Wulsu 2:3 - Kibaku NT

³ Gǝri lǝkǝma aka kǝmarkur ba gǝri ɓatǝ bwanai akuya thlǝmawai, ba gǝri ta ghǝri ka ngyar wɛ.

Wulsu 2:3 Iomraidhean Croise

Markusu 15:21

Ndǝ laka tǝ thlǝmari, Simaun nam tara hyati akwa Kairani, tǝ dzǝ ada si tǝbwar mǝlmɛ. Antǝ saudza yarni ka hau tǝ aka dǝna ka dzǝ kǝl undzum kadlǝkadlɛ. (Simaun dzǝ dza atǝgǝra Alizanda aka Rufus).

Luka 14:27

Kǝlara ndǝ nam kura ta kǝtǝ undzum kadlǝkadlǝrni ka nu tǝra, dzǝ adi ata mǝzi ndzai ndǝr nuwurna wɛ.

Luka 18:1

Antǝ Yɛsu nkǝrɛ ala ndzǝr nuwurni karabu laka ka dzǝ tsanti ala dar apǝri kal-kal ka dar 'ya aduwa kǝlara saka ta dar ta ngyar.

Luka 21:19

Ma gǝri hyati ɓaɓal gǝri ata ɓui mbatǝdzi.

Luka 5:5

Simaun sǝnau ka nkǝrɛ alari, “Thlaku, navǝri sanga yar pipiya kǝthlǝr aka dǝna, ama yar ta ngǝti mima wɛ. Ama kadǝbar tǝ gǝ ani tara gha ahani, Yi ata ntsǝghǝl sǝr tamwɛ yarɛ ni.”

Luka 8:15

Ama kulfǝ nam tara puyidzi ata hai nam ɗaku ni, dar ani ndzǝ nam tara ngati ndǝrǝr Hyal ni, ka ngǝzi akwa ɗǝfu dar, ba atar ɓati su dar yai munya.

Yawhana 15:21

Sanga ǝni dar ata 'ya ala gǝri kadǝbar thlǝmawai, akuya dar ta zǝndi Ndǝ nam tara hyanti tǝra wɛ.

Ndzǝr Rauma 12:12

Kutsariyamɛ akwa tǝmatsǝni, 'yamɛ kǝmar akwa bwanai, lǝkǝmamɛ aka 'ya aduwa tatang.

Ndzǝr Rauma 16:12

Ka gǝr thlawar Tǝraifina ba Tǝraifausa, mwahyi yarɛ nam tara 'ya kǝthlǝr dzau ala Thlaku ni. Ka gǝr thlawar pazǝrna nam tǝ Yi yiɗɛ Pǝrsisu, mwala damwa nam tara 'ya kǝthlǝr dzau wurwur ala Thlaku ni.

Ndzǝr Rauma 2:7

Ala ndzǝ nam ada lǝkǝma kura ngyar-ngyar akwa 'ya su ɗa tǝ dar ada bara ka Hyal la dar nggakur, ba kura nti, dzǝ ata la dar mpikǝ nam kura kurkuri.

Ndzǝr Rauma 8:25

Ama ma muri aka tǝmatsǝni akuya ka sǝ nam kura muri ta ɓui kwataku, muri ata sǝkǝ tǝni aka kǝmar.

1 Ndzǝr Kwaranti 13:7

Yiɗǝdzi adi ada sǝkur su wɛ, dzǝ ada mbǝrsa aka sanga su, dzǝ ada tǝmatsǝni sanga su, dzǝ ada ɓati sanga su.

1 Ndzǝr Kwaranti 16:16

ka gǝr kǝlǝngkǝr ala ndzi apa ǝni ba kǝlara ndɛ damwa nam ada kǝthlǝr ba 'ya su kaka dar.

2 Ndzǝr Kwaranti 10:15

Yar adi ada lǝba ta kǝla yar wɛ atar agula tǝ kǝthlǝr nam tǝ ndzǝ damwa dza 'ya. Tǝmatsǝniyir yar ani apǝri, apa tǝ hamnta dzǝrǝr gǝri ada kǝlí, babalǝr kǝthlǝrǝr yar akwa ntsa gǝri ada dzagǝi hang,

2 Ndzǝr Kwaranti 11:23

Dar madar kǝiyir Kǝrsti ya? (Yi adi akwa hankalawai tǝ Yi awa ndǝrɛ ahani wɛ.) Yi dza ɓwal. Yi dza 'ya kǝthlǝr nam dzau hang, Yi dza lǝkwa fǝrsǝna ka hang, Yi dza tǝ ndǝ dlaɓu aka kwangyang nam dzau, ba Yi ada sǝngui kudzǝghɛ adzǝ nti ka hang.

2 Ndzǝr Kwaranti 4:1

Kadǝbar ǝni, Tǝng tǝ atar kǝtǝrdzǝr Hyal ani tǝ yar ɓui kǝthlǝr ǝni, adi ɗiɗi kura yar ta ghǝri wɛ ba yar ta sǝkur wɛ.

2 Ndzǝr Kwaranti 4:16

Kadǝbar ǝni ta muri ta kǝlba akwa ɗǝfu. Wala tǝ abǝla ata dzɛ muri ada gyalntadzi, aivi akwa dzɛ mambǝlǝr mur ada mǝrtǝdzi bǝlin tatang vǝri.

2 Ndzǝr Kwaranti 5:9

Ani wala yar aivi akwa dzɛ ǝni, wala yar adi aivi wɛ sǝ nam tǝ yar ada bara ani ka yar panyi ɗǝfari.

2 Ndzǝr Kwaranti 6:5

Yar ɓati dlaɓwɛ, ndzai akwa fǝrsǝna, kǝthlǝr nam dzau ba pi kura ɗar hanyi ba mi.

Ndzǝr Galatiya 6:2

Ka gǝri kǝtǝ bwaniyir kǝma gǝri, ani akwa ǝni gǝri ata kǝlǝngkǝr aka hyipǝr Kǝrsti.

Ndzǝr Galatiya 6:9

Ta muri ta ghǝri aka 'ya sǝ nam ɗaku, kadǝbar muri ata dlutsi kǝthlǝr nǝr mpikǝ nam kura kurkuri ata saka nam kal-kal, ma muri ta ngyar 'ya sǝ nam ɗaku wɛ.

Ndzǝr Filibi 2:16

apa tǝ gǝri ngǝzi labar mpikɛ ɓaɓal, ani ka akwa vǝr nam tǝ Kǝrsti kǝ si Yi ata agula apǝri Yi ta pa whui wala 'ya kǝthlǝr ka ɓǝrtu wɛ.

Ndzǝr Filibi 4:3

A, ba Yi kǝgyǝ tǝ gǝri, ndzǝr kǝthlǝrǝrna nam dzǝri, mbana mɛ mwahyi yarni nam tara 'ya kǝthlǝr dzau aka yɛ akwa nkǝr ndǝrǝr Hyal nam sǝɗa, atakǝmaduku kaka Kǝlamɛnt ba bwadukwa ndzǝr kǝthlǝrǝrna yarɛ, ndzǝ nam tǝ thlǝma dar akwa kakadǝr mpikɛ.

Ndzǝr Kwalausi 1:11

Ka Hyal dǝnautsǝni tǝ gǝri aka sanga dǝna nam ada hyati akwa dǝnarni nam ngga, akuya ka gǝr mǝzi ka ɓatǝsu ba kǝl kǝmar aka kutsari.

1 Ndzǝr Tasalaunika 1:3

Tatang yar ada ɗǝngati tǝ gǝri akǝma Hyalǝr muri, Tada muri: kǝthlǝr gǝri nam tǝ gǝri 'ya kadǝbar hamnta dzǝri gǝri, ba sǝ nam tǝ gǝri 'ya akuya yiɗǝdzi gǝri, ba ɓatǝsur hau akwa ɗǝfu nam tǝ gǝri kǝri kadǝbar Thlakǝr muri Yɛsu Kǝrsti.

1 Ndzǝr Tasalaunika 2:9

Dzǝri gǝr ɗǝngati, madar mama, kǝthlǝr yar aka dzaukur; yar kǝthlǝr vǝri aka tsǝtsi ata vuiya ta yar ta ndzai kǝlɛ ala kǝlara ndɛ ma yar ada nkǝr ndǝrǝr Hyal nam sǝɗa nǝr Hyal ala gǝri.

1 Ndzǝr Tasalaunika 5:12

Kulini, madar mama kaka nkwaiyir mama yar kǝgyǝ tǝ gǝri, ka gǝri la sǝlai ala ndzǝ nam ada kǝthlǝr dzau nam akwa ntsa gǝri, ndzǝ nam ada pwar tǝ gǝri akwa Thlaku, ndzǝ nam ada ɗǝmnya ala gǝri.

