Wulsu 17:3 - Kibaku NT

³ Antǝ ndǝr hyantǝr Hyal ni ka kǝtǝ tǝra akwa mambǝlɛ alǝkwa ntaku. Akwanda Yi wula mwala ada ndzai ata mawi kulɗa magza pitu nam tǝ ndǝ mbui aka thlǝmǝr ngǝngǝl yarɛ ba dzǝ aka kǝr yarɛ murfwɛ ba tǝmbǝl yarɛ kumɛ.

Wulsu 17:3 Iomraidhean Croise

Mata 27:28

Dar ka ngunta lǝkutǝrni ka hadzǝ lǝkutu magza alari,

'Ya Su 8:39

Sakatǝ dar sǝba akwa yimi, kura aka santa saka Mambǝlǝr Thlaku kǝtǝ Filibusu atǝra. Ndǝ ntsu ni ta ɓakta wula tǝni wɛ, ama dzǝ tǝra ata whalǝrni dzǝ ada kutsari.

2 Ndzǝr Tasalaunika 2:4

Dzǝ ata 'ya dawakur, ba dzǝ ata haɓǝti kǝrni ɓwalta kǝlara sǝ nam tǝ ndǝ ada kǝga Hyal wala tǝ ndǝ ada vǝkǝr sǝlai, ani dzǝ ada mǝrti kǝrni ati akwa fǝr Hyal, dzǝ ada nkǝrɛ ala kǝrni apǝri dzǝ dzahyal.

Wulsu 1:10

Ata Vǝrǝr Thlaku Yɛ akwa mambǝlɛ, ba Yi ngati aghǝlawai kuɗahu nam ngga apa tǝmbǝlɛ,

Wulsu 12:14

Ndǝ la mwala ni bǝbǝga ambǝlǝm nam ngga sǝɗɛ, ani ka dzǝ mǝzi ka ɗǝghǝti atǝra akwa vui nam tǝ ndǝ ɗǝmhǝ alari akwa ntaku, vui nam tǝ ndɛ ata wulhǝ tǝni nǝr saka, saka yarɛ ba raitar saka, vui nam kura pwapu ni awa tsǝbti.

Wulsu 12:3

Antǝ sǝr ndati damwa sǝba atahyal: nggar pwapu kulɗa laka ngga magza aka kǝr murfwɛ ba tǝmbǝl kumɛ ba aliyapu murfwɛ ata kǝrari yarɛ.

Wulsu 12:6

Mwala ni whui atǝra akwa ntaku akwa vui nam tǝ Hyal tara ɗǝmhǝ alari, vui nam tǝ ndɛ ata wulhǝ tǝni nǝr vǝr yarɛ 1,260.

Wulsu 17:18

Mwala ǝni tǝ gǝ wula ni dzǝ ata vuiya mǝlmǝ ngga nam ada 'ya kuhyikur ata kǝra kuhyir dunya yarni.”

Wulsu 17:4

Mwala ni hadzǝ kari apa yimǝr galura ba magza pitu, ba ada mbǝli apa dinar, dzǝli paya yarɛ hang nam tǝ ndɛ ada ɗǝlɛ dzau. Dzǝ ngǝzi kapǝr dinar akwa tsiyari, ghǝi-ghǝi aka sǝr aghya yarɛ ba diɗɛ nǝr badawikurni yarɛ.

Wulsu 18:12

Kariyir dinar, lipǝla, paya yarɛ nam tǝ ndǝ ada ɗǝl dzau; lilǝng nam ɗaku, kari dainau-dainau, ngǝlazar magza; aka kǝlara dzǝli fur sǝwur sǝɗa, ba kǝlara dzǝli su yarɛ nam tǝ ndǝ 'ya aka hyira tsuwar, fwɛ tǝ ndǝ tsi kwapa hang akwa, ɗankyalbwa, yang ba paya ghǝyau;

Wulsu 18:16

ba dar ndǝri lǝlɛ: “ ‘Bwasam! Bwasam, gǝ nam mǝlmǝ nam ngga, tara hadzɛ lilǝng nam ɗaku, kari yimǝr galura ba magza, ba ada mbǝli aka dinar, paya yarɛ nam tǝ ndǝ ada ɗǝl dzau!

Wulsu 21:10

Ba dzǝ ka kǝtǝ tǝra akwa Mambǝl ni alǝkwa paya nam ngga ba dzǝgam, ka tsanti alai Mǝlmǝr Hyal, Ursalima, ada sǝgǝl ati adzǝ Hyal.

Wulsu 4:2

Tǝkǝma Yi ka lǝkwa mambǝlɛ, ba akwanda akǝmawai dǝgǝl kuhyikur atahyal aka ndǝ laka ada ndzai ati.