Wulsu 13:8 - Kibaku NT

⁸ Sanga ndzǝ nam ata dai ata vǝkǝr sǝlai ala mawi nam kulɗa ni—dar ani ndzǝ nam kura thlǝma dar rǝbwa-rǝbwa akwa kakadǝr mpikɛ ata baditsǝniyir dunya. Kakadu ni nǝr Zǝr Agam nam tǝ ndǝ tara thlakǝr wuya alari.

Wulsu 13:8 Iomraidhean Croise

Mata 25:34

“Antǝ Kuhyi ni ata nkǝrɛ ala ndzǝ nam ata bwar tsisǝmari ni, ‘Azǝramɛ, gǝri nam tǝ babarna vǝkǝr ala gǝri barka; ka gǝri dlutsi wartar gǝri, kuhyikur ni nam tǝ ndǝ ɗǝmhǝi ka gǝri tǝng tǝ ndǝ hǝnti dunya ni.

Luka 10:20

Ama ta gǝri ta kutsari akuya tǝ mambǝl yarɛ nam kulɗa ni ada kǝlǝngkǝr ala gǝri mai; ama ka gǝri kutsari apǝri thlǝma gǝri kǝ rǝbwaidzi atahyal.”

Yawhana 1:29

Sǝbar arpɛ, sakatǝ Yawhana tara wula Yɛsu ada si adzǝni dzǝ nkǝrɛ, “Wuti, Zǝr Agamǝr Hyal, ndǝ nam ata siya kǝlnta bikǝr dunya!

Ndzǝr Afisa 1:4

Akuya Hyal tsarba tǝ muri atar paktsǝnidzǝr muri kaka Kǝrsti kǝmata hǝnɛ dunya ni ka muri ndzai ndzǝrni ba kura aka aibai akǝmari. Akwa yiɗǝdzi

Ndzǝr Filibi 4:3

A, ba Yi kǝgyǝ tǝ gǝri, ndzǝr kǝthlǝrǝrna nam dzǝri, mbana mɛ mwahyi yarni nam tara 'ya kǝthlǝr dzau aka yɛ akwa nkǝr ndǝrǝr Hyal nam sǝɗa, atakǝmaduku kaka Kǝlamɛnt ba bwadukwa ndzǝr kǝthlǝrǝrna yarɛ, ndzǝ nam tǝ thlǝma dar akwa kakadǝr mpikɛ.

Taitus 1:2

hamnta dzǝri ǝni ba zǝndi sǝ nam ada ndzai ata tǝmatsǝniyir mpikǝ nam kura kurkuri, nam tǝ Hyal, dzǝ nam kura ada hawi, tara 'ya alkawalari kabutu baditsǝniyir saka,

Wulsu 12:15

Antǝ pwapu ni ka puba yimi hang asǝba akwa nyari apa kyagha, ka dzǝ kǝtǝ mwala ni ba tsarnta tǝni atǝra aka whuyir yimi.

Wulsu 13:12

Dza ada 'ya kǝthlǝr aka sanga wadar mawi kulɗa nam tangkǝma ni ata vuiyari, ba dzǝ mǝrti dunya ba ndzǝ nam akwa ka vǝkǝr sǝlai ala mawi kulɗa nam tangkǝma ni, nam tǝ mbǝlkari nam kulɗa ni ka kuri.

Wulsu 17:8

Mawi kulɗa ni, nam tǝ gǝ wula, watsi dzǝ adai, ama kulini dzǝ adi wɛ, ba dzǝ ata sǝba akwa Kau nam Dzǝgam ni ka mwari akwa vui santadzǝr ni. Ndzǝ nam ada ndzai akwa dunya ni nam kura thlǝma dar rǝbwa-rǝbwa akwa kakadǝr mpikɛ tǝng tǝ ndǝ hǝnti dunya dar ata ndatǝdzi sakatǝ dar wula mawi ni, kadǝbar watsi dzǝ adai, ama kulini dzǝ adi wɛ, ba wala ahani dzǝ ata si.

Wulsu 21:27

Sǝ nam kura kǝtsǝkǝtsi adi ata lǝkwa dza wɛ wala ndǝ nam ada 'ya sǝr sǝlai wala ndǝ nam ada zǝla ndɛ, ama ɗiɗi ndzǝ nam tǝ thlǝma dar rǝbwa-rǝbwa akwa kakadǝr mpikɛ nǝr Zǝr Agam ni.

Wulsu 3:10

Tǝng tǝ gǝ kǝ ɓǝlati tsauwurna tǝ gǝ ɓati aka kǝmarkur, Yɛ tsuwɛ Yɛ ata ɓǝlati tǝngɛ akwa sakar nkǝrti nam angwada si ata kǝra sanga dunya ka nkǝrti ndzǝ nam ada ndzai akwa dunya.

Wulsu 3:20

Wulɛ, nda Yi akwani! Yi ada hyati anyavǝr ka tsa. Ma kǝlara ndǝ nam tara ngati kuɗahawai ka mburnta nyavǝr, Yi ata lǝmbwa ka sǝmɛ aka dza, ba dza aka yɛ.

Wulsu 3:5

Ndǝ nam tara sǝmkǝr, tsu apa dar, dzǝ ata hadzǝ kari mwapu. Yi adi ata saga sazǝnta thlǝmari akwa kakadǝr mpikǝ wɛ, ama Yi ata nkǝrba thlǝmari akǝma Bana ba ndzǝr hyantǝrni yarɛ.

Wulsu 5:12

Dar ha aka kuɗahǝ nam ngga: “Zǝr Agam ni dzǝ mǝzi, nam tǝ ndǝ thlakǝr wuya, ka dlutsi dǝna ba bǝrba ba bǝrkawakur ba dzaukur ba vǝkǝr sǝlai ba nggakur ba hǝmɛ!”

Wulsu 5:13

Antǝ Yɛ ngati kǝlara sǝ aka mpikɛ atahyal ba ata dai ba akwi dai ba ata manda, ba sanga sǝ nam akwa dar, ada ha: “Ala dzǝ nam ada ndzai ata dǝgǝl kuhyikur ba ala Zǝr Agam ka hǝmɛ ba vǝkǝr sǝlai ba nggakur ba dǝna, kura kurkuri!”

Wulsu 6:1

Yɛ ada wulɛ sakatǝ Zǝr Agam ni mburnta nǝr tangkǝma dǝmwar yarɛ murfwɛ ni. Antǝ Yi ngati pathla sǝ aka mpikɛ fwaɗu ni nkǝrɛ akwa kuɗahu apa dlǝrǝr pǝral, “Azǝrɛ!”