Wulsu 2:2 - Kibaku NT

² Yi zǝndi 'yar gǝri yarɛ, dzaukur kǝthlǝr gǝri ba ɓatǝ sǝr gǝri. Yi zǝndi apǝri gǝri adi ata kasatsǝni ndzǝ kǝmangar wɛ, nam tǝ gǝri nkǝrti ndzǝ nam tara mǝrti kǝr dar ndzǝr hya yarɛ ama dar adi ahani wɛ, ba ndǝ ɓui tǝ dar ndzǝr hawi.

Wulsu 2:2 Iomraidhean Croise

Mata 7:23

Antǝ Yi ata gha ala dar ata babal, ‘Yi ta saga zǝndi tǝ gǝri wɛ. Tǝramɛ adzǝra, gǝri ndzǝr 'ya su kulɗa!’

Yawhana 6:6

Dzǝ yu ǝni a akuya ka dzǝ nkǝrti tǝni, kadǝbar dzǝ tǝ kǝrni dzǝ zǝndi sǝ nam tǝ dzǝ ata 'ya.

Ndzǝr Galatiya 1:7

Dzǝrkurari ndǝrǝr Hyal nam sǝɗa damwa adi wɛ. Ama ata babal ndzǝ laka adai nam ada hyanti hankala ndzi tǝ dar ada bara pali ndǝrǝr nam sǝɗa nǝr Kǝrsti.

Ndzǝr Afisa 4:14

Antǝ muri tsu adi ata ɓakta ndzai apa madausai yarɛ wɛ, nam tǝ ndǝ ada zǝla alǝkǝma aka aghǝli atar sǝr tsǝlǝr dar yarɛ nam hawi atar masǝkukur ba dabariyir nǝr ndzi akwa whal zǝla ndǝr dar.

1 Ndzǝr Tasalaunika 1:3

Tatang yar ada ɗǝngati tǝ gǝri akǝma Hyalǝr muri, Tada muri: kǝthlǝr gǝri nam tǝ gǝri 'ya kadǝbar hamnta dzǝri gǝri, ba sǝ nam tǝ gǝri 'ya akuya yiɗǝdzi gǝri, ba ɓatǝsur hau akwa ɗǝfu nam tǝ gǝri kǝri kadǝbar Thlakǝr muri Yɛsu Kǝrsti.

1 Ndzǝr Tasalaunika 5:21

Ka gǝri wulba kǝlara su ka gǝri ngǝzi sǝ nam ɗaku.

2 Timathlawus 2:19

Ama piyartsǝniyir Hyal nam ɓaɓal ni ada hyati ɓaɓal, aka ɗǝhǝr Hyal ati nam ada nkǝrɛ: “Thlaku ni zǝndi ndzǝ nam nǝni,” ba, “Kǝlara ndǝ nam ada kǝga thlǝma Thlaku ni ntsakǝr ka dzǝ ngyar 'ya kulɗakur.”

Ndzǝr Ibrahim 6:10

Hyal dzǝ aka dzǝri; dzǝ adi ata fwanta kǝthlǝrǝr gǝri wɛ ba yiɗǝdzi nam tǝ gǝri tsanti alari nam tǝ tara gǝri dlar ndzǝrni ba tǝ gǝri ada lǝkǝma aka dlar tǝ dar.

1 Yawhana 4:1

Pazi yarɛ nam tǝ Yi yiɗɛ, ta gǝri ta mbǝrsa aka kǝlara mambǝlɛ, ama dzabamɛ mambǝl yarɛ ni ka gǝr wula wala dar hyati adzǝ Hyal, akuya nabiyir hawi yarɛ hang tara sǝba akwa dunya ni.

Wulsu 2:5

Ɗǝngati mɛ pǝɗǝmkur vui nam tǝ gǝri ɗi akwa! Tubiyamɛ ka gǝri 'ya sǝ yarɛ nam tǝ gǝri 'ya kǝma. Ma gǝri ta tubi wɛ, Yɛ ata si ata kǝra gǝri ka kǝlnta thlǝmthlǝmǝr hai pitǝlar gǝri akwa vuiyirni.

Wulsu 2:6

Ama sǝ duku adai tǝ gǝri 'yati kal-kal: Gǝri ngǝla sǝr 'yar ndzǝr Nikaulaitan, nam tǝ Yi yɛ Yi ngǝla.

Wulsu 2:9

Yi zǝndi bwaniyir gǝri ba ngudikur gǝri ama tsu gǝri bǝrba! Yi zǝndi hawiyir ndzǝ nam ada gha apǝri dar ndzǝr Yahudi ama dar adi apani wɛ, dar fǝr vǝkǝr sǝlaiyir Satan.

Wulsu 3:1

“Rǝbwai ala ndǝr hyantǝr Hyal nǝr ikǝlizǝya nam akwa Sardisu: Əni yarni ani ndǝrǝrni dzǝ nam tara ngǝzi mambǝlǝr Hyal yarɛ murfwɛ ba tsambiya yarɛ murfwɛ. Yi zǝndi 'yar ngɛ yarɛ; ndzǝ ada gha apǝri gɛ aka mpikɛ, ama gǝ ntǝnti.

Wulsu 3:15

Yi zǝndi sǝr 'yar ngǝ yarɛ, apǝri gɛ adi lang-lang wala bwar-bwar wɛ. Yi bara ka gǝ 'ya wala pathlu akwa ntsa dar!

Wulsu 3:8

Yi zǝndi sǝr 'yar ngɛ yarɛ. Wulɛ, Yi kǝ vi nyavǝr mburmburi akǝma gɛ nam tǝ ndǝr harti adi wɛ. Wala ahani Yi zǝndi apǝri gɛ aka dǝna nkyiɗǝ laka, ama gǝ ɓǝlati labarna ba gǝ ta ɓwalnyar thlǝmawai wɛ.