Wulsu 2:10 - Kibaku NT

¹⁰ Ta gǝri ta hyivǝr ata kǝra sǝ nam tǝ gǝri angwada ɗar bwanai ata kǝri. Yi gha ala gǝri, Satan ata pu ndzǝ laka akwa ntsa gǝri akwa fǝrsǝna ka nkǝrti tǝ gǝri, ba gǝri ata ɗar bwanai nǝr vǝr kumɛ. Ndzai aka dzǝrkur, har ka la nti, ba Yɛ ata la gǝri aliyapǝr mpikɛ.

Wulsu 2:10 Iomraidhean Croise

Mata 10:22

Sanga ndzi ata siya ngǝla tǝ gǝri ata nyarna, ama ndǝ nam tara ɓati ka la dǝnta dzǝ ata ɓui mbatǝdzi.

Mata 10:28

Ta gǝri ta hyivǝr ndzǝ nam ata tsai dzǝ ni, ama dar adi ata mǝzi ka tsai sangura wɛ; ama ka gǝri hyivǝr Hyal dzǝ nam ata mǝzi ka santa dzɛ gyapu aka sangura akwa u'u kura kuri.

Mata 24:13

Ama ndǝ nam tara hyati ɓaɓal ka la dǝnta dzǝ ata mbatǝdzi.

Markusu 13:13

Ba sanga ndzi ata siya ngǝla tǝ gǝri ata nyarna, ama ndǝ nam tara ɓati ka la dǝnta dzǝ ata ɓui mbatǝdzi.

Markusu 8:35

Akuya kǝlara ndǝ nam ada bara tsǝlpi mpikari dzǝ ata nai tari, ama kǝlara ndǝ nam tara ɗalnta mpikari akuya ka yɛ ba akuya ndǝrǝr Hyal nam sǝɗa ni dzǝ ata mbatǝ tǝni.

Luka 21:12

“Ama kabutu tǝ sǝ yarni sang ata 'ya, ndzǝ ata ngǝti tǝ gǝri, ka dar tsanti ala gǝri bwanai, dar ata mwari aka gǝri akwa fǝr aduwar dar akuya haka ba dar ata mwari aka gǝri akwa fǝrsǝna, ka dar ɓakta mwari aka gǝri akǝma kuhyi yarɛ ba gumna yarɛ kadǝbar thlǝmawai.

Yawhana 12:25

Ndǝ nam ada yiɗǝ mpikari, mpikari ata sa. Ndǝ nam kura ada yiɗǝ sǝr dunya ni akwa mpikari, dzǝ ata vi mpikari kura kurkuri.

Yawhana 13:2

Yɛsu kaka ndzǝr nuwurni dar akwa sǝm sǝr sǝmǝr vǝri, Satan kurtaka hau akwa ɗǝfa Yahuda Iskaryauti zǝr Simaun, tǝ dzǝ ata ɓǝlai Yɛsu.

Yawhana 13:27

Sakatǝ Yahuda dlutsi ɗǝvɛ ndari, ani Satan ka lǝkwa dzari. Yɛsu nkǝrɛ alari, “'Ya sǝ nam tǝ gǝ ada bara 'ya bǝtu.”

'Ya Su 20:24

Ama, Yi kǝtǝ mpikawai adi mima alai wɛ, ma ɗiɗi Yi ata kurai kǝ abarabara nam akǝmawai ba dǝnta kǝthlǝr nam tǝ Thlaku Yɛsu tara lai—kǝthlǝrǝr ghaba ndǝrǝr Hyal nam sǝɗa ala ndzi ata kǝra ɗakur Hyal.

'Ya Su 21:13

Antǝ Bulusu sǝnau, “Kami tǝ gǝri ada tuwa ada dli ɗǝfawai? Yi ɗǝmhǝdzi adi ka mbwa ɗiɗi wɛ, ama ka Yi nti yɛ akwa Ursalima akuya ka thlǝma Thlaku Yɛsu.”

1 Ndzǝr Kwaranti 9:25

Kǝlara ndɛ nam tara lǝkwa gyali dzǝ ada lǝkwa tsǝlɛ nam dzau. Dar ada 'ya ka dar ɓui aliyapu nam kura ada sǝkar; ama muri ada 'ya tǝni ka ɓui aliyapu nam ada ndzai kura kurkuri.

Ndzǝr Afisa 2:2

akwa whal nam tǝ gǝri tara ndzai sakatǝ gǝri nuti whal yarɛ nǝr dunya ǝni ba nǝr ndǝr kuhyi nǝr kuhyikur nǝr sambar ni, mambǝl ni nam kulini ada kǝthlǝr akwa ndzǝ nam kura ada ngandǝrǝr Hyal.

Ndzǝr Afisa 6:12

Akuya bǝbǝkǝiyir muri adi aka kum aka masi wɛ, ama aka ndzǝr kuhyi yarɛ, aka ndzǝr wada yarɛ, aka dǝna yarɛ nǝr dunyar kuthlɛ ǝni ba aka dǝna yarɛ nǝr mambǝl nam kulɗa akwa vui yarɛ nam atahyal.

Yakubu 1:12

Barka ala ndzǝ nam ada ɓati su akwa sakar sǝr nkǝrti, akuya ma dzǝ ɓati sǝr nkǝrti ni, dzǝ ata siya dlutsi aliyapǝr mpikǝ nam tǝ Hyal tara 'ya alkawalari ala ndzǝ nam tara yiɗǝ tǝni.

1 Bitrusu 5:4

Ba sakatǝ ndǝr ɓǝla nam Ngga sǝba, gǝri ata dlutsi darar nggakur nam adi ata saga mǝmantadzi.

1 Bitrusu 5:8

Ka gǝri ɓǝlati kǝr gǝri, ka gǝri ndzai ata mulɛ. Dawar gǝri Satan ada nuɗɛ apa dzǝngai ada zǝmi ada bara ndǝ tǝ dzǝ awa kwaɓǝlnya.

Wulsu 13:14

Kadǝbar ka sǝr ndati yarɛ nam tǝ ndǝ lar dǝna tǝ dzǝ ada 'yati ata vuiya mawi kulɗa nam tangkǝma ni, dzǝ zǝlanta ndzǝ nam ada ndzai ata dai. Dzǝ hau tǝ dar ka mǝrti su tara par mawi kulɗa nam tangkǝma ni ka vǝkǝr sǝlai ala mawi kulɗa nam tara ɓui mbǝlkǝr katsakar ba tsu dzǝ aka mpikɛ.

Wulsu 13:2

Mawi kulɗa tǝ Yi wula ni pa aka wulla, ama aka thlǝlɛ apa thlǝla kufǝr ba nyari apa nya dzǝngai. Nggar pwapu kulɗa ni la dǝnarni ala mawi kulɗa ni ba dǝgǝl kuhyikur ni ba wadarni nam ngga.

Wulsu 13:7

Ndǝ lar dǝnar dlǝ mpa ata kǝra ndzǝr Hyal ba ka dzǝ sǝmkǝr ata kǝra dar. Ba ndǝ lar wada ata kǝra kǝlara dǝr, ndzi, nya ba dai.

Wulsu 17:14

Dar ata 'ya mpa ata kǝra Zǝr Agam ni, ama Zǝr Agam ni ata sǝmkǝr ata kǝra dar kadǝbar dzǝ dza Thlakǝr thlaku yarɛ ba Kuhyir kuhyi yarɛ—ba ata ndzai kaka dza ndzǝ nam tǝ dzǝ kǝgati, ba tsarba ba ndzǝ nam aka mbǝrsa ba ada nuwɛ aka dzǝrkur.”

Wulsu 2:13

Yi zǝndi vui ndzaiyir gǝri—vui nam tǝ Satan ada 'ya kuhyikur akwa. Wala apani gǝri ngǝzi thlǝmawai aka dzǝrkur. Gǝri ta ɓwalnyar hamnta dzǝrǝr gǝri akwa Yi wɛ, wala akwa vǝr yarɛ nǝr Antipas, ndǝr sakǝidarna nam dzǝri, nam tǝ ndǝ tsi akwa mǝlmǝr gǝri—vui nam tǝ Satan ada ndzai.

Wulsu 2:9

Yi zǝndi bwaniyir gǝri ba ngudikur gǝri ama tsu gǝri bǝrba! Yi zǝndi hawiyir ndzǝ nam ada gha apǝri dar ndzǝr Yahudi ama dar adi apani wɛ, dar fǝr vǝkǝr sǝlaiyir Satan.