2 Ndzǝr Tasalaunika 3:13

Ama ala gǝri, madar mama kaka nkwaiyir mama yarɛ, ta gǝri ta ghǝri aka 'ya sǝ nam kal-kal.

2 Ndzǝr Tasalaunika 3:5

Ka Thlaku ni pwar ɗǝfa gǝri alǝkwa yiɗǝdzǝr Hyal ba ɓatǝ sǝr Kǝrsti.

2 Ndzǝr Tasalaunika 3:8

wala yar ta sǝm ɗǝvǝr kǝlara ndɛ kura yar ta kinta wɛ. Pam ta ǝni, yar 'ya kǝthlǝr vǝri aka tsǝtsi, kǝthlǝr aka tsǝfɛ ani ka ta yar ta ndzai kǝlɛ ala kǝlara ndǝ akwa ntsa gǝri.

1 Timathlawus 4:10

(ba akuya ka ani tǝ yar ada 'ya kǝthlǝr ba bǝbǝkǝi), apǝri yar kurtaka hau tǝmatsǝniyir yar akwa Hyal nam aka mpikɛ, Ndǝr Mbati sanga ndzi, apamá ndzǝ nam aka mbǝrsa.

1 Timathlawus 5:17

Ndzǝ ngganggar ikǝlizǝya nam ada mwari aka kǝthlǝrǝr ikǝlizǝya kal-kal dar mǝzi dlu hǝmɛ ka sǝɗɛ, apamá ndzǝ nam ada 'ya kǝthlǝr nkǝr ndǝrǝr Hyal ba hyipɛ.

Ndzǝr Ibrahim 10:36

Ka gǝr lǝkǝma aka ɓati su ani ka sakatǝ gǝri 'yati sǝ nam tǝ Hyal ada bara, gǝri ata ɓui sǝ nam tǝ dzǝ 'ya alkawalari.

Ndzǝr Ibrahim 12:1

Kadǝbar ǝni, tǝng tǝ sakǝida yarɛ nǝr dlamiyir ndzi dlǝti tǝ muri, ngyar ka mur punta kǝlara sǝ nam ada ndǝrghǝl tǝ muri ba biku nam ada ngwatiya tapǝrtsi tǝ muri, ba ngyar ka mur whui aka ɓatǝsu akwa kǝ abarabara nam tǝ ndǝ vi akǝma muri ni.

Ndzǝr Ibrahim 13:13

Ngyar dzá, ka muri, mwari adzǝni alǝba ta vui tǝ ndzǝ akwa, ka muri kǝtǝ sǝlai nam tǝ dzǝ ɓati ni.

Ndzǝr Ibrahim 6:10

Hyal dzǝ aka dzǝri; dzǝ adi ata fwanta kǝthlǝrǝr gǝri wɛ ba yiɗǝdzi nam tǝ gǝri tsanti alari nam tǝ tara gǝri dlar ndzǝrni ba tǝ gǝri ada lǝkǝma aka dlar tǝ dar.

Ndzǝr Ibrahim 6:12

Yar adi ada bara ka gǝri ndzai sǝrwai wɛ, ama ka gǝr nu thlǝla ndzǝ nam atar hamnta dzǝri ba kǝmar sǝnya wartar sǝ nam tǝ Hyal 'ya alkawalari.

Ndzǝr Ibrahim 6:15

Ani apani aghǝla tǝ dzǝ tara sǝkɛ aka kǝmar, Ibrahim dlutsi sǝ nam tǝ Hyal 'ya alkawalari nda.

2 Bitrusu 1:6

ba ata kǝra zǝndi su, ɓǝlati kǝr, ba ata kǝra ɓǝlati kǝr, ɓatǝsu, ba ata kǝra ɓatǝsu, ndzai nǝr Hyalkur;

Wulsu 1:9

Yɛ, Yawhana, zǝr mama gǝri ba ndǝr bwanai kǝma gǝri akwa kuhyikur Yɛsu ba kǝmar ɓatǝsu nam nǝmuri akwa Yɛsu, Yɛ ata garǝr Patmausu kadǝbar ka ndǝrǝr Hyal ba nkǝrnta su ata kǝra Yɛsu.

Wulsu 3:10

Tǝng tǝ gǝ kǝ ɓǝlati tsauwurna tǝ gǝ ɓati aka kǝmarkur, Yɛ tsuwɛ Yɛ ata ɓǝlati tǝngɛ akwa sakar nkǝrti nam angwada si ata kǝra sanga dunya ka nkǝrti ndzǝ nam ada ndzai akwa dunya.