ya kǝma. Ma gǝri ta tubi wɛ, Yɛ ata si ata kǝra gǝri ka kǝlnta thlǝmthlǝmǝr hai pitǝlar gǝri akwa vuiyirni.

Wulsu 2:5 Iomraidhean Croise

Mata 5:14

“Gǝr dza parakǝr dunya ni. Mǝlmɛ nam ati ata kǝra gar adi ata mǝzi ɗǝwardzi wɛ.

Mata 5:15

Tsuwɛ ndǝ adi ada ngyu u'u akwa pitǝla ka mbui akur kugwa wɛ; ama dzǝ ata hai ata sǝr ha tǝni, akuya ka dzǝ mbǝli ala sanga ndzǝ nam akwa kuta kǝiyari.

Markusu 12:9

Yɛsu yu, “Mi dzá, tǝ thlakǝr fwakǝr inabi ni awa 'ya? Dzǝ ata si ka kurnta ndzǝr wul fwaku ni, ka dzǝ la fwakǝr inabi ni ala ndzǝ damwa.

Luka 1:17

Ba dzǝ ata mwari akǝma Thlaku ni, akwa mambǝlɛ ba dǝna nǝr Iliya, Ka dzǝ si aka hankala ndzǝr ya ata kǝra madar dar, ba dzǝ nam kura ada ngandǝrɛ ka dar nu bǝrkawakur nǝr ndzai kal-kal—ka dzǝ ɓui ndzǝ hang nam tara ɗǝmhǝdzi akuya ka Thlaku ni.”

Luka 20:16

Dzǝ ata si ka kurnta ndzǝr tsǝwhu yarɛ ni, ka dzǝ la fwaku ni ala ndzǝ damwa.” Sakatǝ ndzi ngati apani, dar ka nkǝrɛ, “Ta dzǝli sǝ ahani ta saga 'ya!”

Ndzǝr Galatiya 5:4

Gǝr nam ada bara ndzai kalkalkur atar nu mabari, gǝr kǝ ndǝghǝbadzi aka Kǝrsti; gǝr kǝ pǝranta ta ɗakur Hyal.

Ndzǝr Filibi 2:15

ani ka gǝri ndzai kura sǝr ngǝlɛ ba kǝtsǝkǝtsi, madar Hyal kura aka aibai akwa zaman ǝni nam mbalmbali kulɗa, nam tǝ gǝri ada mbǝli apa tsambiya yarɛ nam akwa dunya ni

Ndzǝr Ibrahim 10:32

Ɗǝngatamɛ vǝri yarɛ nam kǝma-kǝma nda aghǝla tǝ gǝri dlutsi paraku, sakatǝ gǝri hyati ɓaɓal akwa bǝbǝkǝi nam ngga ata nyá sa bwanai.

2 Bitrusu 3:17

Akuya ǝni, pazi yarɛ nam tǝ Yi yiɗɛ tǝng tǝ gǝr kurtaka zǝndi sǝ ǝni, ka gǝr wul kǝr gǝri ani ka ta santadzǝr ndzǝ nam kura nu mabari ta tǝra aka gǝri ka gǝri dlantadzi ta vuiyir gǝri nam lapiya.

Yahuda 1:24

Ala dzǝ nam ada mǝzi ka ɓǝlati tǝ gǝri ta gǝri ta dla ba ka si aka gǝri akǝmari nam ɓwaltasang kura aka aibai ba aka kutsari nam ngga—

Wulsu 1:20

Ɗzǝr ɗǝwa-ɗǝwa nǝr tsambiya yarɛ murfwɛ nam tǝ gǝ wula akwa tsisǝmawai ba thlǝmthlǝmǝr dinar murfwɛ nǝr hai pitǝla yarni ani ǝni: Tsambiya yarɛ murfwɛ ni ani ndzǝr hyantǝr Hyal nǝr ikǝlizǝya yarɛ murfwɛ, ba thlǝmthlǝmǝr dinar murfwɛ nǝr hai pitǝla yarɛ ni ani ikǝlizǝya yarɛ murfwɛ ni.”

Wulsu 16:9

Dar hulvǝntadzi tǝ ɓwaɓwakur nam dzau ba dar ngǝngǝl thlǝma Hyal, dzǝ nam aka dǝna ata kǝra kǝriku yarni, ama dar ngǝla tubi ba lari nggakur.

Wulsu 2:16

Tubiyamɛ! Ma adi ahani wɛ, Yɛ ata si adzǝ gǝri kulini ka mpa tǝ dar aka katsakarǝr nyawai.

Wulsu 2:19

Yi zǝndi sǝr 'yar gǝri yarɛ, yiɗǝdzǝr gǝri ba hamnta dzǝri, kǝthlǝr ba ɓati sǝr gǝri, ba sǝ nam tǝ gǝri ada 'ya kulini ɓwalta tǝ gǝri 'ya kǝma.

Wulsu 2:2

Yi zǝndi 'yar gǝri yarɛ, dzaukur kǝthlǝr gǝri ba ɓatǝ sǝr gǝri. Yi zǝndi apǝri gǝri adi ata kasatsǝni ndzǝ kǝmangar wɛ, nam tǝ gǝri nkǝrti ndzǝ nam tara mǝrti kǝr dar ndzǝr hya yarɛ ama dar adi ahani wɛ, ba ndǝ ɓui tǝ dar ndzǝr hawi.

Wulsu 3:19

Ndzǝ nam tǝ Yi yiɗɛ Yi ada ɗǝmnya ba 'yi tǝ dar. Ani ndzai aka dzǝrkur ka gǝ tubi